Sörli fann Eldeyjar hinar nýju

Við Ísland hafa neðansjávargos verið alltíð, ekki síst á Reykjaneshryggnum. Mun sjaldgæfara er þó að eyjar myndist í slíkum gosum. Í latínuriti frá 1230 er þess getið að „á vorum dögum“ hafi sjórinn ólgað og soðið og myndað stórt fjall upp úr sjónum.

Talið er að þessi lýsing eigi við gos það sem íslenskir annálar telja hafa orðið undan Reykjanesi árið 1211. Í einum annál segir um það gos:

„Sörli fann Eldeyjar hinar nýju, en hinar hurfu er alla ævi höfðu staðið.“ Þá segir frá eldsumbrotum undan Reykjanesi 1422: „Skaut þar landi upp, sem sjá má síðan þeir, er þar fara um síðan.“

Þá eru sagnir um neðansjávargos við Reykjanesskaga árið 1583 sem myndað hafi Gígeyjar og sjá má á Íslandskorti Guðbrands biskups Þorlákssonar. Þar er Eldey sýnd og Geirfuglasker SV af henni, en Gígeyjar SSA af Eldey.

 

Skjálftahrina við Eldey

Athugasemdir

[Dingli, 8.5.2010 kl. 12:21]

Nú vantar bara stórgos á Reykjanesinu.

[Anna Ragnhildur, 9.5.2010 kl. 22:33]

Takk fyrir þetta Níels. Áhugaverðar upplýsingar!

Kannski væri best að fá allt atvinnulausa fólkið okkar til Akureyrar til að stækka þar flugvöllinn hið snarasta. Ef það færi að gjósa þarna gæti Kef dottið úr umferð um tíma... Eða ef Eyjafjallajökull heldur áfram í 2 ár eins og síðast.

[Valmundur Valmundsson, 10.5.2010 kl. 12:39]

Góður Nilli.