Tími Íslenzkrar togaraútgerðar senn á enda

Í marsmánuði árið 1905 kom fyrsti togarinn í eigu Íslendinga, sem stofnað höfðu Fiskiveiðahlutafélag Faxaflóa árinu áður, til heimahafnar í Hafnarfirði.

Skipið var breskur gufutogari sem hét Coot, þ.e. blesönd, en skipið var smíðað í Glasgow árið 1892 og mældist 141,5 brl.

Útgerðin gekk brösuglega í fyrstu en síðan batnaði afkoman og síðustu árin var ágætis hagnaður af útgerð togarans, en skipið strandaði í desember 1908 við Keilisnes og náðist ekki á flot aftur.

Togarinn Coot var ekki stórt skip, jafnvel á sínum tíma, og var ekki eiginlegur úthafstogari heldur ætlaður til veiða á innsævi og veiddi hann því aðallega í Faxaflóanum.

Olíuverð hækkar enn

Athugasemdir

[Hafsteinn Viðar Ásgeirsson, 30.10.2007 kl. 14:58]

Það er nú orðin gömul tugga hjá mér að spá vandræðum togaraútgerðar vegna orkukostnaðar og núna mengunar. Sérstaklega hef ég miklar efasemdir um stórskip til hráefnisöflunar fyrir vinnslu í landi. Þær efasemdir eru gamlar og ná allt aftur til tíma Meitils hér í Höfninni, þar sáust nú mörg skelfileg dæmin sem væri hægt að skrifa bækur um og verður kannski gert.

Útgerð öflugra togara, verksmiðjuskipa, getur átt rétt á sér á fjarlægum miðum þar sem öðru verður ekki við komið og við karfaveiðar t.d. (það þarf nú svo sem ekki að binda um skeinu á karfastofnum hvað líður) en til að skarka upp í kálgörðum og landa á 3-5 daga fresti þurfum við ekki þessi öflugu skip. Eskfirðingar voru til að mynda varla búnir að eyða stófé í að gera til veiða rækjutogara mikinn þegar hann var kominn á sölu, enda aldrei raunhæfur til hráefnisöflunar fyrir vinnsluna.

Þessi vandræði vegna olíunnar á flotan eru nú bara rétt að byrja....

[Jóhannes Ragnarsson, 30.10.2007 kl. 18:36]

Vinsamlegast kíkið á http://ronnirokk.blog.is/blog/ronnirokk/

[Hafsteinn Viðar Ásgeirsson, 30.10.2007 kl. 20:20]

Þetta er hress strákur Jóhannes, trúi ekki öðru en hann taki þessari áskorun þinni......annars .....

[Árni Gunnarsson, 30.10.2007 kl. 23:57]

Mér finnst líklegt að þú verðir sannspár Hafsteinn.

Trúi þínum spám betur en verðbólguspám Glitnis nú á dögunum.

En stóra spurningin er nú auðvitað sú hvort það reynist satt að Angelina Jolie (vona að ég hafi skrifað nafnið rétt) sé barnshafandi?

[Hafsteinn Viðar Ásgeirsson, 31.10.2007 kl. 00:25]

 ...Ég er sammála með stóru spurninguna Árni, og svo er önnur sem ekki er lítið atriði; ætli sokkurinn af löpp ljósmyndarans sem Britney keyrði yfir (að sagt var) hafi selst við viðunandi verði????

Þetta verður að upplýsa, strax....

[Níels A. Ársælsson., 31.10.2007 kl. 04:08]

Strákar ! En vissuð þið það að Paris Hilton hefur frestað för sinni til Rúanda ?

Þetta er svakalegt !

[Hafsteinn Viðar Ásgeirsson, 31.10.2007 kl. 10:23]

Hmmmm....mér var ekki kunnugt um þetta, alltaf lagast það....