Fæddi tvíbura á sóttarsæng

Anno; Reykjavík 1918: Spánska veikin.

Í Helgudal í Mosfellssveit bjuggu hjón með 12 börnum sínum, en þau höfðu alls eignazt 14 börn. Bóndinn hét Jón Jónsson. Veikin barst þangað, og lézt bóndinn frá konu og börnum innan skamms. Húsfreyjan veiktist, svo og mörg börnin, og var heimilið ósjálfbjarga. Meðan konan lá sjúk, fæddi hún tvíbura andvana, og hafði hún þá eignazt 16 börn. Reynt var að veita heimili þessu brýnustu hjálp og fjársöfnun hafin. Þegar heimilisfaðirinn og börnin voru jörðuð, lá konan dauðveik.