Leita í fréttum mbl.is

Bloggfærslur mánaðarins, október 2011

Fyrrum greiningarmeistari Kaupþings kveður sér hljóðs

einn voða vitlaus

Sjávarútvegur getur ekki tryggt núverandi byggðamynstur, sem myndaðist við allt aðrar aðstæður en nú eru uppi, á tímum þegar strandsiglingar voru mikilvægari samgönguleið en vegakerfi landsmanna.

Þetta kom fram í máli Ásgeirs Jónssonar, forstöðumanns greiningardeildar Kaupþings banka, á málþingi um sjávarútvegsmál og byggðaþróun sem Rannsóknarmiðstöð um samfélags- og efnahagsmál stóð fyrir í Háskóla Íslands þann 31, ágúst 2007..

Ásgeir varaði við því að sjávarútvegur fari í sama far og landbúnaður fór í um miðja síðustu öld með niðurgreiðslum og höftum, þjóðin hafi ekki efni á því.

Allar tilraunir til þess að þröngva sjávarútvegi í þann farveg að viðhalda núverandi byggðamynstri muni hola þessa atvinnugrein innan.

„Af hverju er það slæmt að fimm stór fyrirtæki eigi 80 prósent af aflaheimildunum? Ef þau geta borgað sæmileg laun, borgað sína skatta, geta skilað sínu og búið til verðmæti er ekkert að því," sagði Ásgeir.


mbl.is Umræða um hrunið á villigötum
Tilkynna um óviðeigandi tengingu við frétt

Mannfjandsamlega VÍS

Guðmundur Sesar Magnússon

Guðmundur Sesar Magnússon bjargaði lífi tengdasonar síns þegar bát þeirra hvolfdi fyrir austan land rétt fyrir jólin 2009. Sjálfur drukknaði hann.

Héraðsdómur hefur synjað ekkju hans um tryggingabætur af því að hann telst hafa verið við vinnu. Hún segir að hann hafi verið á atvinnuleysisbótum.

Hjónin og prestarnir Jóna Hrönn Bolladóttir og Bjarni Karlsson sögðu með eftirminnilegum hætti frá hetjudáð Sesars, þegar bát þeirra Ívars Smára Guðmundssonar, tengdasonar hans, hvolfdi úti fyrir mynni Fáskrúðsfjarðar í desember 2009:

Stundum er lífið sjálft stærra í sniðum en nokkurn hefði órað fyrir og mannleg örlög svo þrungin merkingu að maður gerir rétt í því að staldra við, sögðu þau.

Tengdafeðgarnir höfðu ásamt þriðja manni stofnað útgerð og keypt 15 tonna plastbát sem þeir sóttu til Vopnafjarðar og hugðust sigla honum heim í Hafnarfjörð.

Fyrirvaralaust færðu stórar öldur bátinn á hvolf í ólgandi haf skammt frá Skrúð. Sesar og Ívar komust í vélarrúmið þar sem var dálítið súrefni.

Sesar hafði orð á því að nú væri stund þeirra komin og þeir skyldu þá reyna að deyja eins og menn. Og enn var beðin bæn frelsarans, Faðir vor. Þá segir Ívar við tengdaföður sinn: „Og ég sem hlakkaði til að eiga fyrstu jólin með syni mínum og konunni.”

[...] Þá horfði Sesar inn í augu hans í myrkrinu og sagði: „Þá skaltu líka lifa! Þú getur komist niður gatið, inn í stýrishúsið og út!” Við svo búið setti hann hönd ofan á hvirfil tengdasonar síns og ýtti honum af afli niður í átt að útgönguleiðinni.

Síðustu kraftana virðist Sesar hafa nýtt til að skutla björgunargalla út til Ívars svo að hann króknaði ekki uppi á kilinum.

Ívari var bjargað en lík Sesars fannst í vélarrúmi bátsins þegar hann var dreginn til hafnar í Fáskrúðsfirði.

Oddrún Kristófersdóttir, ekkja Sesars, segir að hann sjálfur hafi ekki getað gert sér grein fyrir því, þennan örlagaríka morgun, að hann væri í vinnu við að flytja bátinn og ætti því hvorki rétt á bótum úr fjölskyldutryggingu VÍS né ferðatryggingu VISA.

Að þessari niðurstöðu komst héraðsdómur Reykjavíkur í gær; sjá dómana HÉR og HÉR.

Það er ljótt að gera svona, síðasta sort, ég er hneyksluð á þessu, segir Oddrún í samtali við Pressuna og vandar tryggingafélögunum ekki kveðjurnar.

Meira að segja starfsfólkið hjá VÍS er hneykslað út í vinnuveitandann sinn, ég nefni engin nöfn.

Því hafi hann verið skráður stjórnarmaður og framkvæmdastjóri útgerðarinnar. Því hafi þeir þurft bát og verið að sækja hann.

Við vorum tryggð í bak og fyrir, við vildum vera örugg ef eitthvað kæmi fyrir. En þessi félög segja alltaf nei og freista þess að komast hjá því að borga. Það stóð ekkert á því að bæta gps-tækið og tölvuna fyrir nokkra hundrað þúsund kalla en svo er manni þvælt út í málaferli út af hinu og í versta falli græða félögin vextina á meðan. - Þeir borguðu svo sem líftrygginguna ...

Dómurinn segir að fyrir liggi að félagið ÍSG Ræktun ehf. keypti bátinn Börk frænda NS055 skömmu áður en umræddur atburður gerðist. Tilgangur ferðar Guðmundar Sesars og Ívars hafi verið að sækja bátinn og sigla honum suður. Sesar og Ívar höfðu, ásamt öðrum, stofnað félagið til þess að undirbúa kræklingaræktun og voru kaupin á bátnum liður í þeim undirbúningi.

Byggði ekkjan á því að Sesar hefði ekki verið á launum um borð í Berki frænda, hann hefði ekki verið lögskráður á bátinn og ekki hefði verið gerður við hann skiprúmssamningur. Þá geti þau verk sem hann skilaði í ferð sinni ekki talist arðsöm að neinu leyti.

En dómurinn segir:

Í almennri orðnotkun merkir frístund frjálsa stund utan vinnutíma.

Þegar metið er hvort Guðmundur Sesar var í vinnu er slysið varð eða við frístundaiðju verður ekki fram hjá því litið að hann sat í stjórn ÍSG Ræktunar ehf. og var jafnframt framkvæmdastjóri félagsins.

Þá verður heldur ekki fram hjá því litið að kaupin á bátnum voru liður í þeirri starfsemi sem félaginu var ætluð og flutningur bátsins til Reykjavíkur sömuleiðis.

Enda þótt Guðmundur Sesar hafi ekki verið launaður starfsmaður félagsins þykir ljóst að hann hafi, er slysið varð, verið við vinnu í þágu félagsins. Er því fallist á með stefnda að þau atvik sem stefnandi byggir kröfu sína á falli utan gildissviðs [tryggingarinnar] sem stefnandi var með hjá stefnda.

Fengið að láni hjá pressan.is


Mannréttindi á Íslandi til umfjöllunar hjá SÞ í beinni útsendingu á vefnum

mannrettindanefnd_sameinu_u_thjo_anna.jpg

Ögmundur Jónasson innanríkisráðherra og sendinefnd frá Íslandi svarar fyrir stöðu mannréttindmála á Íslandi hjá vinnuhópi Sameinuðu þjóðanna í Genf í dag, mánudaginn 10. október. Vefútsending SÞ hófst kl. 7 að íslenskum tíma. Sjá vefútsendingu hér á vef Sameinuðu þjóðanna með því að smella á Channel 11.

Skýrsla um stöðu mannréttindamála á Íslandi var send til Sameinuðu þjóðanna í júlí síðastliðnum en hún er hluti af úttekt SÞ á stöðu mannréttindamála í aðildarríkjunum. Vinnuhópur á vegum innanríkisráðuneytisins og fleiri ráðuneyta vann að gerð skýrslunnar í samræmi við drög að kaflaskipan sem kynnt var fyrir fjölmörgum hagsmunaaðilum og félagasamtökum sem starfa á sviði mannréttindamála.

Mikil áhersla var lögð á samráð við frjáls félagasamtök, stofnanir og almenning og fengu um 60 aðilar drög að kaflaskipan skýrslunnar send. Þá var í júní haldinn opinn fundur um skýrsludrögin og komu þar fram ýmsar ábendingar frá ýmsum aðilum. Drögin voru jafnframt birt á vef ráðuneytisins og í framhaldi af því var lokið við gerð skýrslunnar og hún send SÞ í byrjun júlí, eins og áður segir.

Úttekt SÞ á stöðu mannréttindamála hófst 2008 með nýju eftirlitskerfi á vegum SÞ og hafa  aðildarríkin nú í fyrsta sinn að skoðað stöðuna hvert hjá öðrum með beinum hætti. Markmiðið er að bæta stöðu mannréttindamála í heiminum og að hvetja ríki til að uppfylla skuldbindingar á sviði mannréttindamála. Skýrsluna má sjá hér að neðan eins og hún var send SÞ á ensku.


Tawakkul Karman

Tawakkul Karman

Ellen Johnson-Sirleaf, forseti Líberíu, landi hennar og baráttukonan Leymah Gbowee og jemenska andófskonan og lýðræðissinninn Tawakkul Karman, deila með sér friðarverðlaunum Nóbels í ár.

Allar hafa þær barist fyrir lýðræði í heimalöndum sínum og í tilkynningu norsku Nóbelsnefndarinnar í gær 7. okt, var lögð áhersla á hlut kvenna í mannréttindabaráttunni.

Karman sagði að verðlaunin væru viðurkenning fyrir mótmælendur og lýðræðissinna í Jemen. Baráttunni fryrir lýðræði og umbótum í Jemen yrði haldið áfram.

Tawakkul Karman starfar sem blaðamaður og er gift þriggja barna móðir.


Kofi Annan: Farið og breytið heiminum!

koffi_annan_fao_432

Tilv. Annan segir að það sé nauðsynlegt að bera virðingu fyrir lýðræðinu, lögum og mannréttindum og að viðurkenna að við getum sigrast á vandamálum þessu saman.

Verði ekkert að gert muni það vera sameiginlegt tap. Hann segir það vera nauðsynlegt að þjálfa hagfræðinga sem geta tekið á hagfræði með mannréttindi að leiðarljósi. Heimurinn getur ekki bara hagnast þeim sem eru ríkir og hafa forréttindi.

Tilv, lýkur.

Íslenzk stjórnvöld ættu að láta þessi orð Kofi Annan sér að kenningu verða.

Íslenzk stjórnvöld hafa ekki enn lyft litla fingri til að bregðast við álit Mannréttindarnefndar Sameinuðu þjóðanna frá því í desember 2006.

Íslenzk stjórnvöld brjóta mannréttindi og kúga sjómenn hvern einasta dag og að því virðist ætla sér að halda því áfram út yfir gröf og dauða.

Ástæðan: Takmarkalaus hræðsla ráðherra ríkistjórnarinnar við LÍÚ og bankanna.


mbl.is Brúa verður bil milli ríkra og fátækra
Tilkynna um óviðeigandi tengingu við frétt

Falsspámenn og þjóðníðingar

Nú spá allir viðskiptabankarnir hörmungum ef kvótakerfinu verður breytt. Þetta eru sömu bankarnir, sama fólkið, einungis aðrar kennitölur sem spáðu meðfylgjandi hér að neðan.

Frétt úr Viðskiptablaðinu 26. júlí 2007. 

Hlutabréfamarkaðurinn heldur áfram að hækka en Úrvalsvísitalan náði nýju hámarki í gær í 8.279 stigum. Frá áramótum hefur vísitalan hækkað um 29,1 prósent og styttist óðfluga í það að hún hafi hækkað tvöfalt meira en allt árið í fyrra.

Greiningardeildir viðskiptabankanna spáðu því fyrr á árinu að árshækkun Úrvalsvísitölunnar yrði á bilinu 30-37 prósent. Það jafngilti því að vísitalan stæði í 8.333-8.782 stigum um næstu áramót.

Í Vegvísi Greiningardeildar Landsbankans er bent á það að Úrvalsvísitalan hafi sýnt betri ávöxtun en flestar helstu hlutabréfavísitölur heims. Þýska DAX-vísitalan kemst næst þeirri íslensku með um 20,3 prósenta hækkun á árinu.

Gengi tólf félaga hefur hækkað um fimmtung eða meira það sem af er ári. Hlutabréf í færeyska olíuleitarfyrirtækinu Atlantic Petroleum hafa rokið upp um 92 prósent en Vinnslustöðin kemur skammt á hæla þess með tæplega 89 prósenta hækkun.

Krónan veiktist um 0,98 prósent í gær. Greiningardeild Kaupþings spáir því að yfirtaka Novators á Actavis geti stutt bæði við krónuna og hlutabréfamarkaðinn á næstunni þar sem greitt verður fyrir bréfin í evrum. Samkvæmt áætlunum Kaupþings gætu allt að sjötíu milljarðar króna streymt aftur inn á markaðinn.


mbl.is Varhugaverðar breytingar á kerfinu
Tilkynna um óviðeigandi tengingu við frétt

Kvóti í umsjá hirðis -

Gaman verður að sjá útfærslu Péturs H. Blöndals á nýju kvótafrumvarpi.

Mig rennir í grun að Pétur leggi til að kvótinn verði allur færður inn í nýjan auðlindasjóð.

Hverjar leikreglunar verða er ekki gott að segja til um  en ef tekið er mið af málflutningi þingmannsins frá fyrri tíð má sjá hvað hann gæti verið að hugsa.

Ef að líkum lætur mun LÍÚ ekki hugnast af þessu brölti Þingmannsins.

 


mbl.is Pétur semur nýtt kvótafrumvarp
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband