18 alþjóðlegir vísindamenn vilja taka upp sóknarstýringu við fiskveiðar

Reynslan af stjórnun þorskveiða við Island frá 1976 styður niðurstöður rannsóknar sem nýlega var greint frá í vísindatímaritinu Science.

Þetta er mat Jóns Kristjánssonar, fiskifræðings, sem kemur fram í nýjasta hefti Fishing News (FN).

Fjallað var um greinina úr Science í Morgunblaðinu 25. apríl síðastliðinn (Vilja veiða og hirða allt sem hafið gefur).

Þar setti hópur 18 vísindamanna víða að úr heiminum fram þá skoðun að valbundnar fiskveiðar, þar sem mið sé sótt í fáar tegundir og fiska af tiltekinni stærð, auki hvorki framleiðni né dragi úr áhrifum af fiskveiðum á vistkerfi hafsins.

Í greininni í Fishing News er haft eftir Jóni að niðurstöður vísindamannanna sem skrifuðu greinina í Science ættu að ýta við yfirvöldum fiskveiða í Evrópusambandinu og eins vísindamönnum Alþjóðahafrannsóknaráðsins, ICES.

Þær ættu að hvetja til þess að fallið verði frá viðteknum viðhorfum í fiskveiðistjórnun og tekið upp „afslappaðra" fyrirkomulag fiskveiðistjórnunar.

Fishing News segir að umfangsmikil tilraun hafi hafist á Íslandsmiðum þegar erlendir fiskiskipaflotar yfírgáfu miðin 1976.

Við hafi tekið róttækar breytingar. Möskvastærð botnvarpa hafi verið stækkuð úr 120 mm í 155 mm til að vernda smáþorsk.

Þetta hafi valdið þvi að veiðin færðist upp í aldursröð þorsksins. Þessu hafi fylgt að dregið hafi úr vexti fiskanna miðað við aldur, sem benti til fæðuskorts, og þyngd sex ára þorska farið úr fjórum í þrjú kíló.

Landaður afli minnkaði og 1984 var tekið upp kvótakerfi, aflamarkskerfí. Blaðið segir að fram að þessu hafi meðal þorskafli á Íslandsmiðum verið um 450.000 tonn á ári um langa hríð.

Eftir breytingarnar hafi þorskveiðin minnkað niður í um 150.000 tonn á ári og nú sé þorskkvótinn 170.000 tonn á ári.

Í stað þess að fara aftur til fyrra fyrirkomulags hafi verið hert á fiskveiðistjórnuninni og smáfiskavernd aukin með svæðalokunum.

Sama reynsla fékkst í Norðursjó, Írska hafi og vestan við Skotland, að sögn FN. Eina undantekningin sé Barentshaf en þar hafi stjórnmálamenn leyft stærri kvóta en Alþjóðahafrannsóknaráðið lagði til.

Þá hafi verið leyft að landa smáum fiski vegna veiða Rússa á smáþorsk.

Dauði krókaaflamarksins

Hér gefur að líta töflu úr skýrslu svokallaðs sérfræðingahóps yfir efnahagsreikning 12 fyrirtækja í krókaaflamarkskerfi sem Sjálfstæðisflokkurinn kom á og þeir kalla besta kvótakerfi fyrir smábáta í öllum heiminum.

Þessa dæmalausu vitleysu elti svo forstjóri Byggðastofnunar einkabankanna með glórulausum útlánum til vildarvina og pólitískra rugludalla með réttu flokksskírteinin.

Meti hver fyrir sig árangurinn með tilliti til þess að fyrirtækin hafa fengið helmingi hærra verð fyrir fiskinn og afurðirnar frá því krónan féll með bönkunum í lok árs 2008.

Þessa hörmung kalla Sjálfstæðismenn besta kvótakerfi í heimi.

Einar K. Guðfinnsson ætti að hætta í stjórnmálum

Einar K. Guðfinnsson alþingismaður (EKG)  ætti að hætta í stjórnmálum. Sérstaklega ætti maðurinn að hætta að þvaðra um sjávarútivegsmál.

Þar er hann búinn að valda nægum skandal með skipulögðu aðgerðarleysi sem ráðherra - skildi við sjávarútveg stórlega ofskuldsettan  - veiðiheimildir allt of litlar og of margar fisktegundir í aflamarki. 

Niðurstaðan í dag -  af stjórnleysi EKG - er allt of margar sjávarbyggðir í uppnámi - stórfelld röskun í sjávarbyggðum sem eru í raun rjúkandi rústir samfélagslega - og flest útgerðarfyrirtæki ofskuldsett.

Segir ríkisstjórnina vilja átök