Eggert Ólafsson 1726-1768

 

Þann 30. mai 1768, drukknaði Eggert Ólafsson (f, 1726) varalögmaður og skáld frá Svefneyjum á Breiðafirði. 

Hann nam náttúruvísindi við Hafnarháskóla, og lagði auk þess stund á fornfræði, málfræði, lögfræði, lögspeki og búfræði.

Eggert fór í rannsóknarferðir um Ísland með Bjarna Pálssyni, síðar landlækni, á árunum 1752-1757. Í þessari ferð könnuðu þeir náttúru landsins en einnig almennt ástand þess og gerðu tillögur til úrbóta.

Eggert samdi ferðabók þeirra félaga á dönsku og kom hún út árið 1772. Tveimur árum síðar kom bókin út á þýsku, á frönsku árið 1802 og hlutar hennar á ensku 1805. Á íslensku kom hún út árið 1943.

Eggert drukknaði á Breiðafirði, ásamt konu sinni Ingibjörgu Halldórsdóttur, systur séra Björns Halldórssonar í Sauðlauksdal.

Voru þau á leið heim úr vetursetu í Sauðlauksdal. Meðal ljóða Eggerts er "Ísland ögrum skorið."