Ég er reyndur skipstjóri

og fæ ekki að róa til fiskjar vegna aðgerða stjórnvalda. Ég býðst hér með til að stýra skipi þjóðkirkjunnar heilu í réttláta höfn samkynhneigðra. Ég kann á öll sjókortin og siglingartækin og treysti þeim fullkomlega.

Nei svona í alvöru talað þá er algjörlega nauðsynlegt að þjóðkirkjan gangi alla leið líkt og ríkisvaldið hefur nú þegar gert. Það er verr af stað farið en heima setið ef kirkjan sýður saman málamynda réttindi til handa samkynhneigðum. Það yrði dapurleg staða fyrir marga presta og sóknarbörn þeirra.

Tilv í ræðu biskups;  „Vilji menn róa saman þá varðar miklu að vita hvert skal stefna og að vera búinn staðsetningartækjum, kompás og kortum til að finna réttu leiðina," sagði hann. „Ef margir róa saman er mikilvægt að þeir séu sammála um markmiðið og hvort treysta megi sjókortunum og áttavitanum.

 

Biskup segir skiljanlegt að verklag kirkjunnar þyki varfærið og fálmkennt

Athugasemdir

[Magnús Jónsson, 25.4.2007 kl. 20:44]

Er það ekki það sem hrjáir samkynhneigða helst, að áttavitinn er ekki í lagi.

[Níels A. Ársælsson., 25.4.2007 kl. 21:01]

Ja, ekki nema áttavitinn hjá gagnkynhneigðum sé algjörlega frosinn og sýni bara eina stefnu ?

[Jóhannes Ragnarsson, 25.4.2007 kl. 21:29]

Ég sá síra G. Waage rétt í svip í Kastljósi, en það fór ekki á milli mála að komásinn hjá honum hefur ekki verið stilltur lengi auk þess sem uppgefin misvísun í kortunum hjá þessum mikla musterishöfðingja er trúlega frá þrettándu eða fjórtándu öld. Það segir sig sjálft, að þeir sem sigla eftir sjókortum frá dögum Svartadauða munu fara villir vega. Það kæmi mér ekki á óvart þó snekkja síra Waage muni finnast strönduð á eynni Lesbos í staðin fyrir að ná höfn í Jerúsalem, og það fyrr en seinna.

[Níels A. Ársælsson., 25.4.2007 kl. 21:34]

Já og sjálf gyðjan Saffo taka á móti dýrðlingnum á strandstað.