HB-Granda úr vör

Braska í mörgu kvóta blækur

brögðum hlaða knör

frá þeim rennur lyga lækur

HB-Granda úr vör.

Sakar HB Granda um fantaskap

O, jæja, hróin mín og hróin mín

Jörundur í Hrísey átti skip það er hét Hermóður. Lét Jörundur smíða þennan opna dall og hélt honum út í margar vertíðar til hákarlaveiða frá Grenivík, en Jörundur átti þá heimilisfang í Höfðahverfi.

Jörundur aflaði manna mest og hirti mikinn hákarl, enda dró hann til sín í skiprúm valda hákarlamenn, á meðan hann var formaður. Árið 1874 lét Jörundur breyta Hermóði sínum, lét hann þá smíða hann upp og gera hann að þilskipi.

Bar þá við að á útmánuðum, að mörg hákarlaskip silgdu út af Eyjafirði, og tóku þau stefnuna vestur og fram á Skagagrunn. Getur nú ekki um ferð þessara skipa að öðru leyti en því, að þau lögðust öll við hákarl hingað og þangað á grunninu.

Bar nú ekkert til tíðinda fyrr en allt í einu, að veður tók að breytast og gengur hann að með öskrandi stórhríð og mikið veður. Sáu þá hákarlamenn sér ekki annað fært en losa um stjóra og leita til lands í hríðinni. Lögðu menn skipin "við í garðinn", - upp á Siglufjörð og inn á Eyjafjörð - allir nema Jörundur.

" O, jæja, hróin mín og hróin mín", sagði hann þegar búið var að vinda inn stjórafærið og útbúa Hermóð til ferðar í hríðinni. O, já hróin mín - o - það er bezt að við snúum rassinum í veðrið. Með þessu átti hann við að hann slægi skipi sínu undan veðrinu, og hélt hann alla leið vestur fyrir Hornstrandir, og svo inn á Ísafjörð. Urðu allir hásetar Jörundar forviða yfir þessu uppátæki svo snemma vetrar.

Liggur Jörundur nú inni á Ísafirði í marga daga og skipar þar í land þeirri lifur, sem hann var búinn að fá. Fréttir hann ekkert til hinna hákarlaskipanna í langan tíma; og rekur nú hafís upp að Horni og fyllir allan Húnaflóa og Skagafjörð. Segir ekkert af hákarlaskipunum annað en það, að þau náðu öll landi í garðinum. Urðu þau innlukt af ís og komst ekkert þeirra út af Eyjafirði, fyrr en komið var fram á sumar.

Engin spurði neitt til Jörundar við Eyjafjörð í langan tíma, og töldu allir hann af, - En það er af Jörundi að segja, að hann hélt skipi sínu út í hákarl eftir sem áður þar frá Ísafirði - einhverstaðar langt norður í hafi, líklega á Halamiðum.  Jörundur hafði þá á skipi sínu marga þrekmikla hákarlamenn, og segir sagan að þeim hafi þótt frekar gott í staupinu, enda sparaði Jörundur ekki brennivínið við karla sína.

Er það haft eftir Jörundi, að hann hafi tekið út sex tunnur af brennivíni, þennan tíma, sem hann hélt sig að Ísafirði, og hafi það allt gengið upp þar vestur frá. Gizka margir á að gestkvæmt muni hafa verið hjá Jörundi, þegar hann var að koma með afla inn á Ísafjörð. En þetta er líka sú mesta brennivínseyðsla, sem sögur fara af í hákarlalegum.

Þennan tíma, sem Jörundur var á Ísafirði um vorið, aflaði jann 370 tunnur af lyfur. Lýsið var þá í háu verði, eitthvað nálægt 60 kr, tunnan, og geta menn af því ráðið, hversu mikils virði hákarlaaflinn gat verið í þá daga. Og ekki hefur Jörundi fundizt mikið til um þessa brennivínslögg, sem fór ofan í karlana, þar sem hann gekk sjálfur frá með meira en helming af aflanum, og svo var nú brennivínið ódýrt í þá daga.

Heimild; Hákarlalegur og hákarlamenn.

Í húsi Hákarla-Jörundar

Toronto, A Funky Town

Fagnað með vatnsbogum í Toronto

Flugvél bandaríska hersins ferst á Reykjanesi

3. mai 1943, fórst Boing 24, flugvél bandaríska flughersins á Fagradalsfjalli á Reykjanesi og með henni allir sem voru um borð, fjórtán manns. Meðal þeirra sem fórust var yfirmaður alls herafla Bandaríkjanna í Evrópu, Frank M. Andrews.

Eftir dauða Franks M. Andrews tók við stöðu hans maður að nafni Dwight D. Eisenhower sem síðar varð forseti Bandaríkjanna.

GLOBAL FAMINE

Segir matvælakreppuna mannréttindakreppu

Jarí jarí

...........og kapparnir ný búnir að ákveða 30% arðgreiðslu til hluthafa fyrir árið 2007.

Er bezta kvótakerfi í heimi að éta börnin sín fyrir risa lántökur stjórnenda félagsins ?

Mikið tap á rekstri Vinnslustöðvarinnar

Valkyrie Trailer

Sá síðasti úr hópnum er reyndi að myrða Hitler

Sjávarútvegsráðherra endanlega búinn að tapa glórunni ?

Sjá þessar tilvitnanir í viðtal við Einar K. Guðfinnsson sjávarútvegsráðherra á skip.is, í dag 02.05.2008.

“Ég get ekki séð að álit mannréttindanefndar SÞ kalli á róttækar lagabreytingar. Ég útiloka þó ekki að einhverjar breytingar kunni að vera nauðsynlegar vegna þess,“ segir Einar K. Guðfinnsson sjávarútvegsráðherra í ítarlegu opnuviðtali í Fiskifréttum í dag.

Í sjávarútvegsráðuneytinu er nú unnið að svari Íslands við áliti mannréttindanefndar Sameinuðu þjóðanna um að kvótakerfið samræmist ekki mannréttindasáttmála SÞ. Einar segir að við verðum að hafa það í huga að hér séu gríðarlegir efnahaglegir hagsmunir í húfi.

“Sjávarútvegur er veigamesta atvinnugrein okkar og til að þar náist árangur þarf greinin að búa við eins mikinn stöðugleika og kostur er. Ég legg áherslu á að allar breytingar á fiskveiðistjórnunarkerfinu eiga að vera þróun en ekki kollsteypur.“

Einar segist reyndar hafa miklar efnislegar athugasemdir við niðurstöður nefndarinnar og hann telur að þar hafi verið skautað yfir flókið mál. “Einhverra hluta vegna áttaði meirihluti nefndarinnar sig ekki á því að miklar aflamarkstilfærslur hafa orðið frá því að aflamarkskerfið var leitt í lög 1983,“ segir Einar.

Fimmtíu og þrír sjómenn fórust með fimm þilskipum

Hinn 1. mai 1897 brast á ofsabylur með hörkufrosti, norðanstórviðri og fannkomu. Einkum var veðrið óskaplegt úti fyrir Vestfjörðum, en á þeim slóðum var nær allur vestfizki og norðlenzki flotinn.

Telja margir gamlir menn vestra, að 1. maí-garðurinn sé hið versta áhlaup, sem þeir hafa nokkru sinni lent í. Það voru heldur engin smáræðis skörð, sem höggvin voru í skipastólinn í veðri þessu. Fimm þilskip fórust með allri áhöfn, og verður þeirra nú getið.

Draupnir 20 tonna hákarlaskip frá Akureyri, eign Gránufélagið. Með Draupni fórust átta menn, þar á meðal skipstjórinn, ungur maður og bráðefnilegur, Jón Jónsson frá Pétursborg í Kræklingahlíð, ásamt þremur yngri bræðrum sínum. Móðir bræðranna fjögra var fátæk ekkja sem fáum árum fyrr hafði misst mann sinn í sjóinn, tvo bræður og tvo móðurbræður. Aleiga hennar voru synirnir fjórir, sem á Draupni silgdu.

Stormur 22 tonna hákarlaskip frá Eyjafirði, eign nokkura einstaklinga. Með stormi fórust tólf menn.

Gestur 20 tonna hákarlaskip frá Eyjafirði, eign Jóns Antonssonar bónda í Arnarnesi. Með Gesti fórust tíu menn.

Vigga frá Patreksfirði, eign Markúsar Snæbjörnssonar kaupmanns. Vigga var fremur lítil skúta, einsilgd, nokkuð gömul og ekki sterkbyggð. Vigga var gerð út handfæraveiðar þegar hún fórst og með henni tólf menn.

Þráinn lítil skúta frá Ísafirði, eign manna frá Skutulfirði. Þráinn var gerður út á handfæraveiðar þegar hann fórst að talið er undan Látrabjargi og með honum ellefu menn. Skipstjóri á Þránni var Bjarni Bjarnason frá Laugabóli í Arnarfirði.

(Bjarni skipstjóri var langa lang afi minn).