Áskorun til sjómanna á Breiðafirði !

Vegna fréttar af veiðum Sighvats Bjarnasonar VE-81, norður af Öndverðanesi.

Í ljósi mjög alvarlegs ástands í lífríki hafsins við Ísland vegna gengdarlausra loðnu og kolmunnaveiða í hringnót og flottrol, þá er mjög þýðingarmikið að sjómenn við Breiðafjörð láti loðnuskipin ekki vita ef þeir verða varir við loðnutorfur.

Einnig er mjög æskilegt að sjómenn reyni að hindra veiðar loðnuskipanna ef færi gefst á með öllum tiltækum ráðum. 

Loðna veiddist á Breiðafirði

Athugasemdir

[Fannar frá Rifi, 17.3.2008 kl. 22:51]

ætli það verði ekki gefinn út auka 50.000 tonna kvóti?

[Níels A. Ársælsson., 17.3.2008 kl. 23:09]

Jú Fannar það er örugt bara ef þeir værla aðeins þá lætur ráðherrann undan með það sama.

[Níels A. Ársælsson., 17.3.2008 kl. 23:38]

Takk Guðlaugur.

Ég er auðvitað sammála þér.

[Þórir Kjartansson, 18.3.2008 kl. 00:07]

Takk fyrir þetta þarfa innlegg Níels.  Hvenær skyldu menn fara að skilja samhengið í þessum hlutum?

[Níels A. Ársælsson., 18.3.2008 kl. 00:23]

Þeir skilja þetta allt en hagsmunir örfárra útgerðamanna innan LÍÚ ráða þessu algjörlega.

LÍÚ beitir land og þjóð ofbeldi í krafti meirihluta atkvæðamagns sem er innan samtakanna og ræðsta af tonnafjölda þeirra skipa sem aðildarfélögin eiga.

[Valmundur Valmundsson, 18.3.2008 kl. 11:26]

Eru menn ekki í neinu sambandi við raunveruleikann?

Loðnustofninn er í fínu lagi og að mínu mati er miklu meira af loðnu en undanfarin á. Loðna er að hrygna fyrir öllu suðurlandinu, inná Faxaflóa og á Breiðafirði.  Miklu meiri loðna er á grunnslóð fyrir suðurlandi en oft áður og er að hrygna út á 70 faðma dýpi og loðna var að koma uppúr Reynisdýpinu fyrir viku síðan. Það er algengur misskilningur hjá mönnum að nú sé verið að drepa síðustu loðnuna, það er nóg af henni og taugaveiklun fiskifræðinganna ríður ekki við einteyming. Og ekki gleyma því að hagsmunir LÍÚ og sjómanna fara nokkuð saman þegar kemur að veiðum og vinnslu, ef vel gengur að fiska þá fá allir eitthvað fyrir sinn snúð er það ekki?

Svo er það þorskurinn. Alltaf eykst þorskgengdin þó alltaf megi veiða minna og minna. Einn netabátur hér í Eyjum hefur lagt á sama stað ár eftir ár á vertíðinni, á Sandahrauninu og þar í kring og er alltaf að fækka netunum. Eru með tvær trossur þar núna og eru að fá uppí 2 tonn í net af 10+ þorski, og alltaf eykst aflinn ár eftir ár, einnig er allt vaðandi af þorski á Selvogsbankahrauninu hjá línubátunum og við trollararnir erum að fá vænan þorsk með ýsunni utar á bankanum. Svo allt kantfiskiríið þegar líður á vertíðina. Það var þorskur í kantinum fram í miðjan júlí í fyrra og enginn veit hve mikið magn var þar á ferðinni vegna þess að enginn gat beitt sé að alvöru vegna kvótaleysis.

Burt með alla þessa taugaveiklun og veiða meira, það er nóg af fiski í hafinu nokkar bara ef menn vilja sjá hann.

Kveðja Valmundur 

[Valmundur Valmundsson, 18.3.2008 kl. 11:31]

Sæll Níels

á ekki að birta sem flest sjónarmið?

Kv. Valmundur 

[Níels A. Ársælsson., 18.3.2008 kl. 12:27]

Jú endilega.

Lát heyra !

[Níels A. Ársælsson., 18.3.2008 kl. 12:31]

Góður pistill hjá þér Valmundur og að mestu leiti rétt athugað að mínum dómi.

En það skortir á ýmislegt hjá þér til að setja hlutina í rétt samhengi.

Af hverju heldur þú að aðrar þjóðir hafi sett algert stopp á veiðar á loðnu ?

[Valmundur Valmundsson, 18.3.2008 kl. 12:50]

Líklega er loðnustopp annara þjóða vegna þess að enga loðnu er að finna, en það er annað en hér hjá okkur og við verðum að taka mark á því og líta á heildarhagsmunina ekki bara með þröngsýnu auga vísindamannanna svokallaðra heldur með reynslu og upplifun okkar sjómanna á ástandinu. T.d. hvernig er hægt að setja hrygningarstopp með margra mánaða fyrirvara þegar ekkert er vitað um hvenær þorskinum hentar að hrygna. Núna er þorskurinn hérna við suðurlandið tveim vikum seinni í hrognafyllingu miðað við síðasta ár. Skildu fræðingarnir vita af þessu?

Einn efins

Kv. Valmundur 

[Níels A. Ársælsson., 18.3.2008 kl. 12:58]

Ég efast um að fiskifræðingarnir viti af þessu.

En ekki gleyma því að það eru nánast engir að veiða þorsk og því ástandið eðlilegt eins og þú lýsir því á miðunum.

Það eru bara örfá ár síðan að lá við að hægt væri að ganga þurrum fótum á netabaujum frá Vestmannaeyjum og norður á miðjan Breiðafjörð.

Loðnuveiðar annara þjóða en íslendinga eru aflagðar vegna þess að þjóðir heims eru meðvitaðar um mikilvægi loðnunar fyrir lífríki hafsins, ekki bara þorsksins.

Tökum dæmi af hörpudiskstofnuinum og rækjustofnunum við ísland. Nánast allt í rúst vegna skorts á loðnu. Að ekki sé nú minnst á sjófuglinn.

Þér er vel kunnugt um þetta Valmundur.

[Valmundur Valmundsson, 18.3.2008 kl. 23:27]

Sæll níels

Af hverju eru hvalveiðar aflagðar?

Og hvað eru örfá ár, 5 eða 20 og ef búið er að friða þorskinn öll þessi ár ætti þá ekki að vera meira af honum? Það er hægt að svara öllum fullyrðingum fræðinganna með annari fullyrðingu og öllum spurningum þeirra með  annari spurningu

Auðvitað eru engir að veiða þorsk vegna skerðingar kvótans en hver veit hve mikið er af honum ef ekki er gáð af því, bara farið eftir stofnmælingu sem tekur mið af 25 ára gömlu kerfi sem ekki má breyta þó allar aðstæður í hafinu hafi breyst, samsetning flotans eftir veiðarfærum og þróun veiðarfæranna. Þó skilst mér að nefnd sé í gangi og eigi hún að móta nýjar tillögur að stofnstærðarmati á næstu árum og vonandi skilar það árangri sem fyrst en ekki með hraða snigilsins eins og hin steinrunna stofnun hafró virðist stundum vera á, þar sem fræðingarnir virðast ekki vera með á nótunum heldur sitja á kontórnum og reikna sig í drep og fullyrða að við þ.e. sjómenn séum að drepa síðustu kvikindin í sjónum.

Ekki gleyma náttúrusveiflunum drengir þær segja okkur miklu meira en meint ofveiði okkar.

Drapst ekki allur eldisþorskurinn í Grundarfirði af því að blessaðri síldinni datt í hug að hafa þar vetursetu?

Bless í bili.

Valmundur 

[Níels A. Ársælsson., 19.3.2008 kl. 00:06]

Sæll Valmundur.

Ég er einn af þeim sem vill halda því fram að óhætt sé að veiða í jafnstöðuafla í þorski í það minsta 300 þúsund tonn á ári svo framalega sem nóg æt sé til staðar fyrir lífríkið.

Á meðan við veiðum ekki hval en veiðum loðnu og kolmunna þá er þetta tómt mál að tala um.

Varðandi stofnstærðarmat á þorski með aðferðum Hafró, svo kölluðu togararalli þá er engin von til þess að neitt vit komi út úr þeim mælingum.

Bara sú eina staðreind að öllum náttúrulegu sveiflum sleptum að hvert tog (togararall) standi í 30 mínótur þá segir það meira en allar skýrslur og mælingar.

Hungraður þorskur sem er (á undan trollum togara í ralli) er vart orðin þreyttur að synda þegar hýft er og því leiðir af sjálfum sér að bara einungis lítill hluti þorsksins fer aftur í belg og poka. Stærsti hlutinn sleppur.

Að auki grunar mig fastlega að lítil úthlutun í þorski sé hagstjórnartæki stjórnvalda til að útrýma flestum útgerðum í landinu og hraða því ferli að kvótinn færist á örfáar hendur.

Þetta kallast hagræðing og er í ætt við Hannes Hólmstein og slíka apaketti.

[Níels A. Ársælsson., 19.3.2008 kl. 00:09]

Varðandi eldisþorskinn í Grundarfirði þá er sannað að hann drapst vegna súrefnisskorts sem stafaði af gríðarlegri uppsöfnun á síld á grunnu vatni sem lagðist til vetrarsetu.

[Valmundur Valmundsson, 19.3.2008 kl. 08:44]

Nú erum við farnir að nálgast hvor annan, en með ætið þá er allavega nóg æti fyrir suðurlandinu, spærlingur mjóaseiði og allt mögulegt og ef sá guli er svangur þá etur hann allt og ef hann er farinn að eta undan sér þá er það ótvírætt merki um að stofninn er of stór ekki að ætið sé of lítið held ég.

Valmundur 

[Níels A. Ársælsson., 19.3.2008 kl. 09:33]

Já Valmundur, nóg æti núna en það hefur skort mikið á það síðan 1995.

[Valmundur Valmundsson, 19.3.2008 kl. 18:17]

Sælir Níels

Ég sé að sumir eru alfarið á móti togveiðum af þeim sem ,, commentera'' á síðuna hjá þér.

Reynsla mín af togveiðum við suðurland undanfarin 20 ár er sú að alltaf eða nánast alltaf kemur fiskur á sömu slóð þó skarkað hafi verið með troll þar í 100 ár. T.d. á Selvogsbankanum þá kemur ýsan alltaf á sama stað svo varla skeikar um mílu á vertíðinni. Ekki alltaf á sama tíma en hálfur mánuður til eða frá skiptir engu máli. Svo skarka allir vondu kallarnir með trollin ár eftir ár og ekkert breytist, alltaf sama stjörnumokið. Ég held nefnilega að fiskurinn sé ekki alvitlaus eins og margir halda.

þ.e. ef botnlagið hefur breyst þá aðlagar fiskurinn sig að því en botnlagið getur lítið breytst á sandbotni og á grjóthörðum blettum inn á milli.

Við verðum að standa saman gegn þeim öflum sem vilja banna togveiðar á Íslandsmiðum bara af þessu liði finnst það töff. Ég legg sama skilning í þetta eins og þegar kaninn fór að ættleiða hvali í stórum stíl. Þessir svokölluðu umhverfisverndarsinnar verða einhvernveginn að hala inn aura til að halda vitleisunni áfram og skara eld að eigin köku enda hafa þeir það dágott með því að villa um fyrir sauðsvörtum almúganum sem ekki veit betur.

Jæja gleðilega páska

Kv. Valmundur 

[Níels A. Ársælsson., 19.3.2008 kl. 20:00]

Sæll Valmundur.

Ég er sammála öllu sem þú segir í síðustu færslunni varðandi togveiðarnar enda þekki ég þetta af eigin reynslu.

Það þarf að bregðast mun harðar við öfgahópum innan raða umhverfissinna og kveða þá í kútinn með sterkum og málefnalegum og sönnum rökfærslum.

Já kallinn, gleðilega páska til handa þér og þínu fólki.