Dýri ferst með 10 manna áhöfn.

Anno; 24. mai 1921:

Fyrir rúmum mánuði lagði fiskiskipið Dýri út frá Þingeyri til handfæraveiða. Síðan hefur lítið eða ekki til þess spurzt og er það nú talið af með allri áhöfn eftir árángurslausa leit tveggja varðskipa. Á Dýra voru tíu menn. Skipið sást síðast fyrir tæpum þremur vikum út af Kolsvík sunnan Patreksfjarðar og var þá á vesturleið. Skipshöfnin á Dýra var öll frá Dýrafirði nema einn maður. Skipstjóri var Markús Jónsson frá Haukadal.

 

Athugasemdir

[Georg Eiður Arnarson, 24.3.2007 kl. 22:00]

Kantu söguna um það þegar Vestmannaey ve 4 fórst 1907 eða 9.

[Níels A. Ársælsson., 24.3.2007 kl. 22:21]

Nei. En ég er að leita að bókinni minni um Vestmannaeyjar.

[Níels A. Ársælsson., 24.3.2007 kl. 22:38]

Vestmannaey VE-4,  fórst 2. mai 1909. Lögðu línuna sw af Geyrfuglaskeri í norðan kalda og voru blikur á lofti um skjót veðrabrigði. Gerði austan storm. Áhöfninni var bjargað af franskri fiskiskútu. Skipstjóri var Sigurður Ingimundarsson. Annar fiskibátur fórst sama dag frá Vestmannaeyjum, Von VE.

[Georg Eiður Arnarson, 25.3.2007 kl. 12:22]

Langafi minn Siggi MundA . Afkomendur hanns skifta hundruðum í dag . en þegar þessi róður var farinn var eingin þeirra fæddur.