Borga fyrir hægri vænginn

Þegar ég var strákur á Tálknafirði þá höfðum við guttarnir rífandi tekjur af því að drepa svartbak. Davíð oddviti Tálknafjarðarhrepps borgaði okkur strákunum fyrir hægri vænginn álitlega upphæð. Við gengum svo hart fram í drápinu að það stór sá á svartbaksstofninum og hefur lítið borið á svartbak síðan. Ekki höfðum við nein venjuleg skotvopn heldur var mest notast við loftrifla, teyjubyssur, boga og örvar. Þeir sem áttu ekki slík vopn urðu fljótlega algjörir meistarar í grjótkasti og voru margir ótrúlega hittnir. Á veturnar þegar loðnan barst að landi var mjög vinsælt að leggja loðnubeitta línu í fjöruna og bar þá oft vel í veiði. Legg til að Reykjavíkurborg greiði fyrir hægri vænginn og málið er dautt.

Náttúrufræðistofnun leggst gegn fugldrápi með svefnlyfjum

Athugasemdir

[Hafsteinn Viðar Ásgeirsson, 27.3.2007 kl. 21:25]

Villa vantar bara góðan ráðgjafa, er það ekki?

[Níels A. Ársælsson., 27.3.2007 kl. 21:31]

Það þarf ekki heila stofnun, eitthvað bákn til að losna við þennan fiðurfénað. Sleppa púkunum lausum í vor á máfastofninn.

[Níels A. Ársælsson., 27.3.2007 kl. 21:33]

Og leiguþrælunum þegar við sleppum úr hlekkjunum á hina Mávana sem hneptu okkur í ánauð.

[Sigfús Sigurþórsson., 27.3.2007 kl. 22:03]

Já og veiða hann bara á línu, en yrð ekki settur kvóti á þær línuveiðar?

[Níels A. Ársælsson., 27.3.2007 kl. 22:26]

Jú ábyggilega og 15% línuívilnun að auki.