Kvótakerfið er ekki réttindi íslenzku þjóðarinnar heldur forréttindi fárra

Réttur þjóða til að njóta auðlinda sinna nýtur ríkrar verndar í þjóðarétti.

Allsherjarþing Sameinuðu Þjóðanna fjallaði um sjálfræði þjóða yfir náttúruauðlindum sínum í yfirlýsingu nr. 1803 frá 1962. Þar segir meðal annars að nýting náttúruauðlinda eigi að þjóna hagsmunum og auka velmegun fólksins í viðkomandi ríki.

Þessi regla hefur verið staðfest í tveimur helstu mannréttindasamningum Sameinuðu Þjóðanna, báðum fullgildum af íslenzka ríkinu. Í 1.gr. þeirra beggja segir m.a. að ráðstöfun náttúruauðlinda skuli byggja á sameiginlegum hagsmunum íbúa hverrar þjóðar og aldrei megi svipta þjóð lífsviðurværi sínu.

Með hugtakinu ‘þjóð' (peoples) er ekki átt við ríkið sjálft heldur er átt við fólkið í landinu, í þessu tilviki íslenzku þjóðina. Réttindin til að njóta náttúruauðlinda voru Íslendingum hér áður fyrr svo sjálfsagður hlutur að líklega hefur fáum dottið í hug að vísa til hans sem sérstaks réttar.

Ekki er lengur um réttindi íslenzku þjóðarinnar að ræða heldur forréttindi fárra. Því spyrja menn sig e.t.v. hvort og þá hvernig núverandi fyrirkomulag og skipting náttúruauðlinda Íslands samrýmist hagsmunum fólksins í sjávarbyggðum landsins sem margar hverjar hafa sannarlega verið sviptar lífsviðurværi sínu.

Utanaðkomandi mál tefja

Athugasemdir

[Sigur!, 14.11.2008 kl. 09:43]

Það er ekkert sem bannað þér að fara að veiða þér í soðið vinurinn. Vildir þú kannski frekar 88% ofveiði líkt og ríkt hefur innan Evrópusambandsins síðustu ár þar sem allir helstu nitjastofnar eru að niðurlotum komnir? Þar er nú bara hægara sagt en gert að veiða sér í soðið! Þetta er endurnýtanleg auðlind sem ber að viðhalda.

[Sigurjón Þórðarson, 14.11.2008 kl. 09:52]

Sammála þér Nilli.

[Sigurður Þórðarson, 15.11.2008 kl. 12:34]

Nilli hittir naglann þráðbeint á höfuðið.

Maður hefur ekkert heyrt frá Mannréttindanefnd Sameinuðu þjóðanna, létu þeir svar ríkisstjórnarinnar gott heita?

[Níels A. Ársælsson., 15.11.2008 kl. 19:43]

Takk Siggi.

Ég reikna með að eitt af þeim málum sem tafið hafa afgreiðslu IMF á láni til Íslands sé álit Mannréttindanefndar Sameinuðu þjóðanna, en ég veit ekki betur en ríkistjórnin hafi ætlað að hundsa álitið fullkomlega.

Mér er sagt að IMF geri ætíð kröfu til þeirra ríkja sem fá aðstof sjóðsins að þau uppfylli og verði við mannréttindadómum sem á þau hafa fallið frá alþjóðlegum dómstólum.