Er LÍÚ gert löglegt að stela peningum í skjóli Verðlagsstofu skiptaverðs ?

Línuskipið Páll Jónsson GK kom nýlega til heimahafnar í Grindavík með metaflaverðmæti. Aflinn í veiðiferðinni var 105,5 tonn og aflaverðmætið 15.5 milljónir króna.

Samkvæmt upplýsingum frá útgerðinni skiptist aflinn þannig að þorskur var 57 tonn, ýsa 8 tonn, langa 25 tonn, keila 8,5 tonn og annar afli var 7 tonn. Veiðiferðin stóð yfir í rétt rúma 5 daga og gerir það aflaverðmæti upp á 3 milljónir á dag.

Samkvæmt upplýsingum af vef Reiknistofu fiskmarkaða var meðalverð á ofangreindum slægðum tegundum í afla Páls Jónssonar dagana 16.03.2007 - 22.03.2007, sem hér segir. Þorskur kr, 270: Ýsa 186,40: Langa 142: Keila 93: Annað bland c.a, 150:

Mismunurinn á aflaverðmætinu sem útgerðin borgar áhöfninni og því verði sem skipið hefði fengið með því að selja afla sinn á markaði er kr, 6.800.000,00.-  Það gerir -30% lægra verð til áhafnar. Sem þíðir kr, 2.800.000,00.- lægri launagreiðslur til áhafnar og kr, 920.000,00.- lægri greiðslu til ríkis og sveitarfélaga í formi skatta. Grindavíkurhöfn fær kr, 100.000,00.- minna í hafnargjöld.

Athugasemdir

[Hafsteinn Viðar Ásgeirsson, 23.3.2007 kl. 17:38]

Þeim er gert það löglegt og það er í sjálfu sér ekkert undarlegt að menn skuli vinna svona þar sem reglurnar, með blessun svokallaðra "sjómannasamtaka" eru svona. það eru allir svo uppteknir við að elta uppi þessa fáu leiguliða, sem, nota bene, eru margir og kannski flestir, að gera vel við sitt fólk og kallaðir þjófar og glæpamenn fyrir.

Spurning hverjir eru í glæpunum......http://hva.blog.is/blog/hva/entry/155289/