Sjálfskaparvíti þjóðar

Tilvitnun í bók Eðvarðs T. Jónssonar "Hlutskipti Færeyja" (Mál og Menning 1994). Eðvarð vitnar í lesendabréf ungrar konu í Þórshöfn til eins blaðsins á staðnum:

,,Það er ekkert vandamál að vera fátækur ef samviskan er hrein. Málið vandast ef spilling, óstjórn, eiginhagsmunir og ábyrgðarleysi valdahafa eiga sökina. Þá má ekki tala um glæpi heldur pólitísk mistök. Þá er almenningur dreginn til ábyrgðar. Erum við þá öll bófar?" Tilv; lýkur.

Þessi unga kona kemst nálægt kjarna vandans. Eiga Danir að snúa baki við Færeyjum vegna þess, að helztu ,,máttarstólpar" færeysks efnahagslífs keyrðu þjóðarskútuna í kaf? Eigum við hin að láta eins og okkur komi þessi ósköp ekki við?

Vandinn hér er sá, að þeir, sem bera ábyrgðina á óförum Færeyja, halda saklausu fólki í gíslingu í raun og veru. Færeyingum hefur ekki tekizt að búa svo um hnútana í sínu samfélagi, að venjulegt fólk njóti verndar gagnvart afglöpum og ofríki stjórnvalda og sérhagsmunahópa.

Saga Færeyja er eins og saga Íslands langt aftur í aldir öðrum þræði saga harðsvíraðra hagsmunahópa, sem mökuðu krókinn á kostnað almennings, fyrst í skjóli almenns sinnuleysis, hjátrúar og fáfræði og síðan í krafti ófullnægjandi löggjafar, leikreglna og stjórnskipanar.

Siðferðisþroska þjóðfélags má að miklu leyti ráða af því, hversu vel þegnarnir eru verndaðir hver fyrir öðrum í lögum og leikreglum samfélagsins. Efnahagurinn hlýtur að draga dám af siðferðisþroskanum, þegar allt kemur til alls.

Athugasemd mín: Álit mannréttindanefndar SÞ, kvótakerfið, ráðgjöf Hafró, hrun sjávarþorpa og ný byrjað hrun fjármálastofnana vekja mann til alvarlegra umhugsunar eftir lestur bókar Eðvarðs.

 

Пётр I Алексеевич

Pétur 1. Rússakeisari eða Pétur mikli f, 9. júní 1672 – d, 8. febrúar 1725, ríkti yfir Rússlandi frá 7. maí 1682 til dauðadags.

Fyrir 1696 var hann meðstjórnandi veiks hálfbróður síns Ívans 5. undir forsjá hálfsystur sinnar Soffíu Alexejevnu.

Hann reyndi að Evrópuvæða Rússland og með því að hefja útþenslustefnu til suðurs og vesturs tókst honum að gera Rússland að evrópsku stórveldi.

Í Norðurlandaófriðnum mikla náði hann að sigra Svía, fá aðgang að Eystrasalti og stofna borgina Sankti Pétursborg á Kirjálaeiðinu sem hann hugðist gera að höfuðborg.

Heimild; Wikipedia.

Pétur mikli strandaði við Ólafsvíkurhöfn

Sjálfskaparvíti - listin að búa til eigið fé

1992: Dæmisaga frá Færeyjum.

Aflaskipstjórinn gekk á fund flokksbróður síns og góðvinar, Atla Dam, sem samdi fyrir hönd landsstjórnar og bað um leyfi til að kaupa umræddan togara.

Skipstjórinn og félagar hans urðu að reiða fram 80 milljónir í eigin fé en það áttu þeir ekki til.

Fjárins var að endingu aflað þannig að verktakar og skipasmíðastöð lánuðu þeim féð í tvo daga. Það var lagt inn á reikning í tveimur viðskiptabönkum og bankarnir lögðu síðan fram vottorð um að útgerðin ætti þessa peninga inni á bók.

Á grundvelli þessara vottorða veitti landsstjórnin veð og á grundvelli veðsins veittu danskir bankar og Skipalánasjóður Dana ýmiss konar lán og fyrirgreiðslu.

2007: Dæmisaga frá Íslandi.

Íslenzkir útgerðarmenn og (braskarar) fóru á fund viðskiptabankanna og óskuðu eftir fyrirgreiðslu til kaupa á aflaheimildum (kvóta). Bankarnir höfðu sett sér útlánareglur varðandi lán til kaupa á aflaheimildum. Viðkomandi útgerð sem hugði á kvótakaup varð að eiga 40% eigið fé.

Eigið fé búið til:

Dæmi: Markaðsverð á þorskkvóta kr, 1.000,00.- pr kg.

1. Reikningur gefin út á milli seljanda og kaupanda upp á kr, 1.400,00.- pr kg.

2. Bankinn lánaði kr, 1.000,00.- í kvótakaup pr kg.

3. Seljandi gaf út kredit reikning til kaupanda upp á kr, 400,00.- pr kg.

4. Útlánareglum bankans var fullnægt með reglunni um 40% eigið fé kaupanda.

5. FISKISTOFA BLESSAÐI GJÖRNINGINN MEÐ VELÞÓKNUN.

ATH: Þessi listgrein fjármálastofnanna og kvótabraskara var í hávegum höfð þar til verð á þorskkvóta hafði náð hæstu hæðum sem endaði í kr, 4.400,00.- pr kg, þar til skyndilega að banka kreppan skall á í oktober sl.

Lækkun á norrænum mörkuðum

Skrár tengdar þessari bloggfærslu:

• c_users_owner_documents_sjalfskaparviti_xxx_0.doc

Til hvers ert þú fæddur ?

En til hvers ert þú fæddur

og hvað er þér ætlað að vinna ?

Nokkra steina rífur þú upp úr jörð

svo grasið fái að vaxa.

En berangur þorpsins hlær að þér,

því fjallið er ekki hálfrunnið enn,

grettnir klettarnir bera skriðurnar.

Þú fæddist í dag,

en gröf þín var tekin í gær.

Höfundur; Jón úr Vör.

Heill þér Björn Ingi !

Ég er einn af þeim sem man hvaða afstöðu Björn Ingi hafði fyrir síðustu Alþingiskosninga til kvótakerfisins og nauðsyn þess að sjávarþorpin fengju leiðréttingu sinna mála.

Fyrir það fær Björn Ingi virðingu mína og fjölda annara íslendinga.

Nú hefur hæstvirtur "yfir gjammari" Guðjón Ólafur gengið götuna á enda og stór skaðað flokkinn með tilhæfulausum dylgjum og rógburði.

Björn Ingi úr Framsóknarflokki?

Efnahagslegar sjálfsmorðshugleiðingar

Ragnar Árnason prófessor við Háskóla Íslands.......

og einn af aðal höfundum kvótakerfisins segir í viðtali við Fréttablaðið 13.01.2008, að sérfræðingar fjármálafyrirtækja telji að ein forsendan fyrir vexti fjármálakerfisins og útrás íslenskra fyrirtækja sé auðurinn sem felst í kvótanum.

"Ef sá auður verður skertur verður samsvarandi samdráttur í fjármálageiranum og hagkerfinu öllu. Þeir sem vilja afnema kerfið eða kollsteypa því hljóta að vera í efnahagslegum sjálfsmorðshugleiðingum.

Arnbjörg Sveinsdóttir formaður sjávarútvegsnefndar Alþingis.......

segir ekki hægt að hafa óheftan aðgang að miðunum. Þetta snúist um það að hafa sem hagkvæmasta nýtingu á auðlindinni

"og auðvitað byggist þetta upp á því að þeir sem hafa til þess þekkingu og getu eru að nýta hana og skila sem mestum arði af því inn í þjóðarbúið"

Spurningar til Ragnars, Arnbjargar og Glitnis-banka:

1. Ragnar; Á íslenzka kvótakerfið þátt í hruni fjármálafyrirtækja í dag eða er það hrun fjármálafyrirtækjanna og mislukkuð útrás spákaupmanna sem er aðal orsökin fyrir gjaldþroti fjármálafyrirtækja á Íslandi   ?

2. Ragnar; Átti efnahagskerfi íslendinga og þar með talin útrásin (sáluga) að standa á stöplum yfirveðsettra aflaheimilda (sjá Exel; 100% verðmat 01.01.2008, samtalls kr, 112 milljarðar) (skuldir íslenzkra sjávarútvegsfyrirtækja og tengdra félaga eru líklega um 500 milljarðar í dag) ?

3. Ragnar; Fyrst svona er komð með fjármálafyrirtækin og flest sjávarútvegsfyrirtæki á Íslandi, er þá kvótakerfið í reynd ekki gjörsamlega gjaldþrota ?

4. Arnbjörg;

a) Er það hagkvæm nýting á fiskveiðiauðlindinni að kasta 30% af öllum fiski fyrir borð og svindla á löggiltum hafnarvogum á tegundum og magni sem vegið er (framhjálödun og tegundasvindl) ?

b) Hverjir eru hæfastir og hafa mestu þekkingu á veiðum ? Hverjir sem stundað hafa veiðar og vinnslu hafa skilað mestum arði inn í þjóðarbúið ?

4. Spurning til Glitnis-banka; Hvað varð um sjóði "Fiskveiðasjóðs Íslands" og hvar eru þeir peningar niður komnir ?

 

 

Glitnir hættur við skuldabréfaútboð

Hýðingin spratt af nauðsyn og réttlæti

Átti hann þá aungvan að, var honum þá enginn góður nema þessi litla vík ? Nei, enginn góður. En það var heldur enginn beinlínis vondur, þannig að hann þyrfti að óttast um líf sitt, það var ekki fyrr en síðar. Þegar hann var hrektur, voru hrekkirnir mest í gamni, vandinn er að kunna að taka því. Þegar hann var hýddur spratt hýðingin af nauðsyn, það var réttlætið.

Um margt stóð honum afturámóti á sama, guði sé lof. Til dæmis kastaði eldri bróðirinn Nasi, fjáreigandi og útgerðarmaður fullri skál yfir móður sína, Kamarillu húsfreyju, þegar hún var að gánga niður stigann eitt kvöld; honum stóð á sama um það. En þegar ýngri bróðirinn Júst, sem sömuleiðis var fjáreigandi og útgerðarmaður, lék sér að því að taka hann upp á eyrunum, af því það var svo gaman að vita hvað elsku vinurinn þyldi, þá stóð honum ekki á sama, því miður.

Úr Heimsljós.

Mikill áhugi á Laxness

Tvær pestir af ólíkum stofni

Svartidauði kom til Íslands tvisvar á 15. öld, það er að segja árin 1402 og 1495. Hann var angi plágunnar í Evrópu sem hófst á 14. öld.

Í bæði skiptin voru afleiðingarnr skelfilegar og er talið að allt að helmingur þjóðarinnar hafi fallið í plágunum.

Kvótakerfi í fiskveiðum var tekið upp við Ísland árið 1984 sem leitt hefur til svipaðra hörmunga fyrir sjávarþorpin og fiskistofnana við landið líkt og svartidauði á 15 öld.

Svarti dauði vaxandi ógn

Úrþvætti í líki prófessors

Prófessor tjáir sig um dóm mannréttindanefndar Sameinuðu þjóðanna í Fréttablaðinu í dag 13.01.2008.

Tilv:

Ragnar Árnason, prófessor í hagfræði við Háskóla Íslands, segir kvótakerfið að sínu mati vera forsendu mikillar hagkvæmni í íslenskum sjávarútvegi. "

Ef við afnemum kvótakerfið munum við tapa tugum milljarða á hverju ári en einnig yrðu margföldunaráhrif í gegnum allt hagkerfið." Ragnar segir að sérfræðingar fjármálafyrirtækja telji að ein forsendan fyrir vexti fjármálakerfisins og útrás íslenskra fyrirtækja sé auðurinn sem felst í kvótanum.

"Ef sá auður verður skertur verður samsvarandi samdráttur í fjármálageiranum og hagkerfinu öllu. Þeir sem vilja afnema kerfið eða kollsteypa því hljóta að vera í efnahagslegum sjálfsmorðshugleiðingum." Tilv lýkur:

Ragnar Árnason, prófessor er höfundur kvótakerfisins og þar af leiðandi að mínum dómi aðal gerandi í þeim skelfilegu mannréttindarbrotum sem íslenzka ríkið og LÍÚ hafa ástundað á saklausu fólki í aldarfjórðung.

Ef prófessorinn sér ekki sóma sinn í að hætta störfum við Háskóla Íslands sjálfviljugur strax á morgun þá ber stjórnvöldum að sjá til þess að hann verði umsvifalaust rekinn frá störfum og hann sviptur öllum sínum réttindum og titlum.

Ragnar Árnason hefur með gerðum sínum framið morð á sjávarbyggðum Íslands og núna eftir dóm Sameinuðu þjóðana, sitt eigið sjálfsmorð.

ÍSLANDSLJÓÐ 9-11

Allt skal frjálst, allt skal jafnt, réttan skerf sinn og skammt

á hvert skaparans barn, allt frá vöggu að gröf.

Þetta boðorð knýr fram, knýr menn brautina fram

undir blikandi merkjum um lönd og um höf.

 

Enginn stöðvar þá göngu, þótt leiðin sé löng,

fólkið leysir með hörku, ef auðmýkt það batt; -

viti þrældómsins vin, eyðist kyn, fæðist kyn

og hann krýpur þó loks því, rétt er og satt.

 

Yfir álfur og lönd tengir bróðernið bönd,

yfir brimið og ísinn nær kærleikans hönd;

einnig hér undir eyðingu, áþján og neyð

blunda áranna kröfur við heiði og strönd.

Höfundur; Einar Benediktsson.

VG ítrekar kröfu um endurskoðun fiskveiðistjórnunarinnar