Leita í fréttum mbl.is

Meinvarp í íslenzku efnahagslífi

einar_oddur_1-2.jpg
 
„Þessi stofnun er orðin hreint meinvarp í íslensku efnahagslífi og fátt brýnna en að leysa það hreinlega upp“, sagði Einar Oddur Kristjánsson, þingmaður Vestfirðinga og varaformaður fjárlaganefndar Alþingis, við fjárlagaumræðu á Alþingi þann 27. nóvember 2002 og átti þar við Hafrannsóknastofnun.
 
„Við getum ekki í byrjun 21. aldar lifað við ríkiseinokun í vísindum gagnvart þeirri náttúru sem fæðir okkur og klæðir, sem er hafið kringum landið.“
 
Einar Oddur sagði lífsnauðsyn að efla frjálsa vísindastarfsemi í landinu og ótækt væri að vera bundinn við Hafrannsóknastofnun, „sem með kreddum sínum í þrjátíu ár gagnvart þorskveiðunum er á góðri leið með að draga öll sjávarþorp Íslands niður“.

 

Einar Oddur sagði brýnt að breyta rekstrarformi ríkisstofnana, ekki síst opinberra vísindastofnana.

Hann sagði að ríkið hefði ekkert með það að gera að reka vísindastofnanir.

Hins vegar ætti að auka framlög ríkisins til vísindastarfsemi.

 Í framhaldi af þessu réðst Einar Oddur harkalega að Hafrannsóknastofnun, sem hann nefndi helsta óvin sjávarbyggðanna, en hún fær hátt á annan milljarð króna á fjárlögum til starfsemi sinnar.

Orðið „meinvarp“, sem Einar Oddur notaði um stöðu Hafrannsóknastofnunar í íslensku efnahagslífi, er venjulega notað um krabbameinsæxli.

Af bb.is


mbl.is Leggur til meiri þorskkvóta
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: P.Valdimar Guðjónsson

Er ekki tími til ad kætast Níels. ?Aukning og svona.

Kv.

P.Valdimar Guðjónsson, 8.6.2012 kl. 13:39

2 Smámynd: Níels A. Ársælsson.

Þetta er ekki neitt og stórfeld skerðing í ýsunni sem er náttúrulega þvílíkt bull og algjörlega á skjön við þá tilfinningu sem sjómenn hafa fyrir stofninum.

Níels A. Ársælsson., 8.6.2012 kl. 13:45

3 Smámynd: Tryggvi Helgason

Til fjölda ára hefi ég lagt það til að Hafrannsóknastofununin verði lögð niður og henni lokað. Og ég legg það enn til og því til viðbótar að allar eignir þeirrar stofnunar verði seldar.

Stofnunin hélt því fram, að ef farið væri að þeirra ráðum þá myndu allir fiskistofnar í hafinu dafna betur, og í framhaldinu mætti síðan veiða meira, og með meira öryggi, eða árlega um hálfa milljón tonna af þorski. Mér skylst að um áraraðir hafi verið reynt að fara eftir ráðgjöf þessarar stofnunar, en afraksturinn og veiðin aðeins verið um þriðjungur af því, eða jafnvel minna.

Ef kosnaðurinn við þessa stofnun er um tveir milljarðar á ári, þá er það engin smá upphæð sem sparast með því að leggja stofnunina niður.

Tryggvi Helgason, 8.6.2012 kl. 13:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband