Íslenzku túlípanarnir í LÍÚ

Hvað var túlípanaæði 17. aldarinnar ? Það greip um sig æði í Evrópu, þegar hinn frjálsi markaður verðlagði knippi af túlípanalaukum til jafns við einbýlishús.

Samráðs forstjórar LÍÚ og snillingarnir í Glitni, Kaupþingi og Landsbankanum (sálugu) verðlögðu 10 tonn af kvóta (óveiddum þorski) til jafns við myndarlegt einbýlishús á höfuðborgarsvæðinu eða sem nemur 10 húsum af sömu gerð í sjávarþorpi á Vestfjörðum og Bakkafirði.

Var einhver glóra í þessu ?

IMF: Íslendingar verða að breyta um stefnu

Athugasemdir

[corvus corax, 13.11.2008 kl. 22:53]

Nú er komið að ögurstundu hjá okkur vegna aflaheimildanna sem sægreifarnir eigna sér og verða eign útlendinga þegar sjávarútvegsfyrirtækin fara á hausinn hvert á eftir öðru næstu mánuði. Næsta skref í stjórnaraðgerðum er auðvitað að innkalla kvótann eða þjóðnýta hann eða hvað menn vilja kalla það og úthluta síðan veiðileyfum til útvegsmanna sem yrðu óleigjanleg, óseljanleg, óframseljanleg, óveðhæf og einungis nothæf til að veiða fiskinn. Ef menn veiða svo ekki það sem þeir hafa leyfi til tekur veiðileyfastofa ónotuð leyfi til baka og úthlutar aftur til annarra sem vilja veiða. Einnig þarf að átthagabinda aflaheimildir við ákveðna landshluta þannig að ekki sé hægt að safna öllum veiðileyfum á eina eða fáar útgerðarstöðvar. Fiskveiðikvótinn er eign þjóðarinnar en ekki einstakra sægreifa.