Það er mun meira vit í frændum okkar norðmönnum heldur en í ráðamönnum Íslands.

Þeir minnstu fá frjálsa sókn

Af skip.is; 14.3.2007

 

 

Eigendur norskra smábáta undir tíu metrum að lengd fá frjálsa sókn það sem eftir lifir árs að því er fram kemur í Fiskeribladet. Þá fá eigendur 10-11 metra langra báta, sem gert hafa út á kvóta í flokknum undir 10 metrum, einnig að veiða frítt.

Þetta er niðurstaða endurúthlutunar á árskvótanum fyrir minni fiskiskip og –báta sem tók gildi í gær. Samvæmt því fá fjórir bátaflokkar 5-25% aukningu á kvótum sínum en í þeim eru bátar sem hafa verið lengdir eða eru lengri bátar sem komu í stað eldri báta og töpuðu kvótum við breytingar sem gerðar voru um síðustu áramót.

Þrír útgerðarflokkar halda óbreyttri stöðu. Það eru bátar sem eru 10-15 metra langir, 15-21 metra langir og 21-28 metra langir og hafa verið rétt flokkaðir fram að þessu.

Athugasemdir

[Georg Eiður Arnarson, 14.3.2007 kl. 16:37]

Ef ekkjert  breitist eftir kostningarnar í vor ,þá er spurning að skella sér bara til Noregs.

[Níels A. Ársælsson., 14.3.2007 kl. 16:48]

Það breytist ekkert við kosningar í vor. Það eina sem getur breytt þessum viðbjóði er ekki setjandi í prentað mál.

[Jón Steinar Ragnarsson, 14.3.2007 kl. 20:36]

Kannski lauslega skylt þessu en þó ekki.  Skyldi slysið á Ísafjarðardjúpi eiga rót sína að rekja til þess að menn eru knúnir til að sækja á minni bátum á þessi hættulegu mið og síðast en ekki síst, taka meiri áhættu við að sækja í slæmum veðrum í von um minna framboð og hærra aflaverð á markaði? Er kerfið að þröngva mönnum til að leggja líf sitt að veði til að ná að sjá sér sómasamlega farborða?

[Níels A. Ársælsson., 14.3.2007 kl. 21:51]

Já þetta er rétt hjá þér.

[Georg Eiður Arnarson, 15.3.2007 kl. 08:01]

Krafan um hagnað í dag er grýðarlega mikil, enda eingin furða skuldir sjávarútvegsins komnar í 300 miljarða.

[Georg Eiður Arnarson, 15.3.2007 kl. 08:03]

Krafan um hagnað í dag er grýðarlega mikil, enda eingin furða skuldir sjávarútvegsins komnar í 300 miljarða.

[Hafsteinn Viðar Ásgeirsson, 15.3.2007 kl. 09:38]

Þessi spurning Jóns Steinars á fullan rétt á sér og því miður held ég að stundum sé svarið já, þó ég ætli ekki með því að leggja neinn dóm á orsakir þessa grátlega slyss í Djúpinu......