Útboð á aflaheimildum til bjargar sjúkrahúsunum á landsbyggðinni

Til að verjast fyrirhugaðri rústun sjúkrahúsa á landsbyggðinni er vart nema ein leið fær.

Ríkisstjórnin ætti að taka ákvörðun um það strax að auka aflaheimildir í þorski og vel flestum öðrum tegundum bolfisks um td, 75 þúsund tonn.

Þessar viðbótar aflaheimildir verði teknar út fyrir sviga aflamarkskerfisins og leigðar út af ríkissjóði.

Með þessu móti fengjust í ríkisskassann strax á næstu mánuðum að lágmarki 5 milljarðar króna.

Ekki þyrfti því að koma til neins niðurskurðar hjá sjúkrahúsunum.

85% niðurskurður á sjúkrasviði

54,7 milljarðar afskrifaðir hjá átta kvótafyrirtækjum

Í upphafi Hrunsins skuldaði sjávarútvegurinn 543 milljarða króna. Hvernig mátti slíkt verða þegar okkur var sagt að kvótakerfið ætti að tryggja hagræðingu og góðan rekstur?

Átta sjávarútvegsfyrirtæki fá nú afslátt skulda upp á 54,7 milljarða.

Okkur er sagt að það hefði verið verri kostur að láta þau rúlla en lifa. Hvers vegna? Jú, vegna þess að skuldirnar voru svo yfirgengilega háar og fyrirtækin svo stór, hvert á sínum stað að ómögulegt var að láta þau hlíta markaðslögmálunum, þar sem  menn taka sjálfir ábyrgð á áhættunni sem tekin er. Tjónið af gjaldþroti yrði miklu verra en ef skuldir væru afskrifaðar.

Niðurstaða: Því meira sem tekið var að láni, því meiri voru líkur á að eigendurnir gæti sjálfir sloppið og viðhaldið lífsstíl sínum, stóru einbýlishúsunum, sumarhöllunum og ofurjeppunum.  Með smávegis kennitöluflakki var hægt að ganga tryggilega frá þessu og að taka meira að segja lán til að borga eigendunum hundruð milljóna króna í arð.

Fengið að láni af heimasíðu Ómars Ragnarssonar.

Kvótakerfið er versta aðförin að búsetu

Myndin sýnir skuldir útvegsfyrirtækja í milljörðum króna (á verðlagi hvers árs). Skuldirnar námu um 500 milljörðum króna í árslok 2008 skv. framreiknuðum tölum frá Seðlabanka Íslands.

Skuldirnar hafa nálega fjórfaldazt frá 1995 sem hlutfall af útflutningsverðmæti sjávarafurða: þær námu 110% af útflutningsverðmætinu 1995 og um 400% 2008.

Kvótakerfinu var ætlað að stuðla að hagræðingu og þá væntanlega einnig að endurgreiðslu skulda, en það hefur leitt til þveröfugrar niðurstöðu, skuldasöfnunar — og að vísu einnig til eignamyndunar á móti, en fiskveiðistjórnarkerfinu var ekki ætlað að greiða fyrir áframhaldandi fjárfestingu í útvegi.

Útvegsfyrirtækin lögðu kvóta að veði einnig fyrir vafasamri skuldasöfnun utan útvegsins, stundum til að braska með gjaldeyri, og hafa því mörg misst kvótann í hendur lánardrottna.

Mörg útvegsfyrirtæki virðast í ljósi þessara talna munu þurfa að skipta um eigendur innan tíðar. Álagning veiðigjalds í tæka tíð — með því að fara gjaldheimtuleiðina, uppboðsleiðina eða afhendingarleiðina eða einhverja blöndu af öllum þrem — hefði leitt til miklu meiri og skjótari hagræðingar en átt hefur sér stað og hefði dregið úr skuldum útvegsins í stað þess að auka þær. Sjá meira um málið í greininni Framleiðni og lánsfé.

Fengið að láni af heimasíðu Þorvaldar Gylfasonar.

Harma aðför að búsetu í Þingeyjarsýslu

Í vindi skal við höggva, veðri á sjó róa

Jú, Guðbjartur Hannesson sem lofaði uppstokkun á kvótakerfinu og að mannréttindi sjómanna yrðu virt en ekki fótum troðin áfram af stjórnvöldum líkt og verið hefur sl, 27 ár.

Hvar eru efndirnar ?

Nú er komið að ögurstundu

Fjármálaráðherra afskrifar fyrir Halldór Ásgrímsson 2,6 milljarða

Skuldir ríkissjóðs verða 1.329 milljarðar

Illræmdasta kvótakerfi veraldar

Niðurstöðurnar koma ekki á óvart.

Eftir hverju eru stjórnvöld eiginlega að bíða ?

Yfir 70% vilja breytingu á kvótakerfinu

Innköllun aflaheimilda

Markaðsrannsóknafyrirtækið MMR hefur birt niðurstöður könnunar þar sem spurt var um álit fólks á því að afturkalla fiskveiðiheimildir. 70,9% svarenda sögðust vera frekar eða mjög hlynntir því að stjórnvöld afturkalli með einum eða öðrum hætti gildandi fiskveiðiheimildir og úthluti þeim að nýju með breyttum reglum. 18,8% eru andvígir hugmyndunum og 10,3% sögðust hvorki vera hlynnt né andvíg málinu. „Þetta er nokkur breyting frá könnun MMR í febrúar 2009 þegar 61% svarenda sögðust fylgjandi afturköllun og endurúthlutun fiskveiðiheimilda," segir í tilkynningu frá fyrirtækinu.

Eins og venjulega er nokkur munur á afstöðu ólíkra hópa til málsins. „Til dæmis sögðust 82% þeirra sem eru fimmtugir og eldri vera hlynntir hugmyndinni samanborið við 71% í aldurshópnum 30-49 ára og 54% í aldurshópnum 18-29 ára. Þó ber að líta til þess að í öllum aldurshópunum voru þeir sem sögðust hlynntir hugmyndinni mun fleiri en þeir sem sögðust henni andvígir."

„73,7% þeirra sem búa á höfuðborgarsvæðinu sögðust fylgjandi því að yfirvöld endurskoði úthlutun fiskveiðiheimilda borið saman við 66,4% þeirra sem búa úti á landi," segir ennfremur. „Þá sögðust 16,0% íbúa höfuðborgarsvæðisins vera andvígir hugmyndinni um endurúthlutun fiskveiðiheimilda borið saman við 23,3% íbúa landsbyggðarinnar. Af þeim sem styðja núverandi ríkisstjórn eru 93,3% sem sögðust hlynntir því að að stjórnvöld afturkalli með einum eða öðrum hætti gildandi fiskveiðiheimildir og úthluti þeim að nýju með breyttum reglum. Meðal þeirra sem segjast ekki styðja ríkisstjórnina voru 51,9% sem sögðust fylgjandi endurúthlutun fiskveiðiheimilda en 35,0% þeirra voru því andvígir."

Síðan kemur í ljós verulegur munur var á afstöðu svarenda eftir stuðningi þeirra við stjórnmálaflokka. „Þannig sögðust 38,3% sjálfstæðismanna hlynntir endurúthlutun fiskveiðiheimilda en 43,4% þeirra sögðust andvígir. 59,1% framsóknarmanna sögðust hlynntir endurúthlutun fiskveiðiheimilda en 27,3% þeirra sögðust andvígir. 93% stuðningsfólks Samfylkingarinnar kvaðst fylgjandi endurúthlutun fiskveiðiheimilda en 2,3% þess sagðist andvígt. Þá voru 95,9% Vinstri grænna hlynntir því að stjórnvöld endurskoði úthlutun fiskveiðiheimilda en 1,1% voru því andvígir. Meðal þeirra sem sögðust kjósa aðra flokka en ofangreinda voru 87,2% sem kváðust hlynntir endurúthlutun fiskveiðiheimilda en 10,5% kváðust andvígir."

Í tilkynningunni segir einnig að þegar litið sé til sambærilegrar könnunar frá því í febrúar 2009 kemur í ljós að stuðningur við afturköllun og endurúthlutun fiskveiðiheimilda hefur aukist mikið meðal stuðningsfólks ríkisstjórnarinnar. „Nú segjast 93,3% þeirra sem styðja ríkisstjórnina hlynnt hugmyndinni samanborið við 74,3% í febrúar 2009. Stuðningur við hugmyndina breytist hins vegar lítillega meðal þeirra sem myndu kjósa Framsóknarflokkinn eða Sjálfstæðisflokkinn nú. Stuðningur við afturköllun og endurúthlutun fiskveiðiheimilda eykst meðal karla og kvenna, þeirra sem búa á höfuðborgarsvæðinu og íbúa landsbyggðarinnar og í öllum aldurshópum að hópnum 18-29 ára undanskyldum."

Frétt af visir.is