Leita í fréttum mbl.is

Þorskstofninn að hrynja ?

fiskibatur_1-4.jpg

Kvótakerfið átti að skila okkur 500-550 þúsund tonna jafnstöðuafla þorsks - en er að skila 160 þúsund tonnum. 

Við Kanada austanvert  átti sama uppskrift að skila einni milljón tonna jafnstöðuafla eftir 1990...

en þar hrundi stofninn  árið 1992 eftir 14 ára tilraunastarfsemi með 20% "aflareglu".....

Allt eru þetta staðreyndir um árangur af  þessari tilraunastarfsemi með þeirri andvana fæddu hugmyndafræði sem fiskveiðistjórn hérlendis byggir nú á - stefnu um að svelta smáþorsk til hlýðni við tölfræðilega tilgátu.

fiskibatur_1-5.jpg

Í Barentshafi  hrintu Rússar okinu af sér árið 2000 og þá loksins fór hafið að svara í samræmi við líffræðileg grundvallaratriði - það virðist verða að veiða töluvert mikið til að viðkomandi stofn auki afrakstur...

Reynslan gefur þetta til kynna - þetta er ekki kenning.

Tilgátan sem þvinguð er upp á okkur í dag - það er kenning....  að öllum líkindum - andvana fædd kenning  ef marka má reynslu...

fiskibatur_1-3.jpg

Gagnstæð stefna - friðun við Kanada austanvert virðist hafa leitt af sér að þorskstofninn  þar hrundi við þessa tilraunastarfsemi  - vöxtur hrundi og stofninn féll.

Þyngsti fiskurinn á miðunum við Kanada árið 1993 - var 0,84 kg - 7 ára gamall undirmálsfiskur - elsti og þyngsti þorskurinn á því svæði.

Þorskstofnar við Kanada Austanvert eru staðbundnir sér stofnar a.m.k. 9 sjálfstæðir stofnar - það var sannað með skýrslu Harold Thompson fiskifræðings  árið 1943 en hann hafði merkt þorsk á svæðinu í 10 ár 1930-1940 og gaf skýrslu sína  um staðbundna þorskstofna þarna árið 1943.

fiskibatur_1-2.jpg

Á Íslandi virðast einnig margir og  staðbundnir undirstofnar í þorskstofninum - svo áleitin spurning er hvernig á  beita "20% aflareglu" á marga undirstofna - af handahófi - út í loftið.

Faglegar forsendur fyrir ríkjandi fiskveiðistjórn virðast flestar fengnar með ágiskunum og tilgátum út í loftið. 

Hvernig getur svona lagað endað - nema illa -  þegar grunn forsendan sjálf virðist andvana fædd hugmyndafræði sem sveltir smáfisk og þorskstofninn virðist vera að úrkynjast smá saman - ef grannt er skoðað? 

Grein eftir Kristinn Pétursson.


mbl.is Þorskurinn hefur minna að éta
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Stefán Gunnlaugsson

Skemmtilegar pælingar. Er ekki komin sönnun þess að Hafró er útí móa með sínar tilgátur og spár.

Það má líka bæta við að bara hrefnustofninn étur amk 4.300tonn á dag, og samkvæmt mælingum er tæp 50% fiskur. Hvalastofnar eru í sögulegu hámarki.

Loðnan er að hverfa, rækjan er að hverfa, sandsílið er að hverfa ofl. Það þarf ekki að gera neinar rannsóknir á þessu, þorskstofninn og fleira getur ekki annað en hrunið með þessu áframhaldi. En hafró kennir örugglega bara hlýnun jarðar um þetta, það skýla sér allir á bakvið það.

Stefán Gunnlaugsson, 20.6.2011 kl. 12:38

2 Smámynd: Björn Emilsson

Brýn nauðsyn er að áhugamenn um fiskveiðar komi saman til fundar. Boðaðir verði sérstaklega þeir Jón Kristjánsson og Kristján Pétursson, til að skýra mál.

Björn Emilsson, 20.6.2011 kl. 20:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband