Dómsmálaráðherra Íslands !

Björn Bjarnason dómsmálaráðherra ritaði í gær 06.08.2008, á heimasíðu sína meðfylgjandi færslu. Ég verð því miður að segja að ég er algjörlega gáttaður á dómsmálaráðherra !

Veit Björn virkilega ekki hvernig ástandið er í sjávarþorpunum á Íslandi og veit Björn ekki að Helgi Ás Grétarson er ómerkilegur leigupenni og útsendari LÍÚ ?

Ég óska hér með eftir því við hæstvirtan dómsmálaráðherra að hann taki þessa færslu út af heimasíðu sinni og biðji öll fórnarlömb stjórnvalda og LÍÚ afsökunar á skrifum sínum.

Tilvitnun á heimasíðu Björns Bjarnasonar:

"Helgi Áss Grétarsson, lögfræðingur og sérfræðingur við Lagastofnun Háskóla Íslands, flutti fróðlegt erindi í Rótarýklubbi Reykjavíkur í hádeginu í dag um kvóta og þorsk. Færði hann rök fyrir því, að kvótakerfið væri frá lögfræðilegum sjónarhóli síður en svo jafnstirnað og ætla mætti af dómum hæstaréttar og áliti mannréttindanefndar Sameinuðu þjóðanna".

"Deilurnar um kvótakerfið hafa einkennst af því, að menn með andstæðar skoðanir hafa skipað sér í fylkingar með eða á móti og haldið svo fast í röksemdir sínar, að athygli hefur dreifst frá því, hvernig kerfið hefur þróast, án þess að vera eins lokað og af er látið".

Athugasemdir

[Hafsteinn Viðar Ásgeirsson, 7.8.2008 kl. 15:41]

Helgi þessi, leigugasprari frá LÍÚ klíkunni á hvað greiðastann aðgang að þessum einföldu sálum, sem ekki eru tilbúnar til að setja sig inní málin. Þeim finnst þægilegast að vera ekki að velta sér of mikið uppúr ruglinu og taka fagnandi að geta tileinkað sér fræðin á Rótarý-fundum.

[Atli Hermannsson., 7.8.2008 kl. 20:49]

"Þeim finnst þægilegast að vera ekki að velta sér of mikið uppúr ruglinu og taka fagnandi að geta tileinkað sér fræðin á Rótarý-fundum."

Hafsteinn, það er alveg klassi að fá á einu bretti staðlaða frasa um kosti kerfisins til að leggja á minnið. Bara passa að hafa þá ekki of langa - það má svo seinna slá um sig með einum og einum þegar menn lyfta glösum og skála fyrir því hversu vel hefur tekist til.

[Ólafur Ragnarsson, 8.8.2008 kl. 00:12]

Sæll félagi.Sammála síðasta ræðumanni.Þakka þér fyrir að vekja athygli á þessu.Kært kvaddur

[Árni Gunnarsson, 8.8.2008 kl. 17:13]

Ég vænti þess að Ásgeir Jónsson hagfræðingur hafi fengið boð inn á þennan fund og stutt Björninn með hagfræðilegum rökum. Hann er vel meðvitaður um sína vinnuveitendur hjá Kaupþingi, sem að sjálfsögðu hafa nú áhyggjur af auknum skuldum kvótagreifanna.

[Sigurbrandur Jakobsson, 10.8.2008 kl. 00:04]

Níels, það væri undrunarefni ef annarhvor þessara manna, léti sig nokkru varða um hag fólks á landsbyggðini. Það þýðir ekki að vera að ergja sig á því hvað þá meira.