Samfylkingin komi fram með sjávarútvegsstefnu strax !

Á meðan Samfylkingin þorir ekki að ræða sjávarútvegsmál þá er engin von til neins annars en að fylgið skreppi endalaust saman fram að kosningum. Samfylkingin komi strax fram með afdráttalausa stefnu í kvótamálinu. það mundi auka fylgi Samfylkingarinnar um 15%. Varðandi stjörnuleik Jóns Baldvins í Sifri Egils um daginn þá er það á ábyrgð þáttastjórnandans að hleypa honum þar inn í annarlegu ástandi og til þess eins fallið og ætlað að veikja Samfylkinguna enn meir. Jón Baldvinn stórskaðaði sjálfan sig og flokkinn sinn að undirlægi ákveðinna manna.

Allt undir 32% fylgi óviðunandi

Þríburafæðing í Hörgárdal:

Anno; 1727: / Húsfreyjan á Fjalhöggsstöðum fæddi þrjú meybörn.

Húsfryjan á Fjalhöggsstöðum í Hörgárdal varð léttari fyrir nokkru, og fæddi hún þrjú meybörn, öll lifandi. Telpurnar voru allar skírðar sama nafni, "Guðrún", svo sem títt er, þegar meybörn fæðast með þeim hætti, að furðu þykir gegna. Langlífir urðu þessir þríburar ekki, því að telpurnar dóu allar hver af annari.

Þetta er mjög einfallt mál:

Það fyrsta sem þarf að gera til að snúa ofan af vitleysunni er að innkalla allar aflaheimildir til ríkisins líkt og norska stjórnin hefur boðað þar í landi. Norðmenn vita sem er að innganga í EB er ekki möguleg og ekki á dagskrá nema að undangenginni innköllun á öllum aflaheimildum. Þetta liggur alveg ljóst fyrir og hefur legið lengi. Þetta hefðu bankarnir átt að vita áður en þeir lánuðu þessar ofboðsfjárhæðir til kvótakaupa og það er engum að kenna ef þeir tapa fjármunum nema þeim sjálfum.

Kvótagreifar sitja ekki á friðarstóli

26 menn drukkna á Grímseyjarsundi.

Annó, 1727: /  Ægilegir mannskaðar.

Föstudaginn fyrir hvítasunnu urðu tveir skipstapar á Grímseyjarsundi og drukknuðu þar 26 menn. Lögðu skipin af stað frá Grímsey seint um kvöldið í þoku og stórsjó, bæði mikið hlaðin. 

Annað þessara skipa var sexæringur sem prestur Grímeyinga, séra Jóns Jónsson, hafði fengið lánaðan til þess að flytja á konu sína hina dönsku og búslóð alla til lands. Var skipið mjög hlaðið gegn vilja formanns og komst aðeins skammt undan eynni, áður en því hlektist á. Fórust þar níu menn, auk prests sjálfs, konu hans, barns þeirra í reifum, vinnukonu og bróður prestsins.

Hitt skipið var áttæringur, Grýmseyjarfar frá Möðruvallaklaustri, og voru á því tólf menn. Ætlun manna er, að það hafi hrakizt vestur í haf í dimmviðri og stormi. Fyrir þremur árum fórst annað klausturskip með varnaði og mönnum í mynni Eyjafjarðar í skreiðarför til Grímseyjar. Á því skipi voru fimmtán menn. 

 

Stokkseyrar-Dísa látin.

Anno, 1728:/ Sett út af sakramentinu og biskup hótaði bannfæringu.

Þórdís Markúsdóttir, hin nafntogaða Stokkseyrar-Dísa, andaðist í svefni nú fyrir skömmu. Hún var sem kunnugt er borin galdri fyrr á árum, og nú síðustu misseri átti hún í miklu málaþrasi við kennivaldið út af forráðum og reikningum Stokkseyrarkirkju. Sóknarprestur hennar hafði sett hana út af sakramentinu. Biskup hafði í byrjun þessa árs skipað sóknarpresti hennar að biðja fyrir henni af predikunarstóli og beita fortölum við hana sjálfa, en hóta henni bannfæringu, ef hún léti ekki skipast við annað. 

Verða menn ekki náttúrulausir af stera áti ?

Ég hef heyrt því fleygt að það séu ekki einungis sterar sem séu í miklu uppáhaldi hjá vissum hópum heldur líka einhverskonar "Viagra", nema hvað það ku vera mun áhrifaríkara, virki jafnt á konur sem menn og að sögn ætlað til notkunar undir handleiðslu dýralækna við sæðingu stærri búpenings.

Lögreglan á höfuðborgarsvæðinu lagði hald á yfir 30.000 steratöflur

Séra Þorleifi Arasyni stefnt dauðum.

Anno; 1727. "Svartkoppumál" ná út yfir gröf og dauða"

Annar Dana þeirra, sem bar vitni í Svartkoppumálinu, Páll Kinch, er kominn út hingað og orðinn undirkaupmaður á Vestfjörðum. Hafði hann meðferðis hæstaréttarstefnu til séra Þorleifs Arasonar, sem dæmdi hann ærulausan í fyrra, er Svartkoppumálið var tekið upp að nýju að skipan konungs, og Fuhrmanns amtmanns, er sótti hann til saka fyrir vitnisburð hans. Með því að séra Þorleifur drukknaði í Markarfljóti í vetur, lét Kinch lesa stefnuna yfir gröf prófastsins. Virðist svartkoppumálið ekki einu sinni ætla að skilja við hann í gröfinni.

Marmennill fundinn í hákarlsmaga í Tálknafirði:

Annó; 1733:

Tálknfirðingum brá í brún nú fyrir nokkru, er þeir ristu á kviðinn stóran hákarl, sem þeir höfðu veitt. Þeir fundu nefninlega í maga hans flikki mikið, sem var harla líkt efri hluta af mannsbúk. Þar vestra er því trúað, að þetta hafi verið marmennill, sem hákarlinn hafi gleypt.

Að stærð var þessi marmennill Tálknfirðinga viðlíka og átta til níu ára gamall drengur. Höfuðlagið segja þeir áþekkt og á manni, en hnakkabeinið hvasst og útstætt og hnakkagrófina djúpa. Hárið var svart, strítt og sítt, svo að tók á herðar niður, en hvergi annars staðar sýnilegt hár á skrokknum. Eyrun segja þeir verið hafa stór og síð, tennurnar langar og keilulaga eins og í steinbít, tunguna breiða og stutta og augnlit sem í þorski.

Ennið var hátt og bogadregið að ofan, hörundið ljós mógult. Nasir voru sem á manni, djúp rák undir miðnesi og dálítið skarð í höku, axlir háar og hálsinn stuttur, handleggirnir samsvöruðu líkamsstærðinni og fimm fingur, ærið grannir, á höndum. Brjóst og hryggur var eins og á manni, en rifin brjóstkennd. Kjötið var gróft og svart eins og selkjöt, þar sem í það sást.

Farið hafði verið innan í hákarlinn í fjörunni, þegar komið var að landi með veiðina. Sagt er, að hræið af þessari ókennilegu veru hafi legið við vörinna á Syðri-Eyri í vikutíma. En þar eð mönnum var ekki um það gefið að hafa það þar til langframa, var því varpað á sjó út. Hefur það ekki sést síðan.

Margt er um þetta fágæta fyrirbæri rætt á Vestfjörðum, og segja fróðir menn, að ekki hafi marmennill fyrr komizt í í mannahendur á Íslandi síðan á landnámsöld, að Grímur Ingjaldsson dró einn í fiskiróðri á Steingrímsfirði, og vísaði sá syni hans til lands. Sjá link;

http://www.snerpa.is/net/thjod/marbend.htm

 

 

 

 

 

Reiddist prestinum og drap hann.

Anno, 1512 / Presturinn í Reykjadal stunginn til bana:

Brátt varð um prestinn í Reykjadal, er hann var á ferð með bónda einum í Merkurhrauni á Skeiðum.

Þeir riðu samsíða og áttu í þrasi, og rann bónda svo í skap, að hann stakk hníf sínum í brjóst prests neðan við geirvörtuna og sló á skaftið með hnefanum. Þetta varð presti að bana, og komu menn að, er bóndi hugðist ríða með líkið fram í Hvítá. Vegandinn hefur verið settur í myrkrastofu og hýddur og sveltur til yfirbótar og skal standa við kirkjudyr í Skálholti á Þorláksmessu, er þar er fjölmenni mest við messu, og hljóta vandarhögg af hverjum manni, sem inn gengur í kirkjuna.

Sifjaspell:

Anno, 1548-1550:

Systursonur Ögmundar Pálssonar biskups, Þorsteinn Þórðarson frá Hvoli, hefur orðið uppvís að legorði með systur sinni. Hann leitaði á náðir Jóns Hólabiskups, er skotið hefur yfir hann skjólshúsi.