Bankastjóra og gæzlustjórum Landsbankans vikið fyrirvaralaust úr embætti

Anno 26. apríl 1909:  Mikill fjárflótti úr bankanum;

Þau stórtíðindi gerðust stuttu eftir hádegi í gær, að Tryggvi Gunnarsson bankastjóri Landsbankans og gæslustjórar hans, Eiríkur Brím og Kristján Jónsson, fengu bréflega tilkynningu frá stjórnarráðinu um það, að þeim sé samstundis vikið úr stöðum sínum við bankann  

„sökum margvíslegrar, megnrar og óafsakanlegrar óreglu í starfsemi þeirra í stjórn bankans og frámunalega lélegs eftirlits með honum.“

Lítilli stundu eftir að bréf þetta barst viðtakendum í hendur, gengu þeir Klemens Jónsson landritari og Jón Hermannsson skrifstjóri inn í Landsbankann og létu loka honum í umboði ráðherra.

Öll afgreiðsla hætti þá í miðju kafi. Skömmu síðar kom hin nýja bankastjórn, sem ráðherra hafði þá einnig skipað, til að taka við forráðum bankans.

Geir: Ávinningur síðustu ára notaður til að búa í haginn