Álaveiðikóngur Íslands 1962

Pétur Hoffmann Salómonsson í viðtali við Alþýðublaðið í sept 1964:

Það er alveg rétt sem ég segi, á þessari stundu í dag. Það er eiginlega enginn Íslendingur, sem séð hefur ál, enginn sem kann að veiða hann ennþá, og í þriðja lagi eru allir hræddir við hann.

Þetta verður að breytast. Állinn er einhver hinn ágætasti fiskur til matar, sem vitað er um og að mínum dómi er hver sá áll sem er orðinn fullorðinn, frá áttatíu til hundrað sentímetrar, hann er að mínum dómi tíu króna gullpeningur hjá þeim sem veiðir hann og tíu króna gullpeningur hjá þeim sem kaupir hann og hentar hann á innlendan eða erlendan markað.

 

 

Reglur settar um álaveiðar