Vilhjálmur frá Skáholti

Vilhjálmur frá Skáholti var til umfjöllunar í Litlu flugunni hjá RÚV á Rás, 1 í umsjón Lanu Kolbrúnar Eddudóttur þann 6. mai og 13. mai sl.

Ég varð heillaður af þessum meinta launsyni Einars Benediktssonar eftir að hafa hlustað á þættina hennar Lenu.

Flestir kannast við borgarskáldin Tómas Guðmundsson og Stein Steinar, líklega færri við Vilhjálm frá Skáholti sem sönnu nær telst Reykjavíkurbarn: fæddist í borginni, ólst þar upp, orti um hana og dó í henni.

Maðurinn var ekki allra. Því má vel vera að smámunasöm samtíð hafi ályktað um listhæfileika skáldsins út frá undarlegri framkomu.

Ekki svo að skilja að skáldskapur Vilhjálms geti talist byltingarkenndur um form eða efni; hann er tæpast einu sinni frumlegur.

En skáldskapur Vilhjálms er með því betra sem ég hef lesið og hlustað á í seinni tíð.

Athugasemdir

[Gísli Ingvarsson, 16.5.2010 kl. 13:47]

Launsonur Einars Ben! Myndin sem fylgir gæti fyrir mitt leyti stutt það. Hann er þó einlægara og þar með betra skáld en Einar gamli Ben sem verður þó að teljast mikill merkismaður á íslenskan mælikvarða. Mér hefur þótt sá gamli gríðarlega flínkur hagyrðingur og hefur náð langt í að fæða skáldæðina í ljóðunum með sjálfsöryggi þess sem lærðar hugsanir kann og miðlar þeim vel en raunveruleg einlægni fyrir sjálfum sér og viðfangsefninu er fjarverandi og hefði gert skáldskap hans gott. Því held ég að Vilhjálmur hafi gert betur en meintur faðir hans. Báðir voru þeir túradrykkjumenn og skáldskapurinn það eina sem raunverluega heldur nafni beggja á lofti. Auðvitað var Einar barn síns tíma og kannski hefði hann fúnkerað betur í ræsinu í Reykjavík en sem pólitísk leiðarstjarna bændaþjóðar.

[Valmundur Valmundsson, 16.5.2010 kl. 15:04]

Sæll Nilli alveg magnaðir þættir hjá Lönu um Skáldið frá Skáholti. Er í krónni á morgnana að setja upp fótreipistroll og þá er rás 1 á útvarpinu.

Kveðja úr öskunni í Eyjum.

[Níels A. Ársælsson., 16.5.2010 kl. 22:04]

Gísli.

Ég er sammála þér í flestu sem þú skrifar, en Einar Ben var fyrst og fremst mikill hugsjónar og baráttumaður fyrir bættum hag sinnar þjóðar sem sést best í innihaldi íslandsljóða.

Þú fólk með eymd í arf.

Snautt og þyrst við gnóttir lífsins linda,

litla þjóð, sem geldur stórra synda,

reistu í verki

viljans merki,-

vilji er allt sem þarf.

Trúðu á sjálfs þíns hönd, en undur eigi.

Upp með plóginn Hér er þúfa í vegi.

Bókadraumnum

breytt í vöku og starf.

 

Þú sonur kappakyns.

Lít ei svo með löngun yfir sæinn,

lút ei svo við gamla, fallna bæinn,

byggðu nýjan,

bjartan hlýjan,

brjóttu tóftir hins.

Líttu út og lát þér segjast, góður,

líttu út, en gleym ei vorri móður.

Níð ei landið,

brjót ei bandið,

boðorð hjarta þíns.

Sæll Valmundur.

Já þetta eru magnaðir þættir hjá stelpunni.

Já eru menn byrjaðir að nota fótreipið aftur að eitthverju marki ?

[Valmundur Valmundsson, 17.5.2010 kl. 21:39]

Fótreipið nýtist aðallega í brælu og á Álseyjarbleyðunni sem opnaði núna 15 maí.