Drepinn af Nasiztum

Danski presturinn og rithöfundurinn Kaj Munk fæddist árið 1898 en var drepinn af Nasiztum árið 1944. 

Kaj Munk reis upp gegn Nasiztum í seinni heimstyrjöldinni og hafði óbilandi trú og kjark að tala máli sannleika og réttlætis.

Hann barðist harðlega gegn óréttlæti heimsins jafnt úr prédikunarstól í litlu prestakalli og á leiksviði í konunglega leikhúsinu í Kaupmannahöfn, en nokkur leikrita hans voru sett þar upp.

Nasiztum stóð stuggur af Kaj Munk, rödd hans hafði sterk áhrif og snerti við öllum sem til hans heyrðu. Kaj Munk var skotinn í höfuðið og skilinn eftir í vegkanti.

Sonur Kaj Munk brennir eigur hans

Athugasemdir

[Njörður Lárusson, 23.11.2007 kl. 22:34]

Í byrjun, hreifst Kaj mjög af uppgangi nasismans í Þýskalandi, og einingu Þjóðverja.  Líkt og fjöldi fólks í Evrópu og Skandinavíu.  Hann óskaði sér þess, að norrænu þjóðirnar sameinuðust, á líkan hátt, í þjóðernissinnaðri uppvakningu og sameiningu norrænna þjóða.

Fljótlega fóru þó að renna á hann tvær grímur, er hann reyndi, og sá hvernig ofbeldi og  kynþáttahroki voru fylgifiskar og jafnvel hornsteinar stjórnmálastefnu Hitlers. Að endingu varð hann svarinn andstæðingur Hitlers nasismans, og barðist gegn honum með skrifum sínum.  Líklega voru það þýskir starfsmenn Gestapo, frekar en danskir nasistar, sem tóku Kaj Munk af lífi, eftir að hann var handtekinn.  Hann var drepinn í laumi, þeir þorðu ekki að gera það opinberlega.