Barnsmóður biskupsbróður drekkt.

Annó; júlí 1709: Helgu Magnúsdóttur drekkt á Alþingi fyrir hórdóm:

Stúlku frá Þórisdal í Lóni Helgu Magnúsdóttur, var drekkt á Alþingi á dögunum fyrir þær sakir. að hún hafði alið barn í dul. Ekki var þess getið í dómsskjölum, hver átt hefði þetta barn með henni, þótt nafn barnsföðursins sé raunar á allra vörum. Það er nefnilega Þórður Þorkelsson Vídalín í Þórisdal, fyrverandi rektor í Skálholti, bróðir Jóns Skálholtsbiskups, og munu valdsmennirnir hafa kveinkað sér við að nefna nafn hans, eins og á stóð, vegna þess skyldleika og annara frændsemi við hina fremstu menn.