Tálknfirðingar kváðu niður afturgöngu 1696

Árið 1696 lézt Bjarni Jónsson bóndi á Bakka í Tálknafirði og var hann jarðaður í kirkjugarðinum í Stóra-Laugardal.

Fljótlega eftir að Bjarni var jarðsettur fór að bera á miklum reimleikum á ýmsum bæjum í Tálknafirði. Töldu vitrir menn í Tálknafirði fyrir víst að Bjarni Jónsson hefði gengið aftur og gert fólki þessar ónáðir.

Brugðust Tálknfirðingar hart við og grófu Bjarna upp og veittu honum enn betri yfirsöng. En það kom ekki að haldi og magnaðist afturganga Bjarna til allra muna.

Fóru þá Tálknfirðingar margir saman aftur að gröfinni í annað sinn og grófu Bjarna upp. Varð þeim ærið hverft við í það skipti, því hinn dauði maður var kominn á fjórar fætur í gröfinni.

Þá gripu Tálknfirðingar til gamals ráðs og hjuggu höfuðið af karli og stungu því við þjóin. Við þessa aðgerð brá svo við að Bjarni Jónsson hefur aldrei gert vart við sig síðan.

Nóg að gera hjá dönskum særingamönnum

Athugasemdir

[Jóhannes Ragnarsson, 1.11.2009 kl. 18:49]

Það er ákkúrat svona sem á að meðhöndla glæpasamtök eins og Sjálfstæðisflokkinn.

[Hildur Helga Sigurðardóttir, 1.11.2009 kl. 18:54]

Ja hérna, skæður sá !  Getur verið að villiféð í Tálkna tengist téðum Bjarna með einhverjum hætti ?

[Jóhannes Ragnarsson, 1.11.2009 kl. 20:02]

Nei, Hildur mín Helga, villféð tengist Bjarna draugi ekki á norrurn hátt. Hinsvegar sé ég ekki betur en um bein tengsl sé að ræða milli Bjarna heitins og Sjálfstæðisflokksins, þ.e.a.s. að nauðsynlegt er að stýfa hausinn af íhaldsbelgnum og leggja hann við þjó honum.

[Jóhann Elíasson, 2.11.2009 kl. 00:45]

Það er skítt að það þurfi svona aðferðir til að fá smá frið....