Leita í fréttum mbl.is

Bloggfærslur mánaðarins, október 2008

Sturlungar vorra tíma

sturlungar

Nú er ekki lengur reiknað eftir því, hversu mörgum var banað í einu höggi. Nú skoða ég mína samvisku og mína samtíð í þeim skugga sem ég stend í eftir rúmlega tuttugu ára tímabil kvótakerfis í fiskveiðum og bilaðri ráðgjöf fiskifræðinga. Ég sé þar lesti en kosti fáa, ástríður og syndir nútíðar í fornaldar gerfi.  

Hjörtu okkar eru furðu lík í dag og á þeirri þrettándu þegar Sturlungar óðu uppi með báli og brandi um allar sveitir landsins og blóðið lak í straumum, hver höndin upp á móti annari, ástríðurnar æstar og taumlausar, bölvun styrjaldar var steypt yfir okkar land, innlendir smákóngar og héraðshöfðingjar bárust á banaspjótum. 

Erlendur konungur hafði öll tögl og haldir á Sturlungum og sat um að ná af þjóðinni dýrmætustu sameign þeirra , frelsi og sjálfstæði landsins. Sjálfstæði Íslands fór þar fyrir lítið, kyrkt í vélráðum, kæft í blóði. Sturlungaöld var ein sú mesta ógæfuöld sem á Íslenska þjóð hefur dunið, en það nöturlegasta er, sú staðreynd að þetta voru sjálfskaparvíti og landsmenn sinnar eigin ógæfusmiðir. 

Það er margt sérkennilega líkt með Sturlungaöldinni og því tímabili sem liðið er eftir að kvótakerfið hélt innreið sína í Íslenskan sjávarútveg. Nú eru það ekki Sturlungar frá þrettándu öld sem ríða um sveitir og héruð Íslands með vopnaskaki og manndrápum heldur sjálf skipaðir Sturlungar auðvaldsins með tilstyrk meirihluta Alþingis Íslendinga sem situr í skjóli hæpins meirihluta þjóðarinnar.


mbl.is Útgerðir töpuðu á gengisvörnum
Tilkynna um óviðeigandi tengingu við frétt

Skort-staða LÍÚ og gjaldþrota einkabanka

Almenningi á Íslandi er nú lokseins ljóst hverslags svikamyllu Hafró rekur !

Greiningardeildir gjaldþrota einkabankanna pöntuðu með reglilegu millibili rétta matið á stofnstærð þorsks við Ísland svo verðmætamatið við veðsetningar á aflaheimildum passaði í bækur útgerða LÍÚ.

Viðhalda skorti til að halda háum verðum á varanlegum þorskkvóta og "þrælagjaldi" (kvótaleigu) á þorski til afborgana á lánum LÍÚ útgerða í hæstu hæðum.

Nú er ljóst hvaða glæpi einkabankarnir fyrverandi og stjórn Hafró hafa drýgt með fulltingi stjórnmálamanna, þmt. Einars K. Guðfinnssonar sjávarútvegsráðherra.

Til að fullkomna verkið og halda lýðnum í skefjum og þagga niður í uppreisnarseggjunum þá nota þeir Fiskistofu líkt Gestapó í þriðja ríkinu !


mbl.is 2008 árgangur þorsks virðist slakur
Tilkynna um óviðeigandi tengingu við frétt

Samherji hf, er fyrir löngu gjaldþrota !

Minni á eftirfarandi bloggfærslu af nilli.blog.is, dags, 08.04.2008. 

Kaup Samherja hf, í FL Group eru mjög athyglisverð í ljósi mjög slæmrar stöðu Samherja hf.

Samherji hf, keypti í nóvember 2007 fyrir um 25 miljarða í FL og Glitni í gegnum Kaldbak hf, og færði í nýstofnað einkahlutarfélag Stím ehf.

Þar mun vanta að minnstakosti 15 miljarða upp á veð, enn menn bera ekki ábyrgð á skuldum einkahlutarfélaga og því getur Samherji hf, enn keypt og sett í enn eitt einkahlutarfélagið.

það er undarlegt í meira lagi að félag sem er í raun gjaldþrota geti gert þetta í skjóli valda sem forráðamenn Samherja hf, hafa tekið sér í krafti ofurskulda.

Er það virkilega svo að ríkistjórn Íslands, Seðlabankinn og Fjármálaeftirlitið ætli bara að sitja aðgerðarlaus og horfa á þessar hraksmánarlegu tilraunir Samherja hf, til að forðast að þurfa að bera ábyrgð eigin fjármálasukki ?


mbl.is Segja stöðu Samherja sterka
Tilkynna um óviðeigandi tengingu við frétt

Ísland úr EFTA og Bretana burt

skjaldarmerki íslands

Bezti kostur Íslands í þeirri stöðu sem nú er uppi er sá að Íslendingar segi upp EFTA samningnum.

Með því að ganga úr EFTA þá segjum við okkur jafnframt frá löggjöf EB og Shengen og erum lausir undan EES samningnum og þurfum því ekki að greiða Bretum og Hollendingum vegna Ice-save reikningana.

Ísland yrði aftur frjálst og fullvald ríki.

Íslandi þúsund ár !

 


mbl.is Opinn fundur í efnahags- og skattanefnd um IMF
Tilkynna um óviðeigandi tengingu við frétt

Dragnótaveiðar við Ísland

danskur snurvoðabátur 2

Dragnótin vistvænasta veiðafærið.
Dragnótin er vistvænasta veiðarfærið sem notað er við Ísland í dag og hefur verið frá því veiðar með dragnót hófust á síðari hluta 19 aldar. Veiðisvæði dragnótar spannar einungis um 3-5% af landgrunninu innan lögsögu Íslands.

Ástæður þessa takmörkuðu veiðislóðar dragnótarinnar eru þær að dragnót er einungis hægt að nota á leir, malar og sandbotni. Veiðar með dragnót á mörgum veiðisvæðum við landið eru einnig mjög árstíðabundnar vegna breytilegrar göngu ýmisa fisktegunda.

Ástæður þess að einungis er hægt að veiða með dragnót á mjúkum botni eru þær að dragnótin og tógin sem henni tilheyra festast í botni, veiðarfærið rifnar og skemmist ef út á harðan botn er farið. Einnig takmarkar dýpi sjávar virkni dragnótarinnar og eru veiðar sjaldnast stundaðar fyrir neðan 150 faðma dýp. Hér er komin skýringin á því hversu smávægilegt veiðisvæði dragnótarinnar er í samanburði við öll önnur veiðarfæri sem notuð eru við Ísland.

Eðli málsins samkvæmt spilla dragnótaveiðar hvorki botngróðri, botnlagi né lífríki sjávar á nokkurn hátt, enda engu til að spilla og er nánast um veiðar á berangri hafsbotnsins að ræða þar sem lítill botngróður þrífst. Veiðar með dragnót örva vöxt og viðgang ýmisa fisktegunda með yfirferð sinni eftir hafsbotninum þar sem hinar fjölbreytilegu lífverur hafsbotnsins verða að fæðu flatfiska og bolfiska.

Fiskur veiddur í dragnót jafnt flatfiskar allskonar, sem og bolfiskar leita út af hörðum botni inn á veiðisvæði dragnótarinnar eftir æti, þá gjarnan á liggjanda við sjávarfallskipti. Það æti sem um er að ræða er td, sandsíli, trönusíli og ýmsar aðrar tegundir smáfiska og smádýra, td. sandormar og krabbadýr. Veiðislóð dragnótarinnar er matborð hinna ýmsu fiskitegunda. 
 

Besta hráefnið.
Fiskur veiddur í dragnót er mjög stutt dreginn þegar hann kemur um borð í veiðiskipið, oft líða ekki nema 20-30 mínútur frá því dragnótinni er kastað og að búið er að hífa voðina og fiskurinn kominn um borð. Lítil pressa er á fiskinum þar sem hann er hífður um borð í litlum skömmtum og er þá sprell lifandi þegar hann er blóðgaður frá móttöku í rennandi sjó.
  

Ef vel veiðist geta pokarnir orðið margir sem þarf að hífa um borð, en reynt er að hafa pokana ekki stærri en svo að þeir rúmi ekki meira magn af fiski en sem nemur 500-1000 kg. Er þetta gert til að fyrirbyggja að fiskur kremjist og blóðspryngi með tilheyrandi skemmdum og losi í holdi.

Fiskur veiddur í dragnót er að jafnaði vænni en fiskur sem veiðist í önnur veiðafæri að netafiski undanskyldum og vegur sá þáttur í rekstri dragnótaskipa mikið fyrir afkomu veiðanna þar sem oft er mikil munur á verði góðs dragnótafisks og fisks sem veiddur er í önnur veiðafæri.

Veiðar með dragnót.
Áður en ákvörðun um kast með dragnót er tekin þá þarf að gæta að ýmsum þáttum er varða strauma, sjávarföll, vindátt og sjólag. Einnig hafa birtuskilyrði og sólarljós mikið um það að segja hvernig fiskast. Mjög misjafnt er eftir árstíðum, dýpi og svæðum hver áhrif mismunandi þátta hafa til árangurs af veiðunum.

Það sem vegur þyngst í góðum árangri við veiðarnar ásamt samspili margra þátta er án efa það fæðuframboð sem fiskurinn hefur á viðkomandi veiðislóð. Ef fæðuframboð er takmarkað á veiðislóð dragnótar er næsta víst að lítið sem ekkert veiðist.

Ef pláss og dýpi á veiðislóð dragnótar er nægilegt þá er oftast kastað allri vírmanilunni sem til staðar er um borð í skipinu en ef plássið er takmarkað eins og algengt er á veiðislóð dragnótar út af Vestfjörðum og víðar, þar sem verið er að kasta dragnót á sand polla og gjótur sem leynast víða úti í hrauni, þá er mjög misjafnt hversu mikklu er hægt að kasta.

Geta dragnótarinnar til að ná í fisk er bundin innan þess svæðis sem tógin afmarka með legu sinni á hafsbotni. Mjög misjafnt er hversu mikið flatamál þess svæðis er, þar sem dýpi, straumur, hversu mikið skverað er og lengd tógana sem eru úti ráða mestu þar um, en oft er það einungis 1/3 af lengd tógana sem skafa botninn en 2/3 eru laus frá botni upp í sjó í átt til veiðiskipsins. 

Lokaorð.Veiðislóð dragnótarinnar er eins og frjór akur bóndans sem yrkir landið af alúð og dugnaði. Dragnótin er stórkostleg líkt og ástargyðjan Venus, hljómur hennar og yndisþokki  ægi fagur.


mbl.is Þeir fiska sem róa
Tilkynna um óviðeigandi tengingu við frétt

Er ráðherra LÍÚ genasplæsing milli húsdýra og manna ?

Einar K: Höfum rétt til makrílveiða

Íslensk skip hafa veitt um 100 þúsund tonn af makríl til bræðslu í íslenskri lögsögu undanfarnar vikur og afurðaverðmætið er á bilinu 4-5 milljarðar króna. Sjávarútvegsráðherra fagnar þessu og segir Íslendinga í fullum rétti við veiðarnar.

Evrópusambandið, Norðmenn og Færeyingar hafa hingað til ekki viðurkennt rétt Íslendinga til að fá úthlutað kvóta í makríl. Veiðin á Íslandsmiðum í sumar kemur líka flestum á óvart og þar með töldum Einari K. Guðfinnssyni, sjávarútvegsráðherra.

Einar blæs á þá gagnrýni að íslenskar útgerðir hafi ekki rétt á að veiða úr makrílstofninum þó þeir hafi ekki kvóta í honum.


mbl.is Norðmenn draga Íslendinga sundur og saman í háði
Tilkynna um óviðeigandi tengingu við frétt

Baron - Munchausen

baron-munchausen

Þessum fyrnum og ósköpum heldur Einar Kristinn Guðfinnsson sjávarútvegsráðherra fram þrátt fyrir þá bláköldu staðreynd að 30 til 50 þúsund tonnum af bolfiski sé kastað í sjóinn á hverju ári við Ísland.

Þessu heldur ráðherrann fram þrátt fyrir þá bláköldu staðreynd að Mannréttindanefnd Sameinuðu Þjóðanna hafi fyrir tæpu ári síðan úrskurðað kvótakerfið íslenzka ólöglegt þar sem það briti mannréttindi á sjómönnum og væri með öllu ósanngjarnt.

Þessu heldur ráðherrann fram þrátt fyrir þá bláköldu staðreynd að íslenzk flottroll-skip LÍÚ drepi þúsundir tonna af bolfiski sem meðafla og bræði í lýsi og mjöl í skepnufóður.

Þessu heldur ráðherran fram þrátt fyrir þá bláköldu staðreynd að kvótakerfið íslenzka sé undirrót af útrásinni sem nú hefur gert Ísland gjaldþrota.

Þessu heldur ráðherrann fram þrátt fyrir þá bláköldu staðreynd að kvótakerfið íslenzka sé búið að stórskaða nær alla fiskistofna við Ísland og rústa flestum sjávarbyggðum landsins.

Þessu heldur ráðherrann fram þrátt fyrir þá bláköldu staðreynd að þúsundir Vestfirðinga hafi flúið frá verðlausum heimilum sínum síðustu 25 árinn.

Þessu heldur ráðherrann fram þrátt fyrir þá bláköldu staðreynd að íslenzk útgerð skuldar 12 x það sem hún getur nokkru sinni borið og er í raun nánast öll gjörsamlega gjaldþrota.


mbl.is Aukinn þorskkvóti ekki útilokaður
Tilkynna um óviðeigandi tengingu við frétt

Ég styð aldrei ríkistjórn sem viðheldur þessu óréttláta kvótakerfi

Þetta sagði Vestfirðingurinn Einar Kristinn Guðfinnsson núverandi sjávarútvegsráðherra nokkrum dögum fyrir alþingiskosningarnar 1987, 1991, 1995, 1999 og 2003.

Svo er hér tilvísun í frétt af visir.is, frá í dag 23.10.2008, þar sem þessi sami Einar lætur neðangreind orð falla á aðalfundi LS.

Einar segir því nauðsynlegt að reyna að róa sameiginlega út úr þessum brimskafli og komast á sléttari sjó. Sjávarútvegurinn hafi allar forsendur til þess. Afurðaverð hafi almennt verið gott og samkeppnisstaða íslensks sjávarútvegs sé góð, ekki síst vegna þess orðspors sem hann hafi notið.

Einar Kristinn gat þess einnig að þeir sem stæðu fyrir útgerð hlytu að eiga rétt á því að stjórnmálamenn sköpuðu þeim vinnufrið til framtíðar en litu ekki á það sem eðlilegt hlutverk sitt að svipta fiskveiðiréttindum til og frá eins og taflmönnum á skákborði. Næg væri óvissan samt í sjávarútveginum þótt pólitískri óvissu væri ekki bætt ofan í kaupið.

Tilvitnun lýkur:

Getur einhver gefið mér rétta orðið yfir þennan ráðherra ???????


mbl.is Þorskverðið í krónum nær óbreytt á milli ára
Tilkynna um óviðeigandi tengingu við frétt

Litla LÍÚ fundar í minnisvarða íslenzkra kapítalista

Vinsamleg ábending til aðalfundar LS:

Fiskistofa (Gestapó LÍÚ) fær kr, 1,7 milljarð á fjárlögum þessa árs.

Öllum sem við sjávarútveg starfa á Íslandi og vilja vita og sjá er ljóst að Fiskistofa er ónýtt og óþarft apparat með öllu.

Fulltrúar á aðalfundi LS sendi nú stjórnvöldum áskorun um að leggja Fiskistofu niður og færa þá litlu starfsemi sem vit er í innan stofnunarinnar (veiðieftirlit og skýrslugerð) til Landhelgisgæslu Íslands.

Landhelgisgæsla Íslands er fjársvelt stofnun en hefur á að skipa öllum þeim mannskap og tækjabúnaði sem völ er á til að sinna störfum Fiskistofu og strandgæslu.

Með þessu fyrirkomulagi mundu sparast gríðarlegir fjármuinir og nýting á mannskap og tækjum Landhelgisgæslunnar yrði eins og hann ætti að vera.

Nýtt nafn á sameinaðri stofnun gæti verið "Strandgæslan".


mbl.is Sjávarútvegurinn skuldum vafinn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband