Leita í fréttum mbl.is

Volaða land

matthías jochumsson

Volaða land,
horsælu hérvistar-slóðir,
húsgangsins trúfasta móðir,
volaða land!

Tröllriðna land,
spjallað og sprungið af eldi,
spéskorið Ránar af veldi,
tröllriðna land!

Hraunelda land,
hrákasmíð hrynjandi skánar,
hordregið örverpi Ránar,
hraunelda land!

Hafísa land,
ískrandi illviðrum marið,
eilífum hörmungum barið,
hafísa land!

Stórslysa land,
fóstrað af feiknum og raunum,
fóðrað með logandi kaunum,
stórslysa land!

Blóðrisa land,
mölvað af knútum og köglum,
klórað af hrímþursa nöglum,
blóðrisa land!

Vandræða land,
skakt eins og skothendu kvæði
skapaði Guð þig í bræði,
vandræða land!

Drepandi land,
búið með kjark vorn og kjarna,
kúgandi merg þinna barna,
drepandi land!

Drepandi land,
hvað er það helzt sem þú safnar?
Sult vorn og örbirgð þú jafnar,
drepandi land!

Vesæla land!
Setið er nú meðan sætt er,
senn er nú étið hvað ætt er,
vesæla land!

Hrafnfundna land,
munt þú ei hentugast hröfnum?
Héðan er bent vorum stöfnum,
hrafnfundna land!

Höf: Matthías Jochumsson.


mbl.is Óvíst hvenær kvótafrumvarp kemur
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Anna Sigríður Guðmundsdóttir

Það væri snjallræði að senda alla á sjóinn, á meðan ESB-strumpa-mafían er að hóta Jóni Bjarnasyni Ögmundi Jónassyni.

Þetta gengur ekki svona lengur, það sjá allir. Bara spurning hvenær fólk hreinlega leggur niður vinnu í þessu landi, fyrir utan klíkufjölmiðla-fólk, bankastarfsfólk og lífeyrissjóðs-starfsfólk.

En það fólk verður nú fljótt svangt, neikvætt og svartsýnt, ef aðrir hætta að framleiða fyrir þau lifibrauð og peninga.

Ef orðin duga ekki, þá verða verkin að tala. Mannréttindi og mannslífin eru númer eitt!

M.b.kv.

Anna Sigríður Guðmundsdóttir, 15.11.2011 kl. 00:36

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband