Biskupsdóttir sver fyrir öll mök við karlmenn

Í Skálholtskirkju 11. mai 1661, sór 19 ára gömul stúlka, Ragnheiður Brynjólfsdóttir í viðurvist fjölda presta úr Árnesþingi, þess dýran eið, að hún væri hrein og óspjölluð mey af völdum karlmanna.

Eiður Ragnheiðar.

"Til þess legg ég, Ragnheiður Brynjólfsdóttir, hönd á helga bók og það sver ég við guð almáttugan, að ég er enn nú á þessari stundu svo óspillt mey af öllum karlmanns völdum og holdlegum saurlífsverkum sem þá, er ég fæddist fyrst í þennan heim af minnar móður lífi, svo sannarlega hjálpi mér guð með sinni miskun, sem ég þetta sver, en refsi mér, ef ég lýg".

Ragnheiður fæddi sveinbarn í Bræðratungu laugardaginn 15. febrúar 1662, réttum fjörtíu vikum eftir að hún sór fyrir öll mök við karlmenn.

Ragnheiður Brynjólfsdóttir andaðist 23. mars 1663, eftir erfið og þungbær veikindi.

Athugasemdir

[Reynir Andri, 11.5.2008 kl. 22:27]

var það ekki íslenskur jesú sem fæddist þarna?

[Níels A. Ársælsson., 11.5.2008 kl. 22:59]

Drengurinn var skírður Þórður og var Daðason, hann lést tæplega hálfs tólfta árs.

Síðustu orð litla drengsins voru. "Guð hjálpi mér nú". Litlu síðar var hann örendur.

[Þorsteinn Valur Baldvinsson, 12.5.2008 kl. 11:41]

Takk fyrir þessa fræðslu, sé ekki betur en eiðurinn hafi verið réttur hjá henni og sannur.

40 vikur eru um 9.2 mánuðir.