Ár makrílsins á Vestfjörðum

Ársæll faðir minn Egilsson (fæddur 1931) skipstjóri og vinur hans Kristinn Adólf Gústafsson (fæddur 1939) silgdu saman á Innari-Lambeyrarbátnum (opin plastskekta með 10 ha, utanborðsmótor) að kvöldi dags 16. Júlí (2008) og héldu til veiða með sjóstöng.

 

Fram af bænum Hvammeyri sem er sveitabær handan við þorpið í Tálknafirði hlupu á tveir makrílar í einu kastinu hjá Kristni. Ársæll sem er gamalreyndur sjóari sem búið hefur alla sína tíð í Tálknafirði og við Arnarfjörð, varð að vonum undrandi enda ekki veitt makríl síðan sumarið 1974 í Norðursjónum, en þá fékk hann 85 tonna kast af makríl suður af Hjaltlandseyjum. 

Fréttir hafa borist af makríl sem hljóp á færin hjá þjóðverjum fram af Álftamýri í Arnarfirði í síðustu viku og eins herma fréttir að Vilma Djúrhuus sem rær með manni sínum Hans Pauli Djurhuus frá Tálknafirði á opini trillu hafi dregið makríl í Tálknafirði fyrir fáum dögum.

 

 

Stórlaxasumar í Hofsá

Athugasemdir

[Hallgrímur Guðmundsson, 17.7.2008 kl. 12:55]

Það getur ekki verið langt í kvótasetningu á þessum fiski. Líú hyskið hlýtur að eigna sér þessa tegund líka.

[Níels A. Ársælsson., 17.7.2008 kl. 13:09]

Halli.

Þeir eiga nú þegar allan kvótann (15 þúsund tonn) í lögsögu Færeyja og ef að líkum lætur hefur Másinn veðsett Glitni og Kaupþing allt klabbið fyrir miljarða í útrásina yndislegu !

[Jakob Falur Kristinsson, 17.7.2008 kl. 17:14]

Sammála ykkur báðum.