Þrúgur reiðinnar

Í kjölfar verðbréfahrunsins í Kauphöllinni í New York 23. október 1929 skall á heimskreppa sem hafði gífurleg áhrif á líf fólks í hinum vestræna heimi.

Lífið varð barátta um brauðið frá degi til dags, atvinnuleysi jókst mikið og fólk stóð í röðum til að komast yfir nauðsynjavörur eins og mat og fatnað. Evrópuþjóðirnar voru í sárum eftir fyrra stríð og ekki varð kreppan til að bæta ástandið þar.

Bókin "Þrúgur reiðinnar" eftir rithöfundinn John Steinbeck sem kom út árið 1939 fjallar um kreppuárinn. Hún segir frá flutningi landbúnaðarverkamanna frá Oklahoma til fyrirheitna landsins í vestri, Kaliforníu, þar sem þeir telja að betra líf og atvinna bíði þeirra.

Tugir þúsunda annarra öreiga eru hins vegar á sömu leið í sams konar erindum og því er ekki mikla vinnu að fá þegar til Vesturstrandarinnar er komið.

Aðkomufólksins bíður eymd, atvinnuleysi og niðurlæging. Steinbeck lýsir aðstæðum fólksins á raunsæjan hátt, og bjó meðal annars með fjölskyldu í svipaðri stöðu og sögupersónurnar um tíma til að öðlast betri innsýn í erfitt líf þeirra.

Margt í frásögn Steinbeck minnir á þau kjör og aðstæður sem leiguliðar Íslenzkir búa við í dag í skugga hins illræmda kvótakerfis við fiskveiðar.

Óttast verðfall á hlutabréfum í Evrópu á morgun