Til umhugsunar fyrir Vestmanneyinga

Þessi upphæð sem Landsbankinn er að afskrifa fyrir útgerðarmanninn mundi duga fyrir tvíbreiðum jarðgöngum fram og til baka frá eyjum og upp á Landeyjarsand.

Og fyrir afganginn mætti smíða nýjan Herjólf og nýjar stórskipahafnir í eyjum og á Landeyjaesandi.

Fyrst komu Tyrkirnir en núna er það Magnús Kristinsson.

Auk þess er annað verðmat á þessum glæp 250 þúsund tonn af þorski upp úr sjó....

Geri aðrir betur !!!!!

 

 

Gamli Landsbankinn afskrifar skuldir Magnúsar

Athugasemdir

[Haraldur Hansson, 18.8.2009 kl. 11:45]

"Það er ekki í mannlegu valdi að bæta fólki það sem gerðist í bankahruninu".

 - Árni Páll Árnason, félagsmálaráðherra, 4. ágúst 2009.

[Sigurbrandur Jakobsson, 18.8.2009 kl. 12:44]

Ég er nú ekki gamall Nilli, en ég man þá tíð þegar þessi maður lét allstaðar hafa það eftir sér að trillukarlar væru seigir að heimta meira en þeir mættu og ættu að fá, og því mjög ábyrgðarlausir og ógnun við sjómenn og útgerðir stærri skipa.

Já sök bítur sekan segi ég nú bara. Alveg með ólíkindum, og þvílíkt siðleysi og siðblinda.

[Jóhann Elíasson, 18.8.2009 kl. 12:51]

Nilli, er þetta ekki bara byrjunin?  Er ekki bara verið að gera klárt til að fara að AFSKRIFA SKULDIR ÚTGERÐARINNAR og þá um leið að skera útgerðarmenn úr "SKULDASNÖRUNNI" og að reyna að tjasla upp á KVÓTAKERFIÐ eina ferðina enn?  Þá geta "ofurskuldsettar" útgerðir, sem hafa fjárfest í óskyldum rekstri horft til bjartari tíma.

[Emil Örn Kristjánsson, 18.8.2009 kl. 13:01]

Ég trúi þessu ekki fyrr en ég fæ það staðfest. Sé það rétt að Magnús sé í raun að fá afskrifaða þessa milljarða án þess að láta eftir eignarhlut sinn í Toyota umboðinu mun ég fara fram á að fá mínar skuldir, sem eru að mestu leyti hjá Íbúðalánasjóði, afskrifaðar í sama hlutfalli.

Þetta skyldi þó ekki boða okkur almúgamönnum (körlum og konum) bjartari tíma?

[Hafsteinn Viðar Ásgeirsson, 18.8.2009 kl. 14:22]

Þetta boðar ekki bjartari tíma fyrir neinn nema kvótagreifa Emil, því miður...

[Björn Birgisson, 18.8.2009 kl. 14:54]

Hrunið er eins og borgarísjaki, Við sjáum og höfum séð 10%, en 90% bíða þess að komast upp á yfirborðið. Mál Magnúsar er bara eitt af ótal mörgum sem bíða afgreiðslu. Fæst þeirra munu gleðja vora þjóð, svo mikið er víst. Geir Haarde sagði að þjóðin mætti ekki persónugera hrunið. Hvernig er annað hægt?

[Níels A. Ársælsson., 18.8.2009 kl. 15:02]

Samkvæmt mínum heimildum úr stjórnkerfinu í dag var skilanefndin búin að ná samkomulagi við Magnús en átti eftir að formgera.

Eftir umfjöllun DV er málið allt í uppnámi.

[Björn Birgisson, 18.8.2009 kl. 15:24]

Sem sagt míglek bankaleynd!

[Hafsteinn Viðar Ásgeirsson, 18.8.2009 kl. 17:37]

Kaupir maðurinn bara ekki DV til að loka því, eða til að skrifa vel um sig?

Hann á nú reyndar innkomu hjá kvótagreifunum á mogga. Það bara gagnast illa meðan Reynir og co. eru að fokka upp málum fyrir honum.