Ráðherra LÍÚ talar af sér

Þá vitum við það ! Niðurskurður í þorski hefur ekkert með fiskifræði að gera. Niðurskurðurinn er einungis gerður til að þóknast LÍÚ í herðferð þeirra gegn sjávarþorpunum og andstæðingum kvótakerfisins.

Nú skal gengið á milli bols og höfuðs á þessu skítapakki í eitt skipti fyrir öll !

Tilv, í ræðu ráðherra LÍÚ. 

Mér er það ljóst að sjávarútvegurinn fer nú skjótar í ýmsar hagræðingaraðgerðir en ella hefði verið. Sumt af því sem menn hafa gert og munu gera hefði örugglega komið til framkvæmda fyrr en síðar. Einfaldlega vegna þess að rekstrarleg rök hníga að því.

Minni tekjur nú gera það hins vegar að verkum að gengið er hraðar til verks. Það er því ljóst að framundan er enn meiri hagræðing innan sjávarútvegsins sem getur orðið sársaukafull en mun líka gera það að verkum að greinin verður öflugri þegar fram í sækir," sagði sjávarútvegsráðherra.

Umhugsunarefni hvort grundvöllur hagstjórnar sé réttur

Athugasemdir

[Georg Eiður Arnarson, 25.10.2007 kl. 18:15]

 Einar á að seigja af sér strax.

[Jóhannes Ragnarsson, 25.10.2007 kl. 19:21]

Hvaða stagkálfur er þessi Vilhjálmur Ingi Vilhjálmsson? Ég giska á, að hann sé að minnsta kosti kvótayrðlingur, ef ekki kvótafíkill. Það er ekkert gamanmál að vera af þeirri vafasömu dýrategund.

LÍÚráðherranum á að sjálfsögðu að fleygja á ruslahaug sögunnar, þvílíkt endemi sem hann er.

[Óskar Helgi Helgason (IP-tala skráð) 25.10.2007 kl. 23:56]

Heill og sæll, Níels og aðrir skrifarar !

Þakka þér; góða tölu. Hvaðan, úr fjandanum er Vilhjálmur Ingi sprottinn ? Jú;.... ég fór inn á síðu hans; og sjá : Helvítis Framsóknarblaðið, er einn spjallvina hans. Ætli hann hafi alist upp, við fótskör einhvers hins mesta óþverra íslenzkra mannheima; Halldórs Ásgrímssonar ?

Það skyldi þó ekki vera, piltar ?

Með beztu kveðjum, úr Árnesþingi / Óskar Helgi Helgason    

[Jakob Falur Kristinsson, 26.10.2007 kl. 10:08]

Eftir orðum ráðherra að dæma er niðurskurður á þorskveiðum nú ekki til þess ætlaður að byggja stofninn upp heldur til þess að auka á hina svokölluðu hagræðingu, sem fellst í því að allur kvóti safnist á örfá aðila og fv. sjávarútvegsráðherra mun hafa misst út úr sér á einhverjum fundi að æskilegast væri að ekki væru fleiri en 5-7 fyrirtæki í sjávarútveginum.