Beðið fyrir vinum í LÍÚ

Vanmáttur LÍÚ félaga er algjör gagnvart heimsmarkaðsverði á olíu. Nú getur maður ekkert annað en beðið Guð um hjálp þeim til handa.

Beðið um styrk til handa þeim sem þess þurfa og líkn handa þeim er þjást.
Í auðmýkt bið ég af öllu hjarta fyrir þjáðum vinum í LÍÚ.

Olíuverð komið í 97 dali

Athugasemdir

[Jóhannes Ragnarsson, 6.11.2007 kl. 20:29]

Ég er bara alls ekki viss um að Guð vilji nokkuð fyrir okkar brjóstumkennanlegu kvótafíkla gera. Því síður geri ég ráð fyrir, að Drottinn hleypi Kvótakerfi LíÚ-skunkana inn í Himnaríki þegar það drepst, vinalaust og smáð. Það mun ekki einusinni duga kvótakerfinu til eilífrar sæluvistar á himnum, þó allir helstu kardínálar og byskubar kvótakirkjunnar, þeir Davíð Oddsson, Halldór Ásgrímsson og Hanez Holmstone Gizurarzon, syngi langa sálumessu yfir moldum Kvótakerfisins. Þess um bíða ævarandi útskúfun í ríki fordæmdra.

[Hafsteinn Viðar Ásgeirsson, 6.11.2007 kl. 20:37]

Hann er eitthvað svo aumingjagóður hann Nilli....

[Níels A. Ársælsson., 7.11.2007 kl. 11:19]

Já hafsteinn, ég hef alltaf verið eitthvað svo aumingjagóður.

[Níels A. Ársælsson., 7.11.2007 kl. 11:21]

Jói. Táraflóð með sálumessu verður sungin fljótlega yfir kvótakerfinu sáluga !

[Jóhannes Ragnarsson, 7.11.2007 kl. 14:18]

Ansi er ég hræddur um að sumir ættingjar kvótakerfisins verði einmanna og vinalausir þegar þeir standa hoknir og umkomulausir yfir moldum kerfisins sem í rúm tuttugu ár hefur verið þeim eins og besta foreldri. 

[halkatla, 9.11.2007 kl. 12:06]

mikið er þetta guðdómleg bloggfærsla

[Hafsteinn Viðar Ásgeirsson, 9.11.2007 kl. 12:21]

Að mér læðist sá grunur núna Anna, að hér séu að falla eitthvað af krókódílatárum, en hann biður fallega hann Nilli, vel uppalinn strákur.... og sérlega aumingjagóður víst....