Dagur upp á dekk um miðja nótt - það þarf að ræða makrílinn !

Ekki er forsvaranlegt að úthluta kvóta á makríl eftir veiðireynslu þeirra örfáu skipa sem getað hafa stundað þessar ofbeldisfullu veiðar í skjóli yfirburða sinna sem þeir fengu með kaupum á rándýrum skipum vegna sérstaks vinskapar og sérstöðu Samherja hf, og fleiri inna fyrrum gjaldþrota bankanna.

Úthlutun makrílkvóta þegar þar að kemur ætti skilyrðislaust að lúta almennum leikreglum þannig að allir geta setið við sama borð.

Kemur þá til kasta ríkisins að bjóða kvótann út gegn gjaldi í ríkissjóð.

Það væri algjört brjálæði að ætla að gefa þeim makrílkvótann sem er að verðmæti svipað og allur þorskkvótinn.

Þá væri ekki langt að bíða þess að þeir væru búnir að verðleggja hann og veðsetja í útlöndum til næstu áratuga.

Einnig er algjörlega óásættanlegt að veiða þennan dýra fisk (makríl) í bland við síld og gefur það augaleið hvers vegna.

Það er lítið mál að sjá muninn á makríl og síld á leitartækjum í dag og lítið mál að veiða hann í hringnót með réttri fellingu en skipin verða að vera hljóðlát og segir sig sjálft að þessi risa stóru vinnsluskip (umhverfissóðar og grútaprammar) hafa lítið í þær veiðar að gera.

Ég var í Norðursjónum með föður mínum á Sölva Bjarnasyni BA-65, sumarið 1974, þá 14 ára gamall og við veiddum makríl í hringnót og það gekk bara vel, upp í 90 tonn í kasti.

Einnig mætti skipta við suma (grútarprammana) á makrílkvóta og bolfisk (þorski / svipuð verðmæti)og leggja kvótan inn í auðlindasjóð sem síðan ráðstafaði honum gegn gjaldi til nýliða og inn í strandveiðar.

Hinn nýi Fiskveiððasjóður ætti einnig að hafa tekjur af þessu.

Flottrollsveiðar ættu alfarið að vera bannaðar innan 200 sml íslenzku landhelginar með þeirri tímabundnu undanþágu að veiðar á kolmunna í flottroll verði heimilar undir ströngu eftirliti innan landhelginar á afmörkuðu svæði SA af landinu.

Innköllun veiðiheimilda hefst eftir ár