Fiskveiðistjórn í pólitískri sjálfheldu hjá Stalínistum Íslands

Actan, breskur lávarður sagði: Það er auðveldra að gefa hundi bein, en ná því aftur.

Ágætur Íslendingur sagði: Fiskveiðistjórnin var verst fyrst, smá versnaði svo þar til hún varð óþolandi.

Í Rússlandi var reyndur áætlanabúskapur  á þurru landi ... hjá Stalín í landbúnaði, iðnaði o.fl. 

Stalínistar Íslands hófu svo áróður fyrir áætlanabúskap  með þorskstofninn neðansjávar (stærðfræðileg fiskifræði/fiskihagfræði) strax  eftir útfærslu landhelginnar 1975.

Stalínistar Íslands lofuðu "gífurlegri auðlindarentu" -  og 550 þúsund tonna jafnstöðuafla þorsks -  ef tekin væru upp áætlanabúskapur þeirra um að spara  veiði á smáþorski - "byggja upp stofninn" og fá þannig gífurlegan árangur  - eftir örfá ár....

Fyrsta reynslan varð eins og myndin sýnir

að vaxtarhraði hrundi í þorskstofninum strax við þessa fyrstu tilraunin.

Enn hefur ekki fengist rætt opinberlega - að fagleg grundvallaratriði voru þarna þverbrotin -

Grundvallaratriði í fiskilíffræði eru að veiða verði umtalsvert magn af smáfiski  í fiskistofni - ef stofninn á að skila hámarks afrakstri.

Þorskstofninn minnkaði sjálfkrafa úr 1600 þúsund tonn 1980 -  vegna vaxtarhraða falls (5,3/4,2 =26%) í 1600 x 100-26% =.

•  426 þúsund tonn vegna falls í vaxtarhraða 1980-1983
•  334 þúsund tonn hurfu til viðbótar 1980-1983   
• Stofnstærð 1983 mældist aðeins 830 þúsund tonn.

Kjarni málsins er að hvorki þessum 426 þúsund tonnum - eða 334 þúsund tonnum = 760 þúsund tonnum  var landað -og voru því aldrei veidd. 

Kenningin (villureikningurinn) "ofveiði" er því blekking.

Þessi grundvallaratriði voru og eru - hundsuð af Stalínistum Íslands

Mistökin 1983 voru að greina fall í vaxtarhraða þorskstofnsins faglega rangt- sem "ofveiði", en það gerist þegar formúlunni um áætlanabúskapinn er snúið vitlaust í "árlegu endurmati" og árlegt frávik reiknað sem "ofveiði" á fiski sem aldrei var veiddur.

 - í stað þess að viðurkenna umtalsvert hækkaðan dánarstuðul þorsks við aukna friðun smáþorsks með áætlanabúskapnum neðansjávar

Þarna hófust mistökin ...

...- sem  virðast svo hafa orðið krónísk mistök... röng greining  árlega  á því hvað fór úrskeiðis í áætluninni

Í stuttu máli má segja að þessi krónísku mistök (árlega) séu frekar einföld.

"Flöskuháls" virðist myndast hjá smáþorski - þegar veiðisvæði er lokað og  ætluð "uppbygging" hefst.  Smáþorski fjölgar á svæðinu - en fæðan er áfram sú sama.

Mistökin viðast þau - að "gleyma"  grundvallaratriði í allri líffræði. Stækkun fiskistofns getur aldrei orðið - nema til komi aukin fæða í náttúrunni - samfara meiri friðun.

Þvinganir um stækkun fiskistofns eins og friðun smáþorsk virðist bara hækka náttúruleg afföll í stofninum.

• 1972-1978 var um 45% veiðiálag og þorskstofninn stækkaði mikið - við þetta mikla veiðiálag... (sama og í Barentshafi 2000-2005)
• 1980 var því komin 25% sókn (400 þús Tn veiði úr 1600 þús Tn stofni) og allt átti að fara að virka eftir formúlunni.... en....
• 1980-1983 hrundi vöxturinn og dánarstuðull  hækkaði.... með minnkandi sókn.... (í raun)
• vitlaust reiknaður "sóknarþungi" með rangri fráviksmælingu - er auðvitað galin stærðfræði - þorskur sem drepst við tilraunina er reiknaður sem "aukinn sóknarþungi" - því formúlu Stalínista er vitlaust snúið... 
• 1992 gerðist það sama... sterkir árgangar (1983 og 1984)  áttu að "byggjast upp"  - en týndust... og meðalvigt 7  ára þorsks fór niður í 3,5 kg....
• 1999-2002 týndust svo fræg 600 þúsund tonn... eins og oft hefur verið fjallað um hér í fyrri færslum
• Nú er 20% sókn - eins og drap þorskstofninn við Labrador úr hungri...

Niðurstaðan var alltaf sú sama hérlendis - stórfellt veiðitap árlega í þorski  - við þessa tilraunastarfsemi....

Í dag hefur þorskstofninn stækkað - einkum eldri hluti stofnsins - þar sem aukið fæðuframboð hefur orðið hjá stórþorski - makríll og síld....  Það er engri "uppbygginu" að þakka eins og sumir  reyna að plata sjálfa sig með.... náttúran sjálf er þar að verki....  þetta er ekki "að þakka" Stalínistum Íslands.

Áhætta á sjálfáti þorsks á smáþorski  VEX með fjölgun stórþorsk. Einn 10 kg stórþorskur étur c.a. 25 stk 1 kg smáþorska á ári (24,5 kg).

Þetta  var niðurstaða skv. rannsóknum og doktorsritgerð Ólafs Kr. Pálssonar fiskifræðings  - að um 35% af fæðu stórþorsks væru smáþorskur.

100 þúsund tonna EXTRA (óþarfa) stækkun þorskstofnsins með 10 kg meðalvigt -  þarf því að éta því 245 þúsund tonn af smáþorski  á ári -skv. þessum rannsóknum Dr. ÓKrP! 

Til hvers er þá verið að þvinga náttúruna í þennan farveg - í stað þess að auka veiðar OKKAR á bæði smærri og stærri þorski?

Gagnstæð reynsla 

Nýjasta reynsludæmið í þessum grundvallaratriðum - er nú frá Barentshafi 2000-2011.

Þar var (sem betur fer) stóraukin sókn í smáþorsk  árin 2000-2005 sbr mynd...þrátt fyrir stanslausar hótanir Alþjóða hafrannsóknarráðsins (ICES) um "hrun stofnsins" - ef þessi leið væri farin.

Í dag er "gamla sóknarmynstrið" aftur tekið við í Barentshafi af kreddukenningum Stalínista ICES og Barentshafi er nú fyrst úthafa að skila svipuðu aflamagni  og áður en "Stalínisminn" var innleiddur þar.

Það er eiginlega grátbroslegt - að Rússar skuli í raun hafa verið fyrstir þjóða til að brjótast undan  þessum neðansjávar-Stalínisma-ICES-  en það skammarlega er að Íslendingar hafa verið leiðandi í boðskap þessa áætlanabúskapar neðansjávar innan ICES. 

Hérlendis var  svipuð reynsla af mikilli sókn í smáþorsk árin 1950-1970  -

eins og reynslan í Barentshafi nú... ef sagan er skoðuð faglega - og af sanngirni - sbr. meðfylgjandi mynd sem eru sögulega faglegar staðreyndir um reynslu okkar Íslendinga um mikið sóknarþol þorskstofnsins þetta tímabil án nokkurrar merkjanlegrar "áhættu".

Niðurstaða: 

Það virðist ekki hægt að stjórna sjávarútvegi  - eins og stóru dagheimili - með pólitískri ofstjórn að sunnan - sem byggir á andvana fæddri kenningu sem ekki stenst.

Aukum þorskveiðar, minnkum atvinnuleysi - aukum gjaldeyristekjur þjóðarinnar með því að draga strax úr ofstjórninni.

Boltinn er hjá landbúnaðar og sjávarútvegsráðherra.

Grein eftir Kristinn Pétursson. 

Mælt fyrir öðru frumvarpinu

Álit Jóns Steinssonar

Eftir lestur álit Jóns Steinssonar þá er ég enn frekar sannfærður um ágæti beggja frumvarpa Jóns Bjarnasonar sjávarútvegsráðherra.

Ástæðan er fyrst og fremst sú að hinn góðkunni fræðimaður Jón Steinsson sér hlutina líkt og aðrir fræðimenn fyrr og nú innan ákveðins ramma þar sem allt er einsleitt og með líku svipmóti.

Ég er í engu sammála slíkri fræðimennsku frekar en einhver fræðimaður héldi því fram að allir Tálknfirðingar væru rauðhærðir með brún augu og bindindismenn.

Takk samt Jón, þetta var ágætis tilraun hjá þér.

Ekki pantað hjá Jóhönnu

Auðsveipir þrælar og leiguliðar Samherja hf

Það er nær öruggt að þessi svo kallaða yfirlýsing áhafnar hefur verið samin af forstjóranum sjálfum og áhöfninni fyrirskipað að skrifa undir að öðrum kosti yrðu þeir reknir allir með tölu og skipinu hent í brotajárn.

Þegar skipið er skoðað inn á vef Fiskistofu kemur ýmislegt í ljós sem áhöfnin hefði átt að hafa meiri áhyggjur af í langan tíma heldur en smávægileg breyting á kvótakerfinu sem er ætluð þeim og afkomendum þeirra til heilla.

Fiskveiðiárið 2009/2010 hafði skipið 3.672 tonn í úthlutuðum þorskkvóta.

Fiskveiðiárið 2010/2011 hefur skipið 587 tonn í úthlutuðum þorskkvóta.

Útgerðarmaðurinn hefur greinilega þurft að losa um nokkra milljarða í loftfimleikum sínum á milli skipa og jafnvel á milli landa og heimsálfa.

Skipið er svo kölluð rusalakista Samherja hf, fyrir kvótabrask og  áhöfninni beitt eins og sauðfé á hrjóstrugan akur ódýrra fiskitegunda.

Skipsáhöfn mótmælir frumvörpum

Systursamtök LÍÚ - búrtíkur Samherja hf

Ekki var við neinu öðru að búast frá Farmanna-og fiskimannasambandi Íslands en að þau ærðust yfir öllum smávægilegustu breytingum á kvótakerfinu.

Allir vita að Árni Bjarnason formaður samtakanna er búrtík Samherja hf, og beinlínis settur þar inn sem slíkur til að eyðileggja samtakamátt sjómanna og gæta að hagsmunum útgerðanna gagnvart stjórnvöldum.

Það er löngu orðið tímabært að leysa upp öll þessi svo nefndu systra og foreldrasamtök LÍÚ með einfaldri lagasetningu.

Nýjustu fréttir af kjaramálum sjámanna eru þær að einn togari Samherja hf, silgdi á Þýskaland fyrir fáeinum vikum með fullar lestar af karfa en leppfélag Samherja hf, keypi farminn af skipinu á 1,25 EUR pr.kg, en seldi síðan á opinbera fiskmarkaðnum í Þýskalandi á 3,4 EUR pr.kg.

Sjómannasamtökinn og Farmanna-og fiskimannasamtökin skipta sér ekki neitt af slíkum þjófnaði enda einungis til skrauts fyrir landsmenn vegna sjómannadagsins.

Mótmæla kvótafrumvörpum

Pönkarinn og leigupenni LÍÚ

Vaxandi áhætta á hruni í þorskstofninum ?

Reikna má með vaxandi áhættu á hruni þorskstofnsins ef veiðar verða ekki auknar strax. 

Ástæðan er einkum sjálfát (hungur) í stofninum.

Samkvæmt ransóknum (doktorsritgerð) Ólafs Karvels Pálssonar fiskifræðings étu einn 10 kílóa þorskur 25 kíló af smáþorski á ári.

Þetta er ekki fullyrðing heldur bláköld "staðreynd" þar sem stærðardreifingin í stofninum bendir ótvírætt til þessa.

Besti afli í netaralli

Kristján Möller óttast hótanir LÍÚ

Kristján Möller fyrrum ekki-ráðherra Samfylkingarinnar er af þeirri teggund stjórnmálamanna sem er háður frjálsum framlögum Samherja hf, og Þormóðs-ramma hf.

Þessi tegund er í bráðri útrýmingarhættu og er það vel fyrir land og þjóð.

Honum er skít sama um velferð þjóðarinnar enda sjálfstæðismaður í eðli sínu.

Legg til að fjármál þingmannsins verði tekin til sérstakrar ransóknar af ríkisendurskoðanda.

Óttast hagræn áhrif kvótafrumvarps

Njóta sjómenn auðlindaarðsins ?

Tryggvi Þór Herbertsson, alþingismaður, skrifaði nýverið grein í Fréttablaðið um "sorgarsögu almenninga". Greinin er í flesta staði góð. Þó er eitt atriði sem ég vil gera verulegar athugasemdir við.

Í greininni segir Tryggvi: "Sá auðlindaarður sem nú er í fiskveiðum við Íslands skiptist milli útgerða, sjómanna (vegna hlutaskiptakerfisins) og ríkisins í nokkuð jöfnum hlutum." Þetta fær ekki staðist.

Eða réttara sagt, ekkert - hvorki kenningar né gögn - styður þá staðhæfingu þingmanns að hlutaskiptakerfið leiði til þess að hluti auðlindaarðsins renni til sjómanna.

Kjarasamningar sjómanna fela í sér að laun sjómanna sveiflast með aflaverðmæti. Það þýðir að sjómenn eru að taka á sig hluta af áhættunni sem fylgir slíkum sveiflum.

En það þýðir EKKI að laun sjómanna séu hærri að meðaltali en þau væru ef kjarasamningar þeirra væru annars eðlis. (Eitt mikilvægt tæki sem útgerðarmenn nota til þess að halda niðri launum þegar aflaverð er hátt er sala á afla til tengdra aðila á undirverði.)

Tryggvi telur að auðlindaarðurinn sé á bilinu 40 til 55 ma.kr. Ef staðhæfing hans um að u.þ.b. þriðjungur arðsins renni til sjómanna er rétt, jafngildir það því að laun sjómanna séu um 15 ma.kr hærri en þau væru "á almennum markaði."

Ef þetta væri rétt væri að staðaldri gríðarleg umframeftirspurn eftir plássum á togurum. Raunin er að það er, ef eitthvað er, skortur á til dæmis vélstjórum.

Laun sjómanna eru tiltölulega há. En störf þeirra eru erfið, hættuleg og kalla á langdvalir frá fjölskyldu. Fyrir slíkt þarf að borga vel. Það breytist ekki þótt veiðigjald verði hækkað. Vitaskuld er umframeftirspurn eftir "góðum plássum". En það á við í öllum geirum.

Ef staðhæfing Tryggva væri rétt myndi hún þýða að verulegar breytingar á fiskveiðistjórnunarkerfinu myndu lækka laun sjómanna. Þetta eru ein af falsrökunum sem LÍÚ hefur staglast á í mörg ár til þess að hræða sjómenn og grafa undan stuðningi við breytingar í sjávarútvegi á landsbyggðinni.

Góður mælikvarði á auðlindaarðinn er verg hlutdeild fjármagns (e. EBITDA) að frádreginni 8% árgreiðslu. Þessi stærð hefur einmitt verið um 45 ma.kr síðustu ár.

Ef veiðigjald er miðað við þessa stærð mun það ekki hafa nein bein áhrif á laun sjómanna þar sem laun hafa þá þegar verið dregin frá upphæðinni sem veiðigjaldið leggst á. (Þetta er frábrugðið núverandi veiðigjald sem leggst á aflaverðmæti.)

Líklegustu áhrif breytinga væru hækkun á launum sjómanna til skemmri tíma (þar sem allur afli myndi fara á markað) og engin áhrif til lengri tíma.

Það er rangt hjá Tryggva að sjómenn njóti auðlindaarðsins. Í dag rennur allur þorri auðlindaarðsins óskiptur til útgerðarmanna. Sjómenn fá líkast til ekkert.

Greiðslur útgerðarinnar til ríkissjóðs næga varla fyrir þeim kostnaði sem ríkið ber við að halda úti kvótakerfinu.

Þetta ástand eru LÍÚ-menn skiljanlega tilbúnir að verja með kjafti og klóm. Þeir víla það til dæmis ekki fyrir sér að halda kjarasamningum allra launamanna í gíslingu.

Næstu mánuði verður hart barist um sjávarútvegsmál. LÍÚ mun beita alls kyns hræðsluáróðri sem á ekki við rök að styðjast.

Það verður sagt að laun sjómanna lækki, að fyrirtæki leggi upp laupana í hrönnum, að bankarnir hrynji, að sjávarbyggðir leggist í eyði, og svo framvegis.

Ekki láta glepjast. Í raun geta breytingar - ef þær eru rétt út færðar - aukið hagkvæmni og bætt rekstrarumhverfi í sjávarútvegi jafnframt því að auka tekjur ríkisins sem þá getur bætt þjónustu og lækkað skatta.

Grein eftir Jón Steinsson í Fréttablaðinu 5. mai 2011.

Einar K. Guðfinnsson ætti að hætta í stjórnmálum

Einar K Guðfinnsson alþingismaður EKG)  ætti að hætta í stjórnmálum. Sérstaklega ætti maðurinn að hætta að þvaðra um sjávarútivegsmál.

Þar er hann búinn að valda nægum skandal með skipulögðu aðgerðarleysi sem ráðherra - skildi við sjávarútveg stórlega ofskuldsettan  - veiðiheimildir allt of litlar og of margar fisktegundir í aflamarki. 

Niðurstaðan í dag -  af stjórnleysi EKG - er allt of margar sjávarbyggðir í uppnámi - stórfelld röskun í sjávarbyggðum sem eru í raun rjúkandi rústir samfélagslega - og flest útgerðarfyrirtæki ofskuldsett.

Sjá pistil Kristins Péturssonar hér

Dragnótaveiðar við Ísland

Dragnótin er vistvænasta veiðarfærið sem notað er við Ísland í dag og hefur verið frá því veiðar með dragnót hófust á síðari hluta 19 aldar. Veiðisvæði dragnótar spannar einungis um 3-5% af landgrunninu innan lögsögu Íslands.

Ástæður þessa takmörkuðu veiðislóðar dragnótarinnar eru þær að dragnót er einungis hægt að nota á leir, malar og sandbotni. Veiðar með dragnót á mörgum veiðisvæðum við landið eru einnig mjög árstíðabundnar vegna breytilegrar göngu ýmisa fisktegunda.

Ástæður þess að einungis er hægt að veiða með dragnót á mjúkum botni eru þær að dragnótin og tógin sem henni tilheyra festast í botni, veiðarfærið rifnar og skemmist ef út á harðan botn er farið. Einnig takmarkar dýpi sjávar virkni dragnótarinnar og eru veiðar sjaldnast stundaðar fyrir neðan 150 faðma dýp. Hér er komin skýringin á því hversu smávægilegt veiðisvæði dragnótarinnar er í samanburði við öll önnur veiðarfæri sem notuð eru við Ísland.

Eðli málsins samkvæmt spilla dragnótaveiðar hvorki botngróðri, botnlagi né lífríki sjávar á nokkurn hátt, enda engu til að spilla og er nánast um veiðar á berangri hafsbotnsins að ræða þar sem lítill botngróður þrífst. Veiðar með dragnót örva vöxt og viðgang ýmisa fisktegunda með yfirferð sinni eftir hafsbotninum þar sem hinar fjölbreytilegu lífverur hafsbotnsins verða að fæðu flatfiska og bolfiska.

Fiskur veiddur í dragnót jafnt flatfiskar allskonar, sem og bolfiskar leita út af hörðum botni inn á veiðisvæði dragnótarinnar eftir æti, þá gjarnan á liggjanda við sjávarfallskipti. Það æti sem um er að ræða er td, sandsíli, trönusíli og ýmsar aðrar tegundir smáfiska og smádýra, td. sandormar og krabbadýr. Veiðislóð dragnótarinnar er matborð hinna ýmsu fiskitegunda.  

Besta hráefnið.
Fiskur veiddur í dragnót er mjög stutt dreginn þegar hann kemur um borð í veiðiskipið, oft líða ekki nema 20-30 mínútur frá því dragnótinni er kastað og að búið er að hífa voðina og fiskurinn kominn um borð. Lítil pressa er á fiskinum þar sem hann er hífður um borð í litlum skömmtum og er þá sprell lifandi þegar hann er blóðgaður frá móttöku í rennandi sjó.  

Ef vel veiðist geta pokarnir orðið margir sem þarf að hífa um borð, en reynt er að hafa pokana ekki stærri en svo að þeir rúmi ekki meira magn af fiski en sem nemur 500-1000 kg. Er þetta gert til að fyrirbyggja að fiskur kremjist og blóðspryngi með tilheyrandi skemmdum og losi í holdi.

Fiskur veiddur í dragnót er að jafnaði vænni en fiskur sem veiðist í önnur veiðafæri að netafiski undanskyldum og vegur sá þáttur í rekstri dragnótaskipa mikið fyrir afkomu veiðanna þar sem oft er mikil munur á verði góðs dragnótafisks og fisks sem veiddur er í önnur veiðafæri.

Veiðar með dragnót.
Áður en ákvörðun um kast með dragnót er tekin þá þarf að gæta að ýmsum þáttum er varða strauma, sjávarföll, vindátt og sjólag. Einnig hafa birtuskilyrði og sólarljós mikið um það að segja hvernig fiskast. Mjög misjafnt er eftir árstíðum, dýpi og svæðum hver áhrif mismunandi þátta hafa til árangurs af veiðunum.

Það sem vegur þyngst í góðum árangri við veiðarnar ásamt samspili margra þátta er án efa það fæðuframboð sem fiskurinn hefur á viðkomandi veiðislóð. Ef fæðuframboð er takmarkað á veiðislóð dragnótar er næsta víst að lítið sem ekkert veiðist.

Ef pláss og dýpi á veiðislóð dragnótar er nægilegt þá er oftast kastað allri vírmanilunni sem til staðar er um borð í skipinu en ef plássið er takmarkað eins og algengt er á veiðislóð dragnótar út af Vestfjörðum og víðar, þar sem verið er að kasta dragnót á sand polla og gjótur sem leynast víða úti í hrauni, þá er mjög misjafnt hversu miklu er hægt að kasta.

Geta dragnótarinnar til að ná í fisk er bundin innan þess svæðis sem tógin afmarka með legu sinni á hafsbotni. Mjög misjafnt er hversu mikið flatamál þess svæðis er, þar sem dýpi, straumur, hversu mikið skverað er og lengd tógana sem eru úti ráða mestu þar um, en oft er það einungis 1/3 af lengd tógana sem skafa botninn en 2/3 eru laus frá botni upp í sjó í átt til veiðiskipsins. 

Lokaorð. Veiðislóð dragnótarinnar er eins og frjór akur bóndans sem yrkir landið af alúð og dugnaði.

Dragnótaveiðar ætti samt sem áður aldrei að leyfa á uppeldisstöðvum fisks líkt og inn á fjörðum og víkum og ekki heldur á veiðislóð minni strandveiðibáta.

Undirritaður leggur til að dragnótaveiðar verði víðast hvar ekki heimilar innan 4,5 sjómílna frá grunnlínupunktum nema að takmörkuðu leyti og þá einungis árstíðabundið.

Það liggur í hlutarins eðli að veiðar með dragnót á veiðislóð smáfisks ganga ekki upp líffræðilega vegna verndunarsjónamiða né hagfræðilega undir núverandi aflamarkskerfi fyrir innbyggða hvata sem leiða til brottkasts og svindls ýmiss konar.

Dragnótaveiðar takmarkaðar