Rockefeller heilkennin

Skömmu fyrir aldamót 1900 var John D. Rockefeller sennilega hataðasti maður Ameríku. Slóð hans var þakin gjaldþrota keppinautum og í röðum verkamanna var hann hataður fyrir vægast sagt óprúttna framkomu í nokkrum verkföllum.

Til að hressa upp á mannorðið réði hann til sín fremsta auglýsingasérfræðing samtímans, Ivy Lee. Hann ráðlagði gamla ógnvaldinum að gefa árlega lítið brot auðæfa sinna til háskóla, sjúkrahúsa og annarra líknarmála, en gera það á eins áberandi hátt og mögulegt var.

Til að tryggja vinsamleg blaðaskrif ráðlagði hann Rockefeller að ganga með gljáandi smápeninga upp á vasann í hvert sinn er hann kæmi fram opinberlega og gefa smákrökkum sem væru viðstaddir. Með þessum aðferðum tókst John D. að hreinsa mannorð sitt í augum almennings og fékk smám saman orð á sig fyrir að vera göfugt og barngott gamalmenni.

Gjafastarfsemin tók brátt á sig vísindalegri svip og árið 1913, við tilkomu tekjuskattsins, breyttust góðgerðastofnanir í hrein gróðafyrirtæki. Þingmaðurinn Wright Patman gerði töluvert viðamikla rannsókn á viðskiptaháttum góðgerðastofnana snemma á síðasta áratug.

[Wright Patman, TAX-EXEMPT FOUNDATIONS: THEIR IMPACT ON SMALL BUSINESS, 1964] Gott dæmi um hvernig hægt er að spila á þetta kerfi kemur fram í skýrslu um stofnanir David G. Baird, eiganda Baird and Company. Árið 1937 stofnaði hann þrjár "góðgerða"stofnanir og tíu árum seinna voru samanlagðar tekjur þeirra 7.250.000 dollarar.

Öll þessi ár voru þær önnum kafnar við að gefa hverri annarri gjafir og aðeins 160.000 dollarar sluppu út fyrir hringinn í formi raunverulegra gjafa. Á þennan máta sparaði Baird sér milljónir í skatta. Sami leikurinn er leikinn í sambandi við erfðaskatta; ættarauðurinn er látinn ganga á milli kynslóða í gegnum góðgerðastofnanir—skattfrjálst.

Samherji styrkir samfélagsverkefni

Skrár tengdar þessari bloggfærslu:

• personuleikatruflanir.rtf

Athugasemdir

[Þráinn Jökull Elísson, 11.12.2009 kl. 22:21]

Og hvað með litlu bæjarfélögin sem standa  eftir allt að því  gjaldþrota eftir að Samherji var búinn að kaupa undan þeim kvótann? Þrátt fyrir fögur loforð?

[Níels A. Ársælsson., 11.12.2009 kl. 23:27]

Þráinn.

Stela áttu við ?

Þeir keyptu aldrei neitt, þeir stálu kvótunum með peningum sem þeir fengu með því að þrælka sjómenn í kvótaleigu og illa fengnum peningum úr lánastofnunum sem þeir höfðu undir hælnum með múturgreiðslum og hótunum.

[Þráinn Jökull Elísson, 12.12.2009 kl. 00:50]

Jamm. Stela er rétta orðið.

[Bjarni Kjartansson, 15.12.2009 kl. 21:31]

Um leið og fréttir komu af trillukörlum, sem fóru fram á að fá að fiska framhjá kvóta fyrir mæðrastyrksnefnd, þá fór skriðan af stað. Allar stórútgerðir allt í einu farnar að gefa fátækum fisk, peninga eða humar, og auðvitað allt í fréttunum og myndavélarnar á fullu takandi myndir af gefandi sægreifum og sérstaklega tekið fram að það væri nú kvótakerfinu að þakka að þeir væri aflögufærir. Eg ef grun um að það hafi verið haldin stór símafundur.