Þöggunn LÍÚ og Háskólans á Akureyri

LÍÚ kaupir sér opinberan stuðning Háskólans á Akureyri til að kenna áfram hvernig á að klúðra fiskveiðistjórninni enn betur. 

LÍÚ svífst einskis – og kaupir nú opinberan stuðning við allan ósómann í fiskveiðistjórninni: mistökin um uppbyggingu þorskstofnsins, brottkast, framhjálöndun, eignarupptöku fjölskyldna í sjávarbyggðum og eyðingu byggða. 

Man fólk ekki hvernig Fiskvinnsluskólinn og Stýrimannaskólinn á Ísafirði, Dalvík, og Vestmannaeyjum  - frábærir skólar voru eyðilagðir og í stað þess er plottað  eitthvert samsæri um kennslu í kvótafræðum LÍÚ í Háskólunum á Akureyri og Háskóla Íslands þar sem blóðpeningar  og “gjafir” LÍÚ gegna lykilhlutverki – við útbreiðslu fræða – sem eru að eyða bæði  þorskstofninum og sjávarbyggðum kring um landið.

Það er alvarleg siðblinda hjá yfirstjórn Háskóla Akureyrar að taka þátt í  að kenna þennan ósóma - gegn greiðslu  45 milljón blóðpeninga.

Sjá link; http://www.skip.is/frettir/2007/12/21/nr/11465

Athugasemdir

[Anna Karlsdóttir, 28.12.2007 kl. 14:45]

Sæll Níels

Aðsókn nemenda að sjávarútvegsfræðum hefur verið sorglega dræm undanfarin ár eftir því sem ég best veit. Ég hef nú bara fylgst með náminu í HA úr fjarska en sýndist samt þegar að mest var af nemendum þar að mikil áhersla væri lögð á rekstrarfræði og gæðavottun. Það skilaði sér svo um munaði inn í íslenskan sjávarútveg bæði til góðs og ills. Ég veit ekki til að Háskóli Íslands hafi á nokkurn hátt verið leiðandi í námi í sjávarútvegi, nema síður sé. Ég eiginlega hálf skammast mín fyrir hvað HÍ hefur verið léleg stofnun í að byggja upp almennilega þekkingarmiðstöð í haffræðum, sjávarútvegi, sjávarlíffræði, siglingamálafræðum, sjávarlandfræði og tengdum greinum. Það hefðum við átt að gera fyrir löngu! En ætli það sé ekki tengt því að þar hefur hver höndin verið uppi á móti annarri hingað til.