Ort til Birgittu

Lund þín er hrein sem vorbláminn yfir fjallsins tind

fas þitt létt sem frjókorn í hægri sumargolu

augu þín tindrandi sem ljósbrot á heiðarlind

ásýnd þín er sem fegursta helgi mynd.

Höfundur ljóðs:  naá.

Athugasemdir

[Ragga (IP-tala skráð) 29.6.2007 kl. 17:32]

Fallegt!

[Aðalheiður Ámundadóttir, 29.6.2007 kl. 22:13]

Já hún er heppin að til hennar sé svona fagurlega ort, og sýnist mér einnig heppinn, sá sem á hana

[Jóna Á. Gísladóttir, 30.6.2007 kl. 03:38]

Fallegt er það. Ég vissi ekki að þú værir hagmæltur.

[Níels A. Ársælsson., 30.6.2007 kl. 11:16]

Takk Jóna. Sjóhundum og uppreisnaseggjum er ýmislegt til lista lagt.

[Ragnheiður Ólafsdóttir, 30.6.2007 kl. 11:38]

Jæja já þú getur líka ort fallegar vísur ekki vissi ég það og er þó búin að þekkja þig frá því að þú varst smá strákur.  Haltu bara áfram á þeirri braut þú getur líka náð langt þar ef þú villt. Kannski eru það næturmyndirnar frá Tálknafirði sem gefa þér hugmyndasköpunina?

[Níels A. Ársælsson., 30.6.2007 kl. 11:59]

Takk Heiða mín, þú ert alltaf jafn elskuleg. Já, það er ekki vafi á því að kyrðarstundir á næturnar í litla firðinum okkar gera ýmislegt fyrir hugan og sálina.

Það verður ekki metið til fjár í þorskígildum né í kauphöllum og háskólum hálfvitana.