Garpatal Péturs Hoffmans

Til skilningsauka á arfgengum dyggðum og öðrum eiginleikum sögumanns

Þarna hefur þú þessa menn, lesandi góður, og haf nú í huga við lestur ævisögu minnar. Hygg ég að þú komist að þeirri niðurstöðu að nokkuð sé líkt með mér og Þórólfi Kveldúlfssyni, því slíkur sem hann var konuingsvaldinu á sínum tíma, slíkur var ég sýslumönnum, lögreglustjórum, stórkaupmönnum, útgerðarmönnum og öðrum yfirgangshundum vorra tíma. Slíkur var ég einnig fisksölum á meðan ég var meðal þeirra. Og slíkur var ég meðal þjófa og annara afhraksmanna á öskuhaugunum á meðan ég dvaldi þar.

Öllum þessum stéttum gerði ég lágt undir höfði og fór ekki í manngreinarálit. Ekki hef ég síður stefnt til metorða á Íslandi en Þórólfur í Norvegi. Og hefst nú saga mín. Þér að segja

Austurríkismenn beðnir að miðla málum í Úkraínu

Athugasemdir

[Hafsteinn Viðar Ásgeirsson, 6.4.2007 kl. 09:27]

Þeir félagar Pétur Hoffmann og Þórólfur Kvedúlfsson hefðu verið á við alla Austurríkismenn þarna í Úkraínu, hefðu þeir lagt saman......

[Árni Gunnarsson, 6.4.2007 kl. 10:05]

Hvárt mundi á Íslandi nakkvat nú vera at finna manna slíkra sem hér fyrr var getit? Sýnisk mér at í landi því helst ríði um héruð gæfulitlir menn þeir sem betur skyldi heima sitja á búum sínum og hokra at konum ok hundtikum. 

[Hafsteinn Viðar Ásgeirsson, 6.4.2007 kl. 12:01]

Þú átt orðin yfir þetta Árni, sannari orð varla verið sögð á þessari síðu....