Þjóðin vill og LÍÚ vill

Það eru tveir ólíkir hlutir. Kólimbíska þjóðin vill kókainsalana burtu líkt og mikill meirihluti íslenzku þjóðarinnar vill kvótakerfið fyrir róða.

Ríkistjórn Íslands hefur kosið hvað eftir annað að hundsa meirihluta vilja þjóðarinnar með því að viðhalda óréttlætinu og kúguninni.

Kallast það ekki landráð ?

Eins og Cato hinn gamli hefði sagt; "Auk þess legg ég til að Samherja hf, verði eytt".

Meirihluti Íslendinga óánægður með núverandi fiskveiðistjórnunarkerfi

Athugasemdir

[Árni Gunnarsson, 1.8.2007 kl. 13:07]

Hvernig á ríkisstjórnin að bregðast við skoðanakönnunum um tiltekin ágreinismál þegar meirihluti þjóðarinnar flaðrar upp við hana í fylgiskönnunum?

Ergo: Ég álít að þessi stjórn beri ábyrgð á eyðingu byggða, bandvitlausri ráðgjöf í stjórn fiskveiða og þar með ábyrgð á alvarlegri hnignun nytjastofnanna. Jafnframt að hún beri ábyrgð á tilfærslu verðmætis vegna ólöglegrar sölu aflaheimilda upp á hundruð milljóna.

 Hún beri ábyrgð á stærstu náttúruspjöllum Íslandssögunnar.

Beri ábyrgð á því að enn í dag erum við stuðningsþjóð ólögmætrar innrásar í fullvalda ríki með skelfilegustu afleiðingum fyrir þá þjóð í allri hennar sögu samanlagðri. Með því síðasttalda höfum við skapað okkur siðferðislega bótaábyrgð sem nemur gjaldþroti þjóðarinnar ef dómur félli eins og vert væri.

Öldruðu og fársjúku fólki er stíað sundur eins og fé sem bíður slátrunar, vegna féleysis til ráðstöfunar í málaflokkinn. Á sama tíma er þjóðin skattlögð um milljarða á milljarða ofan til að þjóna barnalegum metnaði (vanmetakennd) okkar í utanríkismálum.

Fleira mætti telja í löngu máli.

En auðvitað ber ég fyllsta traust til ríkisstjórnarinnar ef einhver álpast til að spyrja mig um það í símakönnun! 

[Árni Gunnarsson, 1.8.2007 kl. 13:11]

Alvarleg villa leiðrétt.- sölu aflaheimilda upp á hundruð MILLJARÐA.

[Níels A. Ársælsson., 1.8.2007 kl. 14:17]

Sammála Árni að öllu leiti nema þessu síðast talda með símakönnunina.