Dyr að draumi

Samráðsforstjóra LÍÚ véluðu sakleysingja (einfeldinga) innan Lagadeildar Háskóla Íslands til fylgilags við þrálátan draum sinn um einkeign á fiskveiðiauðlindinni við Ísland.

Ekki virtust vera nein takmörk fyrir hugmyndarflugi forstjóranna í hömlulausri leit sinni að dyrum draumalandsins. 

Sú var tíð er Eyjólfur grái reyndi í einfeldingsskap sínum og heimsku að véla Auði Vésteinsdóttur  til að segja til Gísla Súrsonar með því að bera á hana pyngju silfurs.

Allir ættu að muna hvernig þeirri viðureign lauk og láta sér að kenningu verða. 

Allir vita líka hvað samtökum LÍÚ gekk til með því uppátæki að bera fé á "virta stofnun" innan Háskóla Íslands.

Lagastofnun Háskóla Íslands hefði í auðmýkt átt að afþakka þá blóðpeninga sem forsbrakkar LÍÚ í einfeldingshætti sínum báru á hana.

 

Nær hefði verið fyrir þá að láta féð rakna til fátæks fólks í sjávarþorpunum sem flest hvert hefur misst aleigu sína og lífsviðurværi vegna fantaskaps, græðgi og skipulagðrar glæpastarfsemi LÍÚ.

Sjávarútvegurinn í raun gjaldþrota

Athugasemdir

[Ragnar Eiríksson, 30.11.2008 kl. 18:17]

Sæll Níels,

Ég sé að þú skrifar af kaldhæðni um LÍÚ.   Ég las fyrir nokkru  pistil eftir þig um ágæti dragnótaveiða þar sem þú nefndir að blóm spryttu upp ídráttarslóðinni.   Ég tók það alvarlega þá!!!!!!

Ég er afar lítið inn í því hvernig HÍ fjármagnar starfsemi sína að öðru leyti en að ég veit að hann er þungur böggull á fjárlögunum þrátt fyrir að Happadrættið skili honum ómældu fé (því ekki fær maður vinning þar þrátt fyrir áratuga spilun!).    Þegar þú hér ásakar einfeldninga í HÍ um að þiggja mútur fyrir eitthvað þá er þetta latína fyrir mér og þarfnast nánari skýringa!     Nú er tími sannleika og hreinskiptni og óþarfi að tala rósamál.    Mér liggur við að segja að nú séu allir glæpamenn þar til annað sannast!!      Mig rámar eitthvað í skýrslu frá lagadeild HÍ um að stutt væri í að útgerðarmenn fengju hefðarrétt á kvótaeign sinni en ég hef ekkert séð um fjárveitingar  LÍÚ til Lagadeildar. Er sú skýrsla keypt af LÍÚ og hvar kemur það fram?    Það á ekki að þurfa að draga Eyjólf, Auði og Gísla Súrsson inn í málið!

Kveðja,

Ragnar Eiríksson   

[Sigurbrandur Jakobsson, 30.11.2008 kl. 21:33]

Peningarnir tala og verst þegar þeir segja sannleikan.