Sjáið niðurlæginguna frá Ísafirði

Nýtt stöðugildi á vegum Fiskistofu

Nýtt stöðugildi hefur skapast við útibú Fiskistofu á Ísafirði, og eru þau nú orðin þrjú talsins. Þetta gerist við flutning verkefna frá Fiskistofu í Hafnafirði til útibúsins. Um er að ræða stjórnunarstöðu sem hefur umsjón með nokkrum verkefnum, en þar vega hvað mest eftirlit með öllu þorskeldi á Íslandi, sem og yfirumsjón með frístundaveiðum.

Að sögn Gunnars Þórðarsonar, deildarstjóra hjá Fiskistofu Ísafirði, eru þessi verkefni enn frekar lítið þróuð. Aðstæður á Vestfjörðum séu kjörnar til að vinna að þróuninni í nánu samstarfi við þá sem starfa í greinunum. Útibúið á Ísafirði flutti sig um set í vikunni er það færði sig í húsnæði að Árnagötu 2-4. Flutningurinn var samhliða færslu verkefnanna frá Hafnarfirði.

Af; bb.is

Athugasemdir

[Georg Eiður Arnarson, 29.3.2007 kl. 22:15]

Eyjamenn hafa mist tæplega 1000 mans á 10 árum, íhaldið skálaði í kampavíni í fyrra þega við fengum 3 störf frá fiskistofu.

[Ingólfur H Þorleifsson, 29.3.2007 kl. 22:32]

Það er óþarfi Níels að vera bitur. Þú hefur fengið þín tækifæri og ekki við stjórnvöld að sakast þó þú hafir ekki gert það besta úr þeim.

[Níels A. Ársælsson., 29.3.2007 kl. 22:48]

Ingólfur. Hvað ert þú að tala um, af hverju heldur þú að ég sé bitur ?

[Ingólfur H Þorleifsson, 29.3.2007 kl. 22:58]

Vegna þess að ég hef aldrei séð þig skrifa neitt sem ekki setur út á kvótakerfið á einhvern hatt. Hvert starf er mikilvægt alveg sama þó það sé bara eitt starf. Þó að kvótakerfið sé ekki fullkomið þá er það ekki rót alls vanda á landsbyggðinni. Það er fullt að góðum hlutum að gerast í útgerð og fiskvinnslu á landsbyggðinni t.d hér á Suðureyri, eins og þú sjálfsagt veist. Það er svipaður afli að koma á land t.d á Flateyri og gerði þegar togarinn var þar. Fólksflótti er ekki kvótakerfinu að kenna.

[Níels A. Ársælsson., 29.3.2007 kl. 23:50]

Ég ætla ekki að rökræða þetta við þig vinur hér á þessari síðu. En þér er velkomið að hringja í mig hvenær sem er ef þú ert eitthvað ósáttur við skoðanir mínar. Það er margt sem þú veist ekki.  Síminn minn er, 847-3850.

[Karl Jónsson, 30.3.2007 kl. 10:11]

Ætla nú ekki að blanda mér í kvótakerfisumræðuna, treysti því að Ingólfur bjalli í þig Níels  en Ingólfur það er því miður staðreynd að við hvert eitt opinbert starf sem farið hefur vestur, hafa tapast mörg á móti. Það finnst því mörgum súrt í broti og eins og ég skil Níels, að það sé slegið upp veislu þegar eitt starf kemur í bæinn þó öllum störfum beri vissulega að fagna - ég er ekki að meina það.

[Jakob Falur Kristinsson, 30.3.2007 kl. 11:44]

Það er alveg stórmerkilegt hvað hægt er að heilaþvo suma menn þegar kemur að ræða um kvótakerfið.  Það er alveg rétt að á Flateyri, Suðureyri og Bolungarvík hafa menn bjargarð sér nokkuð vel og nú komi meiri fiskur á land á Flateyri en gerði þegar þar var togari.  En vita menn hvað þetta hefur kostað á öllum þessum stöðum hafa fyrirtæki og einstaklingar tekið stór lán til að kaupa veiðirétt til byggðanna.  Þetta mun vera nokkrir milljarðar ef ekki tugir miljarða sem Vestfirðingar hafa tekið að láni til kaupa á veiðiheimildum og eitthvað þarf nú til að standa undir því.