Álagablettur á Svalþúfu

Á Svalþúfu við Lóndranga er álagablettur. Utan í þúfunni er grasbrekka og hana má ekki slá. Seinast þegar brekkan var slegin, var það gert í óleyfi Malarrifsbónda, sem á ,,þúfuna".

Afleiðing þessa varð sú, að margir sauðir lokuðust óvart inni í sauðahúsi á Malarrifi og urðu þar hungurmorða. Enginn veit af hverju álögin stafa.

Þó má vera að brekkan sé helgistaður álfa, því að eitt sinn er Margrét frá Öxnafelli, skyggn kona, fór þar hjá, sá hún hóp huldufólks í brekkunni og presta í skrúða vera að framkvæma einhverjar helgiathafnir.

Athugasemdir

[Fannar frá Rifi, 31.3.2008 kl. 17:10]

Ekki má gleyma sefgrasinu í tjörninni við þjóðveginn fyrir neðan Bárðarlaug.

það er kyngimagnað að vera undir Jökli 

[Níels A. Ársælsson., 31.3.2008 kl. 17:18]

Einmitt Fannar.

Ég er búinn að lemjast mikið á þúfunni og ég held sá staður hafi skotið mér hvað mestum skelk í bringu þegar við fengum stórt þorskhal í sw-8 til 9 í velti brimi með austurfallinu.

Held ég hafi aldrei í annan tíma farið eins oft með faðirvorið.