Ætli íslenzku LÍÚ sjóræningjaskipin séu á listanum ?

Greenpeace gefur út lista yfir sjóræningjaskip

8.3.2007; skip.is

Greenpeace samtökin hafa gefið úr lista með nöfnum skipa sem þátt taka í ólöglegum og óskráðum veiðum á heimshöfunum. Á heimasíðu samtakanna kemur fram að útgerð þessara skipa stefni fiskstofnum í voða en talið er að verðmæti hins ólöglega afla sé um 9 milljarðar bandaríkjadala á ári.

Á heimasíðunni kemur fram að auk fiskiskipa á ólöglegum veiðum þá geti menn búist við að sjá á listanum svokölluð móðurskip, sem taka við afla frá fiskiskipum til vinnslu um borð, flutningaskip, sem flytji ólöglegan afla, og skip sem þjónusti skip sem stunda ólöglegar veiðar.

Í gagnagrunni Greenpeace á einnig að vera hægt að finna upplýsingar um fiskvinnslufyrirtæki sem kaupa ólöglega veiddan afla en grunnurinn er ekki síst ætlaður fiskkaupendum sem vilja forðast að kaupa fisk sem ekki er veiddur undir formerkjum sjálfbærrar nýtingar.

Greenpeace hyggst fylgjast sérstaklega vel með höfnum sem kunnar eru af því að þjónusta skip sem þekkt eru fyrir ólöglegar veiðar.