Þjófar handsamaðir í sjávarþorpi vestur á fjörðum

Frétt og ekki frétt:

Lögreglan segir, að þjófarnir hafi reynt að malda í móinn en frásagnir þeirra hafi verið lítt trúverðugar, ekki síst í ljósi þess að öryggismyndavélar eru í umræddum skóla en upptakan af athæfi þjófanna var bæði skýr og greinileg og kom að mjög góðum notum við rannsókn málsins.

Ný frétt gæti litið svona út:

Lögreglumenn af svæðisstöðinni á Vestfjörðum handtóku tvo karlmenn á þrítugsaldri fyrir helgina en mennirnir höfðu stolið stærstum hluta aflaheimilda úr einu sjávarþorpinu. Lögreglan segir, að þjófarnir hafi reynt að malda í móinn en frásagnir þeirra hafi verið lítt trúverðugar.

Þjófnaðurinn telst að fullu upplýstur og verður málið sent til ríkislögreglustjóra til meðferðar.

Þjófar handsamaðir í Grafarvogi

Athugasemdir

[Árni Gunnarsson, 1.5.2007 kl. 09:56]

Síðustu fréttir herma að þjófunum hafi verið sleppt. Þeim hafði tekist að selja aflaheimildirnar og nú er þýfið í annara höndum.

Samkvæmt íslenskri réttarvenju ber ekki að innheimta þýfi hafi þjófarnir komið því í verð.