Ábending til sjómanna

Sjómenn vita sem er að Sjómannafélag Íslands hefur ekkert gert fyrir þá síðastliðin mörg ár annað en að horfa aðgerðarlausir á LÍÚ og fyrrum ríkisstjórn Sjálfstæðis og Framsóknarflokks vaða yfir mannréttindi sjómanna.

Það er mjög gott mál ef sjómenn sigla í land til að mótmæla á réttum forsendum.

Sjómenn ættu að mótmæla áralöngum mannréttindabrotum í kvótakerfinu, Verðlagsstofu skiptaverðs sem gefur útgerðum 50-70% afslátt af fiskverði og krefjast þess að allur fiskur fari á markað.

Það yrðu raunverulegar kjarabætur sem mundu skila sjómönnum líkast til 120% launahækkun.

Hvetja sjómenn til að sigla í land

Athugasemdir

[Axel Jóhann Hallgrímsson, 27.11.2009 kl. 15:33]

Það er alger forsenda þess, ef afnema á sjómannaafsláttinn með lögum, að sömu lög tryggi að útvegsmenn greiði ígildi hans í hærri launum.

Það er ekki hægt að ætla sjómönnum sjálfum að sækja það  til LÍÚ eins glæsilega og það hefur gengið undanliðin ár með stöðugar lagasetningarhótanir yfir höfðum í hverju verkfalli.

[Hallgrímur Guðmundsson, 27.11.2009 kl. 19:45]

Af með kostnaðarhlutdeildina, það þekkist ekki hjá neinni starfstétt á íslandi öðrum en sjómönnum að hún sé látin borga rekstrarkostnað fyrirtækisins sem unnið er hjá.

Til frekari útskýringa á kostnaðarhlutdeild.

Dregin eru 30% af brúttó aflaverðmæti áður en farið er að hugsa um hlut sjómanna.

Kostnaðarhlutdeild sveiflast upp og niður í prósentum talið eftir heimsmarkaðsverði á olíu.

Í dag þyrfti olíuverð að lækka um meira en helming áður en prósentutalan fer að lækka.

Er vinnandi fólk tilbúið að gefa eftir 30% af launum sínum fyrir rafmagni, heitu og köldu vatni sem og olíu og bensínkostnaði vinnuveitenda sinna, ég bara spyr?

Þessi óskapnaður var settur á til bráðabyrgða eins og svo margt annað í þessu guðsvolaða þrælaríki.