Helförin var lygi

Þessi frétt slær allt út sem áður hefur verið logið í fjölmiðla á byggðu bóli.

Árlegt brottkast þorsks og ýsu á Íslandsmiðum er ekki undir 50-70 þúsund tonnum !

Aldrei áður hefur jafn miklu magni af þorski og ýsu verið kastað í sjóinn eins og á síðasta ári.

Fiskveiðiárið sem nú er ný hafið mun að öllum líkindum slá út allt það sem menn hafa áður séð í þessum efnum.

Leiða má líkum að því að ef ekki verða breytingar á úthlutuðum heildarafla í þorsk og ýsu mjög fljótlega þá fari brottkastið yfir 100 þúsund tonn í þessum tegundum.

Þessi niðurstaða Hafró um heildarbrottkast á þorski og ýsu er rétt innan við 2% af sannleikanum.

Líkt og Mahmoud Ahmadinejad Íransforseti heldur því fram að helförin hafi verið lygi reyna forystumenn Hafró og LÍÚ að segja okkur að brottkast í illræmdasta kvótakerfi veraldar sé lygi !

1.935 tonnum af ýsu var hent í hafið

Athugasemdir

[Jóhannes Laxdal Baldvinsson, 15.10.2009 kl. 09:29]

Við sem höfum starfað við sjómennsku vitum að brottkast er innbyggt í öll kvótakerfi. Hlutaskiptakerfið veldur því svo að allir taka þátt og algjör þöggun er tryggð.  Eftirlitsmyndavélar eru hugsanlega svarið ásamt með verulegum sektum og sviptingu veiðileyfa við ítrekuð brot.

[Árni Gunnarsson, 15.10.2009 kl. 09:59]

Hvar var þessum 5 tonnm kastað í hafið?

Ég er búinn að marg-reikna þetta fram og aftur og fékk ekki út nema 1930!

[Sævar Helgason, 15.10.2009 kl. 11:15]

Er ekki brottkast innbyggt í allar fiskveiðar ?

Ef við tökum einfalt dæmi sem frístundaveiðar.  Menn sækjast eftir góðum matfiskum.  Lýsa er ekki í hávegum höfð- hún fer því aftur í sjóinn . Smáýsa er ekki vinsæl- í sjóinn með hana- sama er með smáþorsk. Oftast á þessi fiskur sér enga lífsvon .

Síðan heimfærum við svipað upp á stórveiðiskipin og ef hlutfallið er það sama - þá er um nokkur tuga þúsund tonna að ræða.

1935 tonn / allan flotann-- hlægilegt - ef málið er ekki grafalvarlegt.

En hvað er til ráða..vandinn er meiri en kvótakerfið eitt og sér þó ömuleg sé..

[Þórður Már Jónsson, 15.10.2009 kl. 15:16]

hahhahahahaha...... Þessi frétt er svo ótrúleg að maður á bara ekki orð! Gaman að fá góðan brandara snemma dags. Heimska Hafró nær nýjum hæðum. MÆLINGAR!!! Hvernig í ósköpunum náðu þeir að MÆLA þetta????? Gerðu þeir kannski sér mælingu handa málgagni LÍÚ (Mogganum)???

[Víðir Benediktsson, 17.10.2009 kl. 15:45]

Gæti trúað því að þessar tölur eigi bara við eina útgerð sem ég þekki til. Hún hendir ekki minna magni á ári hverju en kemur fram í þessari frétt.

[Níels A. Ársælsson., 17.10.2009 kl. 16:40]

Víðir.

Ég tala við áhafnir margra báta víðsvegar á landinu stundum oft í viku.

Ég þekki mjög vel til brottkast um borð í þessum bátum. Sumir þeirra kasta yfir 1000 tonnum á ári bara af þorski svo allri ýsu undir 800 gr.

Þá er ótalið tegundasvindlið og framhjákeyrslunar á vigtinni.

[Sigurgeir Jónsson, 18.10.2009 kl. 13:35]

Heimurinn er skrítinn.Enginn inn á landsfundi smábátaeigenda studdi veiðiráðgjöf Hafró.En þegar fram kom kurteisleg tillaga um að forstjóra Hafró bæri að segja af sér, þá var hún felld.Tillagan verður flutt aftur á næsta ári.