Mikil náð er að eiga Ólaf

Góður maður Ólafur Ragnar Grímsson.

Nú hefur hæstvirtur og góðhjartaður forseti vor eðlilega sent indversku þjóðinni samúðarkveðjur vegna þeirra hroðalegu illvirkja sem hryðjuverkamenn hafa unnið í landi þeirra.

Ég bíð eftir því að forseti "allra íslendinga" sendi íbúum sjávarþorpa Íslands samúðarkveðjur og biðjist afsökunar fyrir hönd íslenzka lýðveldisins á  þeim hryðjuverkum og ómældu þjáningum sem íslenzkir glæpamenn hafa unnið í sjávarþorpunum í skjóli kvótakerfisins sl, 25 ár.

Forsetinn sendir Indverjum samúðarkveðjur

Athugasemdir

[Árni Gunnarsson, 27.11.2008 kl. 22:57]

Gott hjá þér! Annars er það afar mikilvægt þegar forseti nýtir viðkvæmt málfrelsi sitt innan lands um pólitísk mál að hann sé glöggur á tímasetningar. Þessu má líkja við að skjóta rjúpu á flugi eða skjóta hnísu í "áhlaðanda" á litlum trillubáti.

Hann gæti t,d. komið þeirri skoðun að (ef hann hefur skoðun á þessu máli) þegar hann ræðir mannréttindamál í umræðu íslensku þjóðarinnar á breiðum grunni erlendis.

Hann hefði t,d, í hástemmdum ræðum í akademiskum heiðursboðum erlendis getað tengt hina metnaðarfullu útrás íslenskra fjármálasnillinga við þá augljósu staðreynd að hún var í upphafi fjámögnuð með gjafakvótanum og þrælsgjöldum leiguliða.

Og að skuggahliðar þessarar útrásar mætti sjá í íslenskum sjávarplássum þar sem slitur af gluggatjöldum blöktu í vindi út um brotnar rúður yfirgefinna húsa. Og þau einu hamarshögg sem þar heyrðust kæmu frá mönnum sem negldu hlera fyrir glugga á íbúðum sem enginn vildi kaupa.

[Hallgrímur Guðmundsson, 27.11.2008 kl. 23:27]

Hún hlýtur að koma eftir helgi. Á ekki allt að koma eftir helgi, það segja Geir og Solla?

[Sigurbrandur Jakobsson, 28.11.2008 kl. 20:56]

Hérna Nilli hann kom nú á bryggjuna á Suðureyri hérna um árið, en man kannski ekki eftir því.

[Áslaug Sigurjónsdóttir, 28.11.2008 kl. 23:02]

það má með sanni segjast